ସୋଶିଆଲ ମିଡିଆ ସାଜିଲା ଅଭାବୀଙ୍କ ପାଇଁ ଦେବଦୂତ : ଅପରିଚିତ ଲୋକମାନେ ତିଆରି କଲେ ମହିଳାଙ୍କ ପାଇଁ ଘର
ଅଧିକାଂଶ ଲୋକ ସାଙ୍ଗ ମାନଙ୍କ ସହିତ ମଜାକିଆ ଭିଡିଓ, ଚୁଟକୁଲା, ନ୍ୟୁଜ୍ ଏବଂ ଭ୍ୟୁଜ୍ ଇତ୍ୟାଦି ସେୟାର୍ କରିବା ପାଇଁ ଫେସବୁକ୍ ଓ ହ୍ୱାଟସଆପ୍ ର ବ୍ୟବହାର କରନ୍ତି । କିନ୍ତୁ ୪୨ ବର୍ଷୀୟ ରେଣିକୁଣ୍ଟା ରମେଶ ଫେସବୁକ୍ ର ବ୍ୟବହାର ଏମିତି କାମ ପାଇଁ କଲେ ଯାହା ଜରିଆରେ ଅନେକ ଅଭାବୀଙ୍କ ପାଇଁ ବଡ ଯୋଗଦାନ ଦେଇଛନ୍ତି । ସେ ଫେସବୁକ୍ ଜରିଆରେ ଡୋନର୍ସଙ୍କ ଠାରୁ ଫଣ୍ଡ ଏକାଠି କରି ଗରୀବଙ୍କ ପାଇଁ ଘର ତିଆରି କରିବା ବ୍ୟତୀତ ଅନେକ ମାମଲା ପାଇଁ ୫୨ ଲକ୍ଷ ଟଙ୍କା ଦାନ କରିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ସୋଶିଆଲ ମିଡିଆରେ ରମେଶଙ୍କ ସାଙ୍ଗଙ୍କ ଜରିଆରେ ୩୪ ପରିବାରକୁ ଆର୍ଥିକ ସହାୟତା ମିଳିସାରିଛି ଏବଂ ସେ ୧୪ ଲୋକଙ୍କ ପାଇଁ ଘର ନିର୍ମାଣ କରିବାରେ ସହାୟତା କରିଛନ୍ତି ।
ସେମିତି ଏକ ତେଲେଙ୍ଗାନାର ପୁଷ୍ପା ଓ ତାଙ୍କ ଦିବ୍ୟାଙ୍ଗ ଭାଣିଜିକୁ ସହାୟତା କରି ମସିହା ପାଲିଟିଯାଇଛନ୍ତି ରମେଶ । ସେମାନଙ୍କ ପାଇଁ ଘରର ବ୍ୟବସ୍ଥା କରିଦେଇଛନ୍ତି । ପୁଷ୍ପା ଦିନ ମଜୁରିଆ ଭାବେ ତାଙ୍କ ନିଜର ଓ ୧୧ ବର୍ଷୀୟ ଭାଣିଜିର ପେଟ ପୋଷନ୍ତି । ସରକାରୀ ଯୋଜନାର ହିତାଧିକାରୀ ହୋଇଥିବା ସତ୍ୱେ ତାଙ୍କୁ କିଛି ସହାୟତା ମିଳୁନଥିଲା । ତା’ପରେ ସେ ରମେଶ ରେଣିକୁଣ୍ଟାଙ୍କ ବିଷୟରେ ଜାଣିଲେ, ଯିଏ ଫେସବୁକ୍ ଜରିଆରେ ଲୋକଙ୍କ ସହାୟତା କରନ୍ତି । ସେ କେତେକ ଲୋକଙ୍କ ଠାରୁ ଫେସବୁକ୍ ଜରିଆରେ ସହାୟତା ପାଇ ପୁଷ୍ପାଙ୍କ ପାଇଁ ଘର ତିଆରି କଲେ ।