ଦେଶରେ ଏମିତି ଚାଲିଛି ଶିକ୍ଷା ବ୍ୟବସ୍ଥା ! ସମୁଦାୟ ୧୦୦ ନମ୍ବରରୁ ଛାତ୍ର ରଖିଲେ ୧୪୮ ନମ୍ବର, ଜାଣନ୍ତୁ ପୁରା ଘଟଣା ।
ଶିକ୍ଷା ବ୍ୟବସ୍ଥାରେ ତ୍ରୁଟି ଏବଂ ଅନିୟମିତତାର ଅନେକ ନଜିର ରହିଛି । ଶିକ୍ଷା ପଦ୍ଧତିରେ ଅବ୍ୟବସ୍ଥାର ଆଉ ଏକ ଚିତ୍ର ଏବେ ପଦାରେ ପଡିଛି । ଏଥର ଜଣେ ଛାତ୍ରଙ୍କୁ ନେଟ୍ ପରୀକ୍ଷାରୁ ୧୦୦ ଅଙ୍କରୁ ମୋଟ୍ ୧୪୮ ଅଙ୍କ ମିଳିଛି । କେବଳ ଏତିକି ନୁହେଁ ସମସ୍ତ ବିଷୟରେ ଉତ୍ତୀର୍ଣ୍ଣ ହେବା ପରେ ମଧ୍ୟ ଛାତ୍ରଜଣଙ୍କର ପରୀକ୍ଷା ଫଳକୁ ସ୍ଥଗିତ ରଖାଯାଇଛି । ତେବେ ଘଟଣାଟି ହେଉଛି ଜିୱାଜି ବିଶ୍ୱବିଦ୍ୟାଳୟ, ଗ୍ୱାଲିୟରର ।
Kanak News is now on WhatsApp
Join and get latest news updates delivered to you via WhatsApp
ଶନିବାର ସନ୍ଧ୍ୟାରେ ପ୍ରଭାରୀ ସହାୟକ କୁଳସଚିବ ଏସଏସ ତେବତିଆଙ୍କ ପାଖକୁ ପିଜି ଷଷ୍ଠ ସେମିଷ୍ଟାରର ଜଣେ ଛାତ୍ର ମହେନ୍ଦ୍ର ସିଂହ ଧାକଡ ଆସିଥିଲେ । ଛାତ୍ରଜଣଙ୍କ ଅକ୍ଟୋବର ୨୦୧୬ ମସିହାରେ ହୋଇଥିବା ପ୍ରାଇଭେଟ୍ ସ୍ପେଶାଲ ଏଟିକେଟି ପରୀକ୍ଷାର ମାର୍କ ସିଟ୍ କୁଳସଚିବଙ୍କ ଆଗରେ ରଖିଥିଲେ । ଏବେ ସେ ନିଜର ସମସ୍ୟା ବିଷୟରେ ଅବଗତ କରିବା ସହ ତାଙ୍କ ପରୀକ୍ଷାଫଳ ସ୍ଥଗିତ ରଖିଯାଇଥିବା ନେଇ ଅବଗତ କରାଇଥିଲେ ।
ଏହା ପରେ କୁଳସଚିବ ତାଙ୍କ ମାର୍କ ସିଟକୁ ଭଲ ଭାବେ ଦେଖିବା ପରେ ଜାଣିବାକୁ ପାଇଥିଲ ଯେ, ଛାତ୍ରଜଣଙ୍କୁ ସୋସିଓଲୋଜି ବିଷୟରେ ୧୦୦ରୁ ୧୪୮ ନମ୍ବର ଦିଆଯାଇଛି । କେବଳ ଏତିକି ନୁହେଁ, ଛାତ୍ରଜଣଙ୍କ ଅନ୍ୟ ସମସ୍ତ ବିଷୟରେ ଉତ୍ତୀର୍ଣ୍ଣ ମଧ୍ୟ ହୋଇଥିଲେ । ତେବେ ଘଟଣା ସମ୍ବନ୍ଧରେ ଜାଣିବା ପରେ ଏସଏସ ତେବତିଆ ତଦନ୍ତ ଆରମ୍ଭ କରିଦେଇଛନ୍ତି । ତେବେ ଏହି ମାମଲାରେ ଯେତେବେଳେ ବିଷୟ ବିଶେଷଜ୍ଞଙ୍କ ସହ ଆଲୋଚନା କରାଯାଇଥିଲା, ସେ କହିଥିଲେ ଯେ, ଏହା କେବେହେଲେ ମଧ୍ୟ ସମ୍ଭବ ନୁହେଁ । ମାର୍କ ସିଟଟି ଯେଉଁ ସମୟର ଅଟେ, ସେତେବେଳେ ସମାଜଶାସ୍ତ୍ର ବିଷୟର କେବଳ ଗୋଟିଏ ପେପର ହିଁ ଥିଲା । ମୋଟ୍ ୮୫ ନମ୍ବରର ଏହି ବିଷୟରେ ଉତ୍ତୀର୍ଣ୍ଣ ହେବା ପାଇଁ ୨୯ ନମ୍ବରର ଆବଶ୍ୟକତା ରହିଥିଲା । ତେବେ କେଉଁ ସ୍ତରରେ ତ୍ରୁଟି ରହିଛି, ସେନେଇ ଆରମ୍ଭ ହୋଇଯାଇଛି ତଦନ୍ତ ।