ବାପାଙ୍କ ବ୍ୟବସାୟ ପାଇଁ ଝିଅ କରୁଥିଲା ପୂଜା ! ୬୮ ଦିନର ଉପବାସ ପରେ ମରିଗଲା ଆରାଧନା
ବାପାଙ୍କ ବ୍ୟବସାୟରେ ଲାଭ ହେବ ବୋଲି ଆରାଧନା କରୁଥିଲା ଆରାଧନା । ଘରର ଖୁସି ପାଇଁ ନିଜ ଖୁସିକୁ ବଳି ଦେଇ ରଖଥିଲା ୬୮ ଦିନର ନିର୍ଜଳ ଉପବାସ । କିନ୍ତୁ ବ୍ରତ ଶେଷ ହେବା ପରେ ସରିଗଲା ଆରାଧନା ଜୀବନ ଦୀପ । ଆଉ ମୃତ୍ୟୁର କୋଳକୁ ଚାଲିଗଲା ହାଇଦ୍ରାବାଦର ଏହି ୧୩ ବର୍ଷର ଝିଅ । ଯାହା ଏବେ ପୂରା ଦେଶରେ ଚର୍ଚ୍ଚାର ବିଷୟ ।
Kanak News is now on WhatsApp
Join and get latest news updates delivered to you via WhatsApp
ନିଜ ଗହଣା ବ୍ୟବସାୟରେ ଲାଭ ପାଇଁ ଜଣେ ସନ୍ଥଙ୍କ ପରାମର୍ଶ ଅନୁସାରେ ଆରାଧନାର ବାପା ଝିଅକୁ ଏହି ଉପବାସ ରଖିବାକୁ କହିଥିଲେ । ଆଉ ଘରର ସୁଖ ଓ ଶାନ୍ତି ପାଇଁ ଟିକେ ବି ପଛଘୁଂଚା ନଦେଇ ଦୀର୍ଘ ୬୮ ଦିନର ବ୍ରତ ପାଳନ କରିଥଲା ୮ମ ଶ୍ରେଣୀର ଏହି ଛାତ୍ରୀ ଜଣକ । ଉପବାସ ଭାଙ୍ଗିବା ଦିନ ଆରାଧନାର ବାପା ଖବରକାଗଜରେ ବିଜ୍ଞାପନ ଦେବା ସହ ଏକ ବିଶେଷ କାର୍ଯ୍ୟକ୍ରମ ମଧ୍ୟ ରଖିଥିଲେ । ତେବେ ପୂଜା ଶେଷ ହେବା ପରେ ହଠାତ୍ ବେହୋସ୍ ହୋଇଯାଇଥିଲା ଆରାଧନା ଏବଂ ତା ପରେ ତାର ମୃତ୍ୟୁ ହୋଇଥିଲା ।
ତେବେ ସବୁଠାରୁ ଗୁରୁତ୍ୱପୂର୍ଣ୍ଣ କଥା ହେଉଛି ଆରାଧନାଙ୍କର ଏହା ପ୍ରଥମ ଉପବାସ ନଥିଲା । ଏହା ପୂର୍ବରୁ ସେ ୪୧ ଦିନର ଆଉ ଏକ ଉପବାସ ମଧ୍ୟ ରଖିଥିଲେ । ଯାହାକୁ ନେଇ ସ୍ଥାନୀୟ ଲୋକେ ଏହାକୁ ଏକ ହତ୍ୟା ମଧ୍ୟ କହିବାକୁ ପଛାଉ ନାହାନ୍ତି ।