ରେଲୱେ ଚାକିରି ଛାଡି ରାଜନୀତିରେ ଆଦିବାସୀ ଡିପ୍ଲୋମା ଇଞ୍ଜିନିୟର । ଜିଲ୍ଲା ପରିଷଦ ସଭ୍ୟା ଭାବେ ନାମାଙ୍କନ ଭରିଲେ ରୀନା କୱାସୀ
କନକ ବ୍ୟୁରୋ : ରେଲୱେ ଚାକିରିରେ ଯୋଗ ନଦେଇ ରାଜନୀତି ପାଇଁ ମନ ବଳାଇଲେ ଆଦିବାସୀ ଡିପ୍ଲୋମା ଇଂଜିନିୟର । ମାଲକାନଗିରି ଜିଲ୍ଲା କୋଲିମେଳା ଯୋନ-୨ ପାଇଁ ଜିଲ୍ଲା ପରିଷଦ ସଭ୍ୟା ଭାବେ ନାମାଙ୍କନ ପତ୍ର ଦାଖଲ କରିଛନ୍ତି କୋୟା ଆଦିବାସୀ ଝିଅ ରିନା କଓାସୀ । କାଲିମେଳା ବ୍ଲକ ଅନ୍ତର୍ଗତ ଦୁର୍ଗମ ତୁମ୍ବାଗୁଡା ଗାଁର ଆଦିବାସୀ ଝିଅ ରିନା କଓାସୀଙ୍କ ବାପା ମାଆ ଚାଷ ବାସ କରି ଝିଅକୁ ଗାଁ ଓ ଆଦିବାସୀ ସେବାଶ୍ରମରେ ପାଠ ପଢାଇଥିଲେ ।
Kanak News is now on WhatsApp
Join and get latest news updates delivered to you via WhatsApp
ଦଶମ ପାସ କରି ଷ୍ଟାଇପେଣ୍ଡ ପଇସାରେ ବହୁ ଖଷ୍ଟ ସାଧ୍ୟ କରି ରିନା କୋରାପୁଟ ଜିଲ୍ଲାର ଏକ ଘରୋଇ ଅନୁଷ୍ଠାନରେ ୨୦୧୬ ଠାରୁ ୨୦୨୦ ଯାଏଁ ପାଠପଢି ସିଭିଲ ଇଂଜିନିୟରିଂ ଡିପ୍ଲୋମା ହାସଲ କରି ଥିଲେ । ଡିପ୍ଲୋମା ସରିବା ପରେ ୨୦୨୧ରେ ସେ ରେଲୱେରେ ଚାକିରି ମଧ୍ୟ ପାଇଥିଲେ । ତେବେ ଗାଁ ଲୋକଙ୍କ ଶିକ୍ଷା ଓ ସାମାଜିକ କ୍ଷେତ୍ରରେ ଉନ୍ନତି ଆଣିବା ଲାଗି ସେ ରାଜନୀତିରେ ଯୋଗ ଦେଇ ଥିବା କହିଛନ୍ତି ।