ପ୍ରଧାନମନ୍ତ୍ରୀଙ୍କୁ ଚିଠି ଲେଖିଲେ ୧୦ ହଜାର ବିଧବା ମହିଳା ! ଜାଣନ୍ତୁ କଣ ରହିଛି ଉଦ୍ଦେଶ୍ୟ ।
ଅନ୍ତଃରାଷ୍ଟ୍ରୀୟ ବିଧବା ଦିବସ ଅବସରରେ ଦେଶର ବିଭିନ୍ନ ରାଜ୍ୟରୁ ପ୍ରାୟ ୧୦ ହଜାର ବିଧବା ମହିଳା ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କୁ ପତ୍ର ଲେଖିଛନ୍ତି । ପଶ୍ଚିମବଙ୍ଗ, ହିମାଚଳ ପ୍ରଦେଶ, ତେଲେଙ୍ଗାନା, ଗୁଜୁରାଟ, ରାଜସ୍ଥାନ, ଝାରଖଣ୍ଡ ଏବଂ ପଞ୍ଜାବର ବିଧବା ମହିଳା ମାନେ ନିଜର ସମସ୍ୟା ବିଷୟରେ ମୋଦିଙ୍କ ପାଖକୁ ପତ୍ର ଲେଖିଛନ୍ତି । ପୂର୍ବରୁ ୨୦୦୯ ମସିହାରେ ମହିଳା ଅଧିକାରୀ ରାଷ୍ଟ୍ରମଞ୍ଚ ଏହି ପୋଷ୍ଟକାର୍ଡ ଅଭିଯାନ ଆରମ୍ଭ କରିଥିଲେ । ଯାହା ଦ୍ୱାରା ଦେଶର ବିଧବା ମହିଳା ମାନେ ଅନ୍ତଃରାଷ୍ଟ୍ରୀୟ ବିଧବା ଦିବସରେ ପ୍ରଧାନମନ୍ତ୍ରୀଙ୍କ ପାଖକୁ ପୋଷ୍ଟକାର୍ଡ ପଠାଇଥାନ୍ତି । ସେଥିମଧ୍ୟରୁ ପ୍ରଭାତୀ ଦେବୀ ଅନ୍ୟତମ, ଯିଏ ଏବେ କାମ କରିବାରେ ସମ୍ପୁର୍ଣ୍ଣ ଅକ୍ଷମ ଅଟନ୍ତି । ସେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କୁ ଏକ ପତ୍ର ଲେଖି ପ୍ରତି ବିଧବା ମହିଳା ମାନଙ୍କୁ ପେନସନ ଭାବରେ ୨୦୦୦ ଟଙ୍କା ଦେବାକୁ ଦାବି କରିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ମହିଳା ଅଧିକାରୀ ରାଷ୍ଟ୍ରୀୟ ମଞ୍ଚର ସମ୍ପାଦକ ନିର୍ମଳ ଚନ୍ଦେଲଙ୍କ କହିବା ଅନୁସାରେ, ଏହି ବିଧବା ମହିଳାମାନେ ପ୍ରମାଣ କରିଛନ୍ତି, ସେ ସମାଜରେ ସକରାତ୍ମକ ପରିବର୍ତ୍ତନ ଆଣିବା ସହ ନିଜ ଜୀବନକୁ ସୁନ୍ଦର ମଧ୍ୟ କରିପାରନ୍ତି । ତେଣୁ ସରକାର ଏମାନଙ୍କ ସମସ୍ୟା ଉପରେ ଧ୍ୟାନ ଦେବା ଉଚିତ । ଏହି କାରଣରୁ ବିଧବା ମହିଳା ମାନେ ପ୍ରଧନମନ୍ତ୍ରୀଙ୍କ ପାଖକୁ ପତ୍ର ଲେଖିଛନ୍ତି । ସେମାନଙ୍କ ଆଶା ରହିଛି ପ୍ରଧାନମନ୍ତ୍ରୀ ସମସ୍ତଙ୍କ ସମସ୍ୟାକୁ ବୁଝି ବିଧବା ମାନଙ୍କୁ ସୁବିଧା ସୁଯୋଗ ଯୋଗାଇଦେବେ ।