ସୁଲତାନକୁ ରିଜେକ୍ଟ କରିଥିଲେ କଙ୍ଗନା । କାରଣ ଜାଣିଲେ ଆଶ୍ଚର୍ଯ୍ୟ ହେବେ
ବଲିଉଡ କୁଇନ କଙ୍ଗନା ରନାୱତଙ୍କୁ ନେଇ ଏବେ ଜବରଦସ୍ତ ଚର୍ଚ୍ଚା ହେଉଛି । ପ୍ରତିଦିନ କଙ୍ଗନାଙ୍କ ନୂଆ ନୂଆ ବୟାନ ସିନେମହଲରେ ହଲଚଲ ସୃଷ୍ଟି କରୁଛି । ହ୍ରତିକଙ୍କ ସହ ତାଙ୍କ ସର୍ମ୍ପକକୁ ନେଇ କଙ୍ଗନା ଏବେ ଚାରିଆଡେ କହି ବୁଲୁଛନ୍ତି ।ଏସବୁ ଭିତରେ କଙ୍ଗନାଙ୍କ ନୂଆ ଫିଲ୍ମ ସିମରନ୍ ରିଲିଜ ହୋଇ ଯାଇଛି । ଏଥିରେ ପୁଣିଥରେ ନିଜ ଅଭିନୟରେ ଜଲୱା ଦେଖାଇଛନ୍ତି କଙ୍ଗନା । ପ୍ରତି ଫିଲ୍ମରେ ନିଜ ଅଭିନୟର ଛାପ ଛାଡି ଯାଉଥିବା କଙ୍ଗନା ଏହି ଫିଲ୍ମରେ ମଧ୍ୟ ନିଜ ଯାଦୁ ଦେଖାଇଛନ୍ତି । କିନ୍ତୁ କଙ୍ଗନା ଏବେ ନିଜ ଫିଲ୍ମକୁ ନେଇ ଯେତିକି ଚର୍ଚ୍ଚାରେ ନାହାନ୍ତି ତାଠାରୁ ନିଜ ବୟାନକୁ ନେଇ ଅଧିକ ଚର୍ଚ୍ଚାରେ ଅଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ଫିଲ୍ମର ପ୍ରମୋଶନ ବେଳେ କଙ୍ଗନା କହିଛନ୍ତି ଯେ, ତାଙ୍କୁ ସୁପରହିଟ ଫିଲ୍ମ ସୁଲତାନ ପାଇଁ ମଧ୍ୟ ଅଫର ଆସିଥିଲା କିନ୍ତୁ ସେ ଏହି ଫିଲ୍ମରେ କାମ କରିବାକୁ ମନା କରି ଦେଇଥିଲେ । ବଲିଉଡର ଭାଇଜାନ ସଲମାନଙ୍କ ଅପୋଜିଟରେ କାମ କରିବାକୁ କାହାର ବା ଇଚ୍ଛା ନାହିଁ । ଏପରିକି ସଲମାନଙ୍କ ସହ କାମ କରିବାକୁ ଅଫର ମିଳିଲେ ବଲିଉଡ ଅଭିନେତ୍ରୀ ଖୁସିରେ ଆତ୍ମହରା ହୋଇଯାଆନ୍ତି । କିନ୍ତୁ ଏହାସତ୍ତେ୍ୱ ମଧ୍ୟ କଙ୍ଗନା କାହିଁକି ସଲମାନଙ୍କ ସହ କାମ କରିବାକୁ ଅନିଚ୍ଛା ପ୍ରକାଶ କଲେ ତାହାର କାରଣ ଜାଣିଲେ ଆପଣ ଆଶ୍ଚଯ୍ୟ ହେବେ ।
କଙ୍ଗନାଙ୍କ କହିବା ଅନୁଯାୟୀ, ଯେତେବେଳେ ତାଙ୍କୁ ସୁଲତାନ ଫିଲ୍ମର ଅଫର ମିଳିଲା ସେ ଏ ଅଫରକୁ ପାଦରେ ଆଡେଇ ଦେଇଥିଲେ । କାରଣ ଏହି ଫିଲ୍ମରେ ହିରୋଇନଙ୍କ ରୋଲ ତାଙ୍କୁ ଦମଦାର ବା ମଜାଦାର ଲାଗି ନଥିଲା । ତା ଛଡା ଏହି ଫିଲ୍ମର ଅଫରକୁ ସ୍ୱୀକାର କରିବା ତାଙ୍କ ଫିଲ୍ମ କ୍ୟାରିୟର ଉପରେ ପ୍ରଭାବ ପକାଇଥାନ୍ତା ବୋଲି କଙ୍ଗନା କହିଛନ୍ତି ।
କାରଣ ସୁଲତାନ ଫିଲ୍ମ ଏକ ପୁରୁଷ କୁସ୍ତି ଯୋଦ୍ଧାଙ୍କ ଜୀବନୀ ଉପରେ ପର୍ଯ୍ୟବେସିତ । ତା ଛଡା ଏହି ଫିଲ୍ମରେ ହିରୋଇନ ମଧ୍ୟ ଏକ କୁସ୍ତି ଯୋଦ୍ଧା ଭୂମିକାରେ ନଜର ଆସିଥିଲେ । କଙ୍ଗନା ଏହି ରୋଲ ପାଇଁ ମନା କରିବାରୁ ଏହି ଅଫର ପାଇଥିଲେ ଅନୁଷ୍କା ଶର୍ମା ଏବଂ ଏହି ଚରିତ୍ରକୁ ବେଶ ସୁନ୍ଦର ଭାବେ ନିଭାଇଥିଲେ । ଆଉ ଏହି ଫିଲ୍ମଟି ସୁପରହିଟ ହୋଇଥିଲା । ସୁଲତାନର ସଫଳତା ପରେ ଯେତେବେଳେ କଙ୍ଗନାକୁ ଏହି ଫିଲ୍ମର ଅଫରକୁ ପ୍ରତ୍ୟାଖାନ କରିବାର କାରଣ ପଚରାଯାଇଥିଲା ସେ କହିଥିଲେ, ତାଙ୍କୁ ସବୁବେଳେ ନାରୀ ମାନଙ୍କ ଉପରେ ପର୍ଯ୍ୟବେସିତ ଫିଲ୍ମରେ କାମ କରିବାକୁ ଭଲ ଲାଗିଥାଏ । ଏହାଛଡା ତାଙ୍କୁ ଯେଉଁ ଚରିତ୍ର ଭଲ ଲାଗିଥାଏ ବା ପ୍ରେରିତ କରିଥାଏ ସେଭଳି ଫିଲ୍ମ କରିବାକୁ ସେ ସର୍ବଦା ଆଗ୍ରହ ଦେଖାଇଥାନ୍ତି ।
କଙ୍ଗନା କହିଥିଲେ, ତନୁ ୱେଡସ ମନୁ ରିଟର୍ଣ୍ଣସ ଫିଲ୍ମରେ ଅଭିନୟ କରିବା ପରେ ତାଙ୍କର ଅଭିନୟକୁ ନେଇ ଜବରଦସ୍ତ ଚର୍ଚ୍ଚା ହୋଇଥିଲା । ତେବେ ଏଭଳି ସମୟରେ ସୁଲତାନ ଭଳି ଫିଲ୍ମର ଅଫରକୁ ଗ୍ରହଣ କରିବା ତାଙ୍କ କ୍ୟାରିୟରକୁ ପଛକୁ ନେବା ଭଳି ହୋଇଥାନ୍ତା । ତା ଛଡା ଏହି ଫିଲ୍ମର ହିରୋଇନର ଚରିତ୍ର ଏତେ ଖାସ ବା ମଜାଦାର ନଥିଲା ତେଣୁ ସେ ଏହି ଅଫରକୁ ମନା କରି ଦେଇଥିଲେ ।