ଏସି ହେଲା କାଳ : ପୁରୁଣା ଏସିରୁ ବାହାରିଲା ବିଷାକ୍ତ ଗ୍ୟାସ, ନେଇଗଲା ୩ଟି ଜୀବନ
ଚେନ୍ନାଇରେ ଘଟିଛି ଏକ ଅଭାବନୀୟ ଘଟଣା । ଏକ ଖରାପ ଏୟାର କଣ୍ଡିସନରରୁ ନିର୍ଗତ ବିଷାକ୍ତ ଗ୍ୟାସ ସଂସ୍ପର୍ଶରେ ଆସି ଗୋଟିଏ ପରିବାରର ୩ ଜଣ ସଦସ୍ୟଙ୍କ ମୃତ୍ୟୁ ହୋଇଯାଇଛି । ଚେନ୍ନାଇର କୋୟାମ୍ବେଡ଼ୁ ସ୍ଥିତ ଥିରୁଭଲୁବର ନଗରରେ ଏହି ଘଟଣା ଘଟିଛି। ମୃତକଙ୍କ ମଧ୍ୟରେ ଜଣେ ୩୫ ବର୍ଷୀୟ ଯୁବକ, ତାଙ୍କ ପତ୍ନୀ ଏବଂ ୮ ବର୍ଷର ପୁଅ ଅଛନ୍ତି। ପୁଲିସ କବାଟ ଭାଙ୍ଗି ୩ ଜଣଙ୍କ ମୃତଦେହ ଉଦ୍ଧାର କରିଥିଲା ।
Kanak News is now on WhatsApp
Join and get latest news updates delivered to you via WhatsApp
ପ୍ରାରମ୍ଭିକ ଯାଂଚରୁ ଜଣାପଡିଲା କି ସୋମବାର ରାତିରେ ସେହି ଅଂଚଳରେ ବିଜୁଳି କାଟ ହୋଇଥିବାରୁ ସେମାନେ ଇନଭର୍ଟର ଚାଲୁ କରିଥିଲେ । ମଧ୍ୟରାତ୍ରିରେ ବିଜୁଳି ସେବା ବ୍ୟାହତ ହୋଇଥିଲା, କିନ୍ତୁ ଦମ୍ପତି ଓ ପିଲାର ମୃତ୍ୟୁ ହୋଇଥିଲା । ସେହିପରି, ଏସି କଂପ୍ରେସର ବିସ୍ଫୋଟ ହେବା କାରଣରୁ ଦିଲ୍ଲୀର ୧୦ ବର୍ଷୀୟ ବାଳକ ଓ ତା’ ୯ ବର୍ଷୀୟ ଭଉଣୀର ମୃତ୍ୟୁ ହୋଇଯାଇଥିଲା । ତାଙ୍କ ମାତାପିତା ଘରେ ନଥିଲେ, ପିଲାମାନେ ଜେଜେମା’ଙ୍କ ସହ ଘରେ ଏକୁଟିଆ ଥିଲେ ।