ସାରା ରାଜ୍ୟରେ ଗ୍ରୀଷ୍ମ ପ୍ରବାହ ଜାରି ! ଗରମ ଓ ଝାଞ୍ଜି ପବନରେ ସନ୍ତୁଳି ହେଲା ପଶ୍ଚିମ ଓଡିଶା
କନକ ବ୍ୟୁରୋ : ସାରା ରାଜ୍ୟରେ ଗ୍ରୀଷ୍ମ ପ୍ରବାହ ଜାରି ରହିଛି । ଗ୍ରୀଷଋତୁ ଆରମ୍ଭରୁ ହିଁ ହଟ୍ଟହଟା ହେଲେଣି ଲୋକେ । ଏହାସହ ପଶ୍ଚିମ ଓଡିଶାର ଲୋକେ ଗରମ ଓ ଝାଞ୍ଜି ପବନରେ ସନ୍ତୁୁଳି ହେଉଛନ୍ତି । ଜଳୁଛି ଟିଟିଲାଗଡ । ବଲାଙ୍ଗୀର ଜିଲ୍ଲାର ଟିଟିଲାଗଡରେ ମଧ୍ୟାହ୍ନ ସୃଷ୍ଟି କରିଛି ଇତିହାସ । ଦୀର୍ଘ ବର୍ଷର ରେକର୍ଡ ଭାଙ୍ଗିଛି ସୂର୍ଯ୍ୟଙ୍କ ତେଜ । ପାରଦ ୪୩ ଡିଗ୍ରୀକୁ ଛୁଇଁଛି ।
Kanak News is now on WhatsApp
Join and get latest news updates delivered to you via WhatsApp
୧୯୯୬ ମସିହା ପରଠାରୁ ମାର୍ଚ୍ଚ ମାସରେ ସୂର୍ଯ୍ୟଙ୍କ ତେଜ କେବେ ଏମିତି ଉଗ୍ର ରୂପ ଧାରଣ କରିନଥିଲା । ତାତି ସାଙ୍ଗକୁ ଝାଞ୍ଜି ବହିବା ମଧ୍ୟ ଆରମ୍ଭ ହୋଇଛି । କେବଳ ପଶ୍ଚିମ ଓଡିଶା ନୁହେଁ ଆଭନ୍ତରୀଣ ଓଡିଶାରେ ବି ଅସହ୍ୟ ତାତି ଅନୁଭୂତ ହୋଇଛି । ସ୍ୱାଭାବିକ ତାପମାତ୍ରାଠାରୁ ଢ଼େର ଉପରକୁ ଉଠିଯାଇଛି ପାରଦ । ପାଣିପାଗବିତ୍ ପୂର୍ବାନୁମାନ କରିଛନ୍ତି, ୨୮ରୁ ସୂର୍ଯ୍ୟଙ୍କ ତେଜ ଆହୁରି ବଢ଼ିବ ।
ଆସନ୍ତା ୧ପରେ ସୂର୍ଯ୍ୟଙ୍କ ତେଜ ଆହୁରି ଉଗ୍ର ରୂପ ନେବ । ଆଂଚଳିକ ପାଣିପାଗ କେନ୍ଦ୍ରର ନିର୍ଦ୍ଦେଶକ ଶରତ ସାହୁ କହିଛନ୍ତି ଉତ୍ତର ଓ ପଶ୍ଚିମ ଦିଗରୁ ଗରମ ପବନ ବହୁଛି । ଦିନେ ଦୁଇଦିନ ମଧ୍ୟରେ ସାରା ରାଜ୍ୟରେ ଏହି ଗ୍ରୀଷ୍ମ ଲହରୀ ଖେଳିଯିବ । ବିଶେଷ କରି ପଶ୍ଚିମ ଓ ଆଭ୍ୟନ୍ତରୀଣ ଓଡିଶା ଆହୁରି ତାତିବ ।