ବିବାହ ଉତ୍ସବ ହେଉ କିମ୍ବା ବଡ ବଡ ପାର୍ଟି ହେଉ ଉତ୍ସବ ଆୟୋଜନ କରିଥିବା ବ୍ୟକ୍ତିଜଣକ ମାହୋଲକୁ ରଙ୍ଗିନ୍ କରିବା ପାଇଁ ଟଙ୍କା ଦେଇ ନର୍ତ୍ତକୀ ଭଡାରେ ଆଣିଥାନ୍ତି । ଯେଉଁମାନେ ଉପସ୍ଥିତ ଅତିଥିଙ୍କ ମନୋରଞ୍ଜନ କରିଥାନ୍ତି । କିନ୍ତୁ ବର୍ତ୍ତମାନ ସୋସିଆଲ୍ ମିଡିଆରେ ଏଭଳି ଏକ ଭିଡିଓ ଭାଇରାଲ୍ ହେଉଛି ଯାହାକୁ ଦେଖି ଲୋକ ମଜା ନେବା ବଦଳରେ ହତବାକ୍ ହେଉଛନ୍ତି । ତେବେ ଏହି ଭିଡିଓରେ ମଧ୍ୟ ଜଣେ ନର୍ତ୍ତକୀ ଲୋକଙ୍କ ମନୋରଞ୍ଜନ କରୁଛନ୍ତି । କିନ୍ତୁ ପରିସ୍ଥିତି ଯେଉଁଭଳି ରହିଛି ତାହାକୁ ଦେଖି ଲୋକେ ଏବେ ଭିନ୍ନ ଭିନ୍ନ କଥା କହୁଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ଅସଲ କଥା ହେଉଛି ଉକ୍ତ ଉତ୍ସବଟି କୌଣସି ହାସ୍ୟଉଲ୍ଲାସର ଉତ୍ସବ ନୁହେଁ ବରଂ ଏହା ଏକ ଶ୍ରଦ୍ଧାଞ୍ଜଳୀ ସଭା । ଯେଉଁଠାରେ ଜଣେ ନର୍ତ୍ତକୀ ବଲିଉଡ୍ ଗୀତର ତାଳେ ତାଳେ ଠୁମକା ମାରୁଥିବାର ନଜର ଆସୁଛନ୍ତି । ତେବେ ଏହି ଭିଡିଓ ସୋସିଆଲ୍ ମିଡିଆରେ ଅପଲୋଡ୍ ହେବାପରେ ଖୁବ୍ ଭାଇରାଲ୍ ହୋଇଥିଲା । ଷ୍ଟେଜ୍ ଉପରେ ଜଣେ ବୃଦ୍ଧ ଏବଂ ବୃଦ୍ଧାଙ୍କ ଶ୍ରଦ୍ଧାଞ୍ଜଳୀ ଫଟୋ ଲାଗିଥିବା ମଧ୍ୟ ସ୍ପଷ୍ଟ ଦେଖାଯାଉଛି । କିନ୍ତୁ ନା ସେଠାରେ କୌଣସି ପ୍ରାର୍ଥନାର ଝଲକ ଦେଖାଯାଉଛି ଆଉ ନା ହି କୌଣସି ଶୋକର ଚିତ୍ର । ତେବେ କେଉଁ ସ୍ଥାନରେ ଏଭଳି ଅସହଜ ନୃତ୍ୟ ଚାଲିଛି ତାହା ଏ ପର୍ଯ୍ୟନ୍ତ ଜଣାପଡିନାହିଁ ।