ପିଲାକୁ ସ୍ତନ୍ୟପାନ କରାଇବାକୁ ଜାଗା ଖୋଜୁଥିଲା ମାଆ । ପୁଲିସ୍ ଯୋଗାଇଦେଲା ପିସିଆର ଭ୍ୟାନ୍
ସୋସିଆଲ ମିଡିଆରେ କିଛି ଦିନ ହେଲା ଏକ ଫଟୋ ଭାଇରାଲ ହେବାରେ ଲାଗିଛି । ଯାହାକି ଦିଲ୍ଲୀ ପୁଲିସର ବୋଲି ଜଣାପଡିଛି । ତେବେ ଏହି ଫଟୋରେ ଜଣେ ମହିଳା ପୁଲିସ୍ ଭ୍ୟାନରେ ବସିଥିବାର ନଜର ଆସିଛନ୍ତି । ଯେବେକି ଦୁଇ ପୁଲିସ୍ ଅଧିକାରୀ ତାଙ୍କୁ ଭ୍ୟାନ ବାହାରେ ଜଗି ରହିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ସୂଚନା ମୁତାବକ, ଭ୍ୟାନରେ ବସିଥିବା ଏହି ମହିଳା ଜଣକ ନିଜ ପରିବାର ସହିତ ଇଣ୍ଡିଆ ଗେଟ୍ ବୁଲିବାକୁ ଆସିଥିଲେ । ଏହି ସମୟରେ ସେ ତାଙ୍କର ପିଲାକୁ କ୍ଷୀର ପିଆଇବା ପାଇଁ ଏକ ସୁରକ୍ଷିତ ସ୍ଥାନ ଖୋଜିଥିଲେ ମାତ୍ର ଦୀର୍ଘ ସମୟ ଧରି ମହିଳା ଜଣକ ଏଣେ ତେଣେ ଖୋଜିଥିଲେ ମଧ୍ୟ ତାଙ୍କୁ ସେଭଳି କୌଣସି ସୁରକ୍ଷିତ ସ୍ଥାନ ମିଳିନଥିଲା । ଶେଷରେ ସେ ବାଧ୍ୟ ହୋଇ ସେଠାରେ ଠିଆ ହୋଇଥିବା ପୁଲିସ୍ ଅଧିକାରୀଙ୍କୁ ନିଜର ଭୋକିଲା ଶିଶୁକୁ ସ୍ତନ୍ୟପାନ କରାଇବାକୁ ପୁଲିସ୍ ଭ୍ୟାନରେ କିଛି ସମୟ ପାଇଁ ବସାଇବାକୁ ଆକୁଳ ନିବେଦନ କରିଥିଲେ ।
ମହିଳାଙ୍କ କଥା ଶୁଣିବା ମାତ୍ରକେ ପୁଲିସ୍ ତିଳେମାତ୍ର ବିଳମ୍ବ ନକରି ସଙ୍ଗେ ସଙ୍ଗେ ତାଙ୍କୁ ଭ୍ୟାନରେ ବସାଇଦେଇଥିଲେ । ଏହାପରେ ମହିଳା ଜଣକ ଶିଶୁକୁ ସ୍ତନ୍ୟପାନ କରାଇଥିଲେ । ଯାହାର ଏକ ଫଟୋ ଏବେ ସୋସିଆଲ ମିଡିଆରେ ଦ୍ରୁତ ଗତିରେ ଭାଇରାଲ ହେବାରେ ଲାଗିଛି ।