ମହିଳାଙ୍କ ସୁରକ୍ଷା ପାଇଁ ଆସିଲା ‘ଭୋଡାଫୋନ୍ ସଖୀ’ ପ୍ଲାନ୍ ! ଏବେ ଦୋକାନୀଙ୍କୁ ନମ୍ବର ନଦେଇ କରିପାରିବେ ରିଚାର୍ଜ
ଦେଶର ଅଗ୍ରଣୀ ଟେଲିକମ୍ କମ୍ପାନୀ ଭୋଡାଫୋନ୍ ନିଜର ମହିଳା ଗ୍ରାହକ ମାନଙ୍କ ପାଇଁ ଆଣିଛି ଏକ ସ୍ୱତନ୍ତ୍ର ପ୍ଲାନ୍ । ଯାହାର ନାଁ ହେଉଛି ‘ଭୋଡାଫୋନ୍ ସଖୀ’ । ଏହି ସ୍କିମ୍ ମୂତାବକ ମହିଳା ମାନେ ରିଟେଲରଙ୍କୁ ନିଜ ନମ୍ବର ନଦେଇ ରିଚାର୍ଜ କରିପାରିବେ ।
Kanak News is now on WhatsApp
Join and get latest news updates delivered to you via WhatsApp
ଭୋଡାଫୋନର ଏହି ପ୍ରାଇଭେଟ୍ ରିଚାର୍ଜ ବିକଳ୍ପର ସୁବିଧା ପାଇବାକୁ ହେଲେ ଗ୍ରାହକଙ୍କୁ ‘ପ୍ରାଇଭେଟ୍’ ଲେଖି ୧୨୬୦୪ରେ ପଠାଇବାକୁ ପଡିବ । ଏହାପରେ ମୋବାଇଲ୍ ନମ୍ବରକୁ ଏକ ଓଟିପି କୋର୍ଡ ଆସିବ । ଏହି କୋର୍ଡକୁ ରିଟେଲରକୁ ଦେଲେ ମୋବାଇଲ୍ ରିଚାର୍ଜ ହେବ । ତେବେ ଏହି ଓଟିପିର ବୈଧତା କେବଳ ୨୪ଘଂଟା ।
ତେବେ ବର୍ତ୍ତମାନ ପାଇଁ ଏହି ପ୍ଲାନ୍ କେବଳ ପଶ୍ଚିମୀ ଉତ୍ତର ପ୍ରଦେଶ ଏବଂ ଉତ୍ତରାଖଣ୍ଡର ଗ୍ରାମୀଣ ଅଂଚଳରେ ଉପଲବ୍ଧ ଅଛି । ଯଦି ଏହି ସ୍କିମ୍ ଭଲ କାମ କରେ ତେବେ ଆଗକୁ ଦେଶର ଅନ୍ୟ ରାଜ୍ୟ ମାନଙ୍କରେ ଲଂଚ୍ କରାଯିବ । ମହିଳା ମାନଙ୍କ ସୁରକ୍ଷାକୁ ଆଖି ଆଗରେ ରଖି କମ୍ପାନୀ ଏହି ସ୍କିମ୍ ଆଣିଛି । କାରଣ ଅନେକ ସମୟରେ ରିଟେଲର୍ ମାନେ ମହିଳା ଏବଂ ଯୁବତୀ ମାନଙ୍କ ନମ୍ବର ପାଇ ଅଯଥା କଲ୍ ଏବଂ ମେସେଜ୍ କରି ହଇରାଣ କରିଥାନ୍ତି ।