କନକ ବ୍ୟୁରୋ : ଟି-୨୦, ଦିନିକିଆ ପରେ ଏବେ ଟେଷ୍ଟ ଅଧିନାୟକ ପଦ ଛାଡିଛନ୍ତି ବିରାଟ କୋହଲି । ଶନିବାର ଅପ୍ରତ୍ୟାଶିତ ଭାବେ ଟେଷ୍ଟ ଅଧିନାୟକ ପଦକୁ ବାଏ ବାଏ କରିଛନ୍ତି କୋହଲି । ଏଣିକି ବିରାଟଙ୍କୁ କେବଳ ବ୍ୟାଟର ଭୂମିକାରେ ଟିମରେ ଦେଖିବାକୁ ମିଳିବ । ତେବେ ବିରାଟ ହଠାତ୍ ଏଭଳି ଅଧିନାୟକ ପଦ ଛାଡିବା ଅନେକ କ୍ରିକେଟପ୍ରେମୀଙ୍କୁ ଆଶ୍ଚର୍ଯ୍ୟଚକିତ କରିଛି । ଆଉ ଏହି ତାଲିକାରେ ଭାରତୀୟ ଟି-୨୦ ଓ ଦିନିକିଆ ଅଧିନାୟକ ଯୋଡି ହୋଇଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ବିରାଟ ଟେଷ୍ଟ ଅଧିନାୟକ ପଦ ଛାଡିବା ପରେ ଇନଷ୍ଟାଗ୍ରାମରେ ଏକ ପୋଷ୍ଟ ସେୟାର କରିବା ସହ ଲେଖିଛନ୍ତି, ଆଶ୍ଚର୍ଯ୍ୟ ଲାଗୁଛି । କିନ୍ତୁ ଭାରତୀୟ ଅଧିନାୟକ ଭାବେ ସଫଳ ଇନିଂସ ପାଇଁ ଧନ୍ୟବାଦ । ଆଗାମୀ କ୍ରିକେଟ କ୍ୟାରିୟର ପାଇଁ ବହୁତ ବହୁତ ଶୁଭକାମନା । କୋହଲି ଅଧିନାୟକ ପଦ ଛାଡିବା ପରେ ନୂଆ ଅଧିନାୟକ କିଏ ହେବ ତାହାକୁ ନେଇ ଚର୍ଚ୍ଚା ଆରମ୍ଭ ହୋଇଛି । ଆଉ ଏହି ରେସରେ ରୋହିତ ଶର୍ମା, କେ.ଏଲ ରାହୁଲ ଓ ରିଷଭ ପନ୍ତ ରହିଛନ୍ତି । ତେବେ ବିସିସିଆଇ ଏ ବାବଦରେ ଖୁବଶୀଘ୍ର ନିଷ୍ପତ୍ତି ନେଇପାରେ ।
View this post on Instagram
ଭାରତୀୟ ଟେଷ୍ଟ କ୍ରିକେଟ ଇତିହାସରେ ବିରାଟ କୋହଲି ସବୁଠୁ ସଫଳତମ ଅଧିନାୟକ । ବିରାଟଙ୍କ ନେତୃତ୍ୱରେ ଭାରତ ୬୮ଟି ଟେଷ୍ଟ ମ୍ୟାଚ୍ ଖେଳିଥିବା ବେଳେ ୪୦ଟିରେ ବିଜୟୀ ହୋଇଛି । ଖାସକରି ବିଦେଶ ମାଟିରେ ବିରାଟଙ୍କ ନେତୃତ୍ୱରେ ଦମଦାର ପ୍ରଦର୍ଶନ କରିଛି ଟିମ୍ ଇଣ୍ଡିଆ । ଅଷ୍ଟ୍ରେଲିଆ, ଇଂଲଣ୍ଡ, ୱେଷ୍ଟଇଣ୍ଡିଜ ମାଟିରେ ଭାରତ ବିଜୟର ସ୍ୱାଦ ଚାଖିଛି ।