ଆପଣଙ୍କ ଶରୀର ପାଇଁ ଅତ୍ୟନ୍ତ ଉପକାରୀ କ୍ରୋମିୟମ୍ : ରକ୍ତ ଚାପ ନିୟନ୍ତ୍ରଣ , ଓଜନ ହ୍ରାସ ଏବଂ ହୃଦରୋଗ ସମସ୍ୟାର କରେ ଉପଚାର
ଯଦି ଆପଣଙ୍କର ବ୍ଲଡ୍ ସୁଗାର୍ ନିୟନ୍ତ୍ରଣ , ଓଜନ ହ୍ରାସ ଏବଂ ହୃଦରୋଗର ଉପଚାର ପାଇଁ ଆବଶ୍ୟକ କିଛି ସାମଗ୍ରୀ ତେବେ ତାହା ହେଲା କ୍ରୋମିଅମ୍ । ଏହା ଏକ ପ୍ରକାରର ଧାତୁ, ଯାହାର ବ୍ୟବହାର ସାଧାରଣତଃ ଶିଳ୍ପ କ୍ଷେତ୍ରରେ ପରିଲକ୍ଷିତ ହୁଏ। କିନ୍ତୁ କ’ଣ ଜାଣନ୍ତି କି ଆମ ଶରୀର ପାଇଁ ବି ଏହାର ଆବଶ୍ୟକତା ରହିଛି ।
Kanak News is now on WhatsApp
Join and get latest news updates delivered to you via WhatsApp
ପ୍ରଥମେ ଜାଣନ୍ତୁ କେଉଁସବୁ ଖାଦ୍ୟ ପାନୀୟରେ କ୍ରୋମିୟମ୍ ମିଳିଥାଏ। ଏହା ସାଧାରଣତଃ ସେଓ, ନାସପାତି, କଦଳୀ, କମଳା, ମାଂସ, ବ୍ରୋକଲି , ନଡ଼ିଆ, ଅମୃତଭଣ୍ଡା, ଅଣ୍ଡା, ବାଦାମ, ଅଦା, ଆଳୁ, ରସୁଣ ଓ ତୁଳସୀ ପତ୍ରରେ ମିଳିଥାଏ।
ଏବେ ଆସନ୍ତୁ ଜାଣିବା କ୍ରୋମିଅମ୍ ଆମର କେଉଁ ଉପକାରରେ ଆସିଥାଏ?
• ମଧୁମେହ ରୋଗୀଙ୍କ ଶରୀରରେ କ୍ରୋମିଅମ୍ କମ୍ ରହିଥାଏ। ଏଣୁ କ୍ରୋମିଅମ୍ ଯୁକ୍ତ ଖାଇଲେ ବ୍ଲଡ୍ ସୁଗାର୍ ନିୟନ୍ତ୍ରିତ ହୋଇଥାଏ। ଅନେକ ସମୟରେ ଡାକ୍ତର ରୋଗୀଙ୍କୁ କ୍ରୋମିଅମର ବାହ୍ୟ ଖୋରାକ ଦେଇଥାଆନ୍ତି।
• ତ୍ୱଚା ପାଇଁ ଜରୁରୀ: ତ୍ୱଚାର ସୌନ୍ଦର୍ଯ୍ୟ ପାଇଁ କ୍ରୋମିଅମ ଉପକାରୀ। ଶରୀରରେ କ୍ରୋମିଅମର ମାତ୍ରା କମ୍ ଥିଲେ ମୁହଁରେ ବ୍ରଣ ଉଠିଥାଏ। କ୍ରୋମିଅମ୍ ଇନସୁଲିନ ରିଲିଜ୍ କରୁଥିବା ହେତୁ ଏହାର ସେବନ ଦ୍ୱାରା ତ୍ୱଚା ବି ବ୍ରଣଯୁକ୍ତ ହୋଇଥାଏ।
• ହୃଦରୋଗରୁ ରକ୍ଷା କରିଥାଏ : କ୍ରୋମିଅମ୍ ସେବନ ଫଳରେ ଶରୀରରେ ଖରାପ କୋଲେଷ୍ଟ୍ରଲର ମାତ୍ରା କମ୍ ହୋଇଥାଏ। ଏହା ଦ୍ୱାରା ହୃଦରୋଗର ଆଶଙ୍କା ବି ହ୍ରାସ ପାଇଥାଏ। ଡାକ୍ତରଙ୍କ କହିବା ଅନୁଯାୟୀ ହୃଦଘାତରେ ହେଉଥିବା ମୃତ୍ୟୁର ପ୍ରମୁଖ କାରଣ ହେଲା ଶରୀରରେ କ୍ରୋମିଅମର ମାତ୍ରା କମ୍ ।
• ଓଜନ ହ୍ରାସ କରିବାରେ ସହାୟକ :-କ୍ରୋମିୟମର ସେବନ ଫଳରେ ଶରୀର ଫିଟ୍ ରହିଥାଏ ଏବଂ ଶରୀରରେ ଥିବା ଅତିରିକ୍ତ ଚର୍ବି ଅଂଶ ଦହନ ହୋଇଥାଏ। ଏହି ଦୁଇଟି କାରଣରୁ କ୍ରୋମିଅମ୍ ମୋଟା ଲୋକଙ୍କ ପାଇଁ ଅତ୍ୟନ୍ତ ଉପଯୋଗୀ।