ବାରବାଟୀରେ ଆରମ୍ଭ ହେଲା ଖେଳାଳୀଙ୍କ ଅଭ୍ୟାସ : ପ୍ରଥମେ ଅଭ୍ୟାସ ଆରମ୍ଭ କଲା ଦକ୍ଷିଣ ଆଫ୍ରିକା ଦଳ, ସନ୍ଧ୍ୟାରେ ଫ୍ଲଡ୍ ଲାଇଟରେ ଟିମ୍ ଇଣ୍ଡିଆ କରିବ ପ୍ରାକ୍ଟିସ୍
କନକ ବ୍ୟୁରୋ : ଆସନ୍ତାକାଲି ଖେଳାଯିବାକୁଥିବା ଭାରତ ଓ ଦକ୍ଷିଣ ଆଫ୍ରିକା ଟି-୨୦ ମ୍ୟାଚ୍ ପାଇଁ ଆଜି ଅଭ୍ୟାସ ଆରମ୍ଭ କରିଛନ୍ତି ଖେଳାଳୀ । ଦକ୍ଷିଣ ଆଫ୍ରିକା ଟିମ୍ ଅପରାହ୍ଣ ଗୋଟାଏରୁ ବାରବାଟୀ ଷ୍ଟାଡିୟମରେ ଅଭ୍ୟାସ ପାଇଁ ପହଞ୍ଚିଛି । ସେଠାରେ ଟିମ୍ ୨ ଘଣ୍ଟା ଧରି ଅଭ୍ୟାସ କରିବ ଟିମ୍ । ଏହା ପରେ ସନ୍ଧ୍ୟା ୫ଟା ବେଳେ ଟିମ୍ ଇଣ୍ଡିଆ ଅଭ୍ୟାସ କରିବ । ଭାରତୀୟ ଦଳ ଫ୍ଲଡ ଲାଇଟରେ ଅଭ୍ୟାସ କରିବାକୁ ସୁଯୋଗ ପାଇବ ।
Kanak News is now on WhatsApp
Join and get latest news updates delivered to you via WhatsApp
ପ୍ରଥମ ମ୍ୟାଚରେ ବଡ଼ ଟାର୍ଗେଟର ପିଛା କରି ଦମଦାର ବିଜୟ ହାସଲ କରିଥିବା ଦକ୍ଷିଣ ଆଫ୍ରିକାର ଆତ୍ମବିଶ୍ୱାସ ଉର୍ଦ୍ଧ୍ୱରେ ରହିଛି । ଏପରି ସ୍ଥିତିରେ ବାରବାଟୀରେ ଭ୍ରମଣକାରୀ ଦଳ ବିଜୟଧାରାକୁ ବଜାୟ ରଖିବାକୁ ଚାହିଁବ । ସେପଟେ ଭାରତ ସିରିଜକୁ ପ୍ରତ୍ୟାବର୍ତନ କରିବାକୁ ଲକ୍ଷ୍ୟ ରଖିଛି । ପ୍ରଥମ ମ୍ୟାଚରେ ଟିମର ବ୍ୟାଟିଂ ବିଭାଗ ଉନ୍ନତ ପ୍ରଦର୍ଶନ କରିଥିଲେ ହେଁ, ବୋଲର ଓ ଫିଲ୍ଡରଙ୍କ ପ୍ରଦର୍ଶନ ଆଶାନୁରୂପ ରହିନଥିଲା । ତେଣୁ ନୂଆ କ୍ୟାପଟେନ୍ ଋଷଭ ପନ୍ତଙ୍କ ନେତୃତ୍ୱରେ ଭାରତ ବାରବାଟୀ ମ୍ୟାଚ୍ ଜିତି ସିରିଜକୁ ବରାବର କରିବାକୁ ଚାହିଁବେ ।