ବଲାଙ୍ଗୀର ଜିଲ୍ଲାରେ କେମିତ ଚାଲିଛି ଧାନ ସଂଗ୍ରହ । ଗୁମର ଖୋଲିଲା କଳିକେଶ ସିଂଦେଓଙ୍କ ଚିଠି । ଟୋକନ ବ୍ୟବସ୍ଥାରେ ସମସ୍ୟା ଥିବା ମାନିଲେ ବିଜେଡି ନେତା?
କନକ ବ୍ୟୁରୋ: ଧାନ ସଂଗ୍ରହରେ ଅବ୍ୟବସ୍ଥାକୁ ନେଇ ସମ୍ବଲପୁରରେ ବିଜେପି ବଡ଼ ଧରଣର ଆନ୍ଦୋଳନ କରୁଥିବା ବେଳେ ବଲାଙ୍ଗିର ଜିଲ୍ଲାରେ ଧାନ କିଣାର ଅବ୍ୟବସ୍ଥା କଥା ଉଠାଇଛନ୍ତି ପୂର୍ବତନ ବିଜେଡି ସାଂସଦ କଳିକେଶ ସିଂଦେଓ । ଯୋଗାଣ ମନ୍ତ୍ରୀଙ୍କୁ ଚିଠି ଲେଖି ସେ ଉଲ୍ଲେଖ କରିଛନ୍ତି ଯେ…
Kanak News is now on WhatsApp
Join and get latest news updates delivered to you via WhatsApp
ଗତବର୍ଷ ଖରିଫ ଋତୁରେ ଧାନ ବିକ୍ରି କରିବା ପାଇଁ ୪୮,୯୮୮ ଜଣ ଚାଷୀ ପଞ୍ଜିକରଣ କରିଥିଲେ । ସେମାନଙ୍କ ମଧ୍ୟରୁ ୪୩, ୮୧୯ ଜଣ ଚାଷୀଙ୍କଠାରୁ ୩୧, ୨୮, ୩୭୮ କ୍ୱିଂଟାଲ ଧାନ ସଂଗ୍ରହ ହୋଇଥିଲା । ତେବେ ଗତବର୍ଷ ତୁଳନାରେ ଚଳିତବର୍ଷ ୩୬% ଅଧିକ ଚାଷୀ ଧାନ ବିକ୍ରି ପାଇଁ ପଞ୍ଜିକରଣ କରିଛନ୍ତି । ହେଲେ ବଲାଙ୍ଗିର ଜିଲ୍ଲାରେ ୩୦, ୬୮, ୬୦୦ କ୍ୱିଂଟାଲ ଧାନ ସଂଗ୍ରହ ପାଇଁ ଟାର୍ଗେଟ୍ ରହିଛି । ଟାର୍ଗେଟ୍ ବୃଦ୍ଧି କରାଯାଇନଥିବା ବେଳେ ଚାଷୀଙ୍କୁ ଟୋକନ୍ ଦିଆ ଚାଲିଛି । ଏଭଳି ସ୍ଥିତିରେ ଅଧିକ ଉତ୍ପାଦନ କରିଥିବା ଚାଷୀଙ୍କ ଭିତରେ ଧାନ ବିକ୍ରି ନେଇ ସନ୍ଦେହ ରହିଛି । ସେହିପରି ଟାର୍ଗେଟ୍ ପୂରଣ ହୋଇଯାଇଥିବାରୁ ଅନେକ ଚାଷୀଙ୍କ ଟୋକନ୍ ଲାପ୍ସ କରିଯାଇଛି । ତେଣୁ କରି ବଲାଙ୍ଗୀର ଜିଲ୍ଲାରେ ଅଭାବି ବିକ୍ରି ରୋକିବା ପାଇଁ ଟାର୍ଗେଟକୁ ଆହୁରି ୩୦,୦୦୦ ମେଟ୍ରିକ୍ ଟନ୍ ବଢ଼ାଇବା ପାଇଁ ଅନୁରୋଧ କରିଛନ୍ତି ।
ପୂର୍ବତନ ବିଜେଡି ସାଂସଦ, କଳିକେଶଙ୍କ ଏହି ଚିଠିରୁ ଗୋଟିଏ କଥା ସ୍ପଷ୍ଟ ଯେ, ବଲାଙ୍ଗୀର ଜିଲ୍ଲାରେ ଟୋକନ୍ ସମସ୍ୟା ରହିଛି । ଏମିତି କି ଉତ୍ପାଦିତ ଧାନ ବିକ୍ରି କରିବାରେ ଚାଷୀଙ୍କ ଭିତରେ ସମସ୍ୟା ରହିଛି । ଆଉ ଯେତେବେଳେ ଶାସକ ଦଳର ଜଣେ ନେତା ଚାଷୀଙ୍କ ସମସ୍ୟା ଉଠାଇଛନ୍ତି, ବିରୋଧୀଙ୍କୁ ସମାଲୋଚନା କରିବା ପାଇଁ ଆଉ ଏକ ମୌକା ମିଳିଯାଇଛି । ରାଜନୀତିର ଏହି ବୟାନବାଜୀ ଭିତରେ କିନ୍ତୁ ସାରା ରାଜ୍ୟର ବିଭିନ୍ନ ମଣ୍ଡିରୁ ଧାନ ସଂଗ୍ରହ ନେଇ ଥିବା ଅବ୍ୟବସ୍ଥାର ଚିତ୍ର ଆସିବାରେ ଲାଗିଛି ।