ସାଇକେଲରେ ୧୩୦ ଦିନର ଯାତ୍ରା । ପୃୃଥିବୀ ଭ୍ରମଣ କରିବ ୧୯ବର୍ଷୀୟ ଯୁବତୀ । ବିଶ୍ୱ ରେକର୍ଡ ଲକ୍ଷ୍ୟରେ ବେଦାଙ୍ଗୀ
ଆଉ ଘର କୋଣରେ ବସିରହିବା ପାଇଁ ସେ ପ୍ରସ୍ତୁତ ନୁହେଁ । ଦେଶର ପ୍ରତିରକ୍ଷା ଠାରୁ ଆରମ୍ଭ କରି ଗବେଷଣା, ମହାକାଶ ଠାରୁ ଅତଳ ଜଳରାଶିରେ ସଂଘର୍ଷ କରିବାର ନିଶାରେ ଆଗେଇଚାଲିଛି ଭାରତୀୟ ନାରୀ । ଆଉ ସବୁଠି ଦେଖାଇଛି ନିଜର ସାହସ, ପରାକାଷ୍ଠା ଆଉ କୃତିତ୍ୱ । ସେହିଭଳି ଆଉ ଜଣେ ମହୀୟସି ମହିଳାଙ୍କର ବିରଳ କୃତିତ୍ୱ ଆସିଛି ସାମ୍ନାକୁ । ବିଶ୍ୱ ରେକର୍ଡ କରିବାର ଅଜବ ନିଶା ୧୯ ବର୍ଷରେ । ପୁଣି ଜଣେ ମହିଳାଙ୍କର । ସାଇକେଲରେ ବିଶ୍ୱ ଭ୍ରମଣ କରିବାର ବିରଳ ରେକର୍ଡ ।
Kanak News is now on WhatsApp
Join and get latest news updates delivered to you via WhatsApp
ପୁଣେର ୧୯ ବର୍ଷୀୟ ଯୁବତୀ ବେଦାଙ୍ଗି କୁଲକର୍ଣ୍ଣୀ, ୨୦୧୮ କୁ ସ୍ୱତନ୍ତ୍ର ଭାବେ ସ୍ମରଣୀୟ କରିବା ପାଇଁ ଇଚ୍ଛା କରିଛନ୍ତି । ନିଜ ସ୍ୱପ୍ନକୁ ସାକାର କରିବା ପାଇଁ ସେ ଗତ ମାସରେ ଶହେରୁ ଅଧିକ କିଲୋମିଟର ସାଇକେଲ ଚଲାଇଛନ୍ତି । ବର୍ତମାନ ବେଦାଙ୍ଗୀ ୨୯ହଜାର କିଲୋମିଟର ସାଇକେଲ ଚଲାଇ ବିଶ୍ୱର ସର୍ବକନିଷ୍ଠ ଦ୍ରୁତଗାମୀ ସାଇକେଲ ଚଳାଳି ହେବା ପାଇଁ ଚେଷ୍ଟା କରୁଛନ୍ତି । ସେ ୧୩୦ ଦିନରେ ତାଙ୍କର ଏହି ଯାତ୍ରା ଶେଷ କରିବା ପାଇଁ ଚେଷ୍ଟା କରୁଛନ୍ତି । ସାଉଥଆମେରିକା ଓ ଆଂଟାର୍କଟିକା ବ୍ୟତୀତ ଅନ୍ୟ ମହାଦେଶକୁ ଯିବା ପାଇଁ ନିଷ୍ପତ୍ତି ନେଇଛନ୍ତି ।
ଜଣେ ୧୯ ବର୍ଷୀୟ ମହିଳାଙ୍କ ପାଇଁ ଏଭଳି ଯାତ୍ରା ନିଶ୍ଚିତ ଭାବେ କାଠିକର ପାଠ । କିନ୍ତୁ ବେଦାଙ୍ଗୀ ଏହାକୁ ଅତି ହାଲକା ଭାବେ ଗ୍ରହଣ କରିଛନ୍ତି । ସେ କହିଛନ୍ତି ମୁଁ ଆବଶ୍ୟକୀୟ ତାଲିମ ନେଇଛି । ଏହା ମୋ ପାଇଁ ଅତି ସାମାନ୍ୟ କଥା, ସେ ଏହାକୁ ଅତ୍ୟନ୍ତ ଉତ୍ସାହର ସହ ଅପେକ୍ଷା କରଥିବା କହିଛନ୍ତି । ପ୍ରଶିକ୍ଷଣ ସମୟରେ ସେ ମୁମ୍ବାଇରୁ ନୂଆଦିଲ୍ଲୀ ୧୪ଶହ କିଲୋମିଟର ଯିବା ସମୟରେ ସେ ଏହା କହିଥିଲେ ।
ବେଦାଙ୍ଗୀ ବୋର୍ନେମାଉଥ ବିଶ୍ୱବିଦ୍ୟାଳୟରେ କ୍ରୀଡା ପରିଚାଳନା ବିଭାଗର ଛାତ୍ରୀ ଅଛନ୍ତି । ବେଦାଙ୍ଗୀ ଏହାକୁ ନୂଆବର୍ଷର ସଂକଳ୍ପ ବୋଲି କହିଛନ୍ତି । ସେ ନୂଆଦିଲ୍ଲୀରେ ପହଂଚିବା ପରେ ଜଣାଶୁଣା ବ୍ୟକ୍ତି ଓ ସରକାରୀ କାର୍ଯ୍ୟାଳୟର ବରିଷ୍ଠ ଅଧିକାରୀମାନଙ୍କୁ ଭେଟି ତାଙ୍କ ଯାତ୍ରା ପାଇଁ ଆବଶ୍ୟକୀୟ କାଗଜପତ୍ର ଦେବାରେ ଅନୁରୋଧ କରିବେ ବୋଲି କହିଛନ୍ତି ।