ଗ୍ରାହକଙ୍କୁ ପରସା ଯାଉଛି ମଣିଷ ମାଂସ ! ଚର୍ଚ୍ଚାରେ ଲଣ୍ଡନରେ ଥିବା ଭାରତୀୟ ଭୋଜନାଳୟ ‘କରି ଟୁଇଷ୍ଟ’
ଏଭଳି ଏକ ସାଘାଂତିକ ଅଭିଯୋଗ ଆସିଛି ଲଣ୍ଡନରେ ଥିବା ‘କରି ଟୁଇଷ୍ଟ’ ନାମକ ଏକ ଭାରତୀୟ ରେଷ୍ଟୁରାଂଟ ନାଁରେ । ତେବେ ଏକ ଫେସବୁକ୍ ପୋଷ୍ଟରେ ଏହା ଦାବି କରାଯାଇଛି କି ଉକ୍ତ ରେଷ୍ଟୁରାଂଟରେ ଗ୍ରାହକଙ୍କୁ ମଣିଷ ମାଂସ ପରସା ଯାଉଛି ।
Kanak News is now on WhatsApp
Join and get latest news updates delivered to you via WhatsApp
ମେଟ୍ରୋ ନାମକ ଏକ ୱେବସାଇଟରେ ପ୍ରକାଶିତ ଖବର ମୁତାବକ, ଫେକ୍ ନ୍ୟୁଜର ୱେବସାଇଟର ଫେସବୁକ ପେଜରେ ୟୁଜର୍ସ କିଛି ମିଛ ଖବର ମଧ୍ୟ ସେୟାର କରିପାରନ୍ତି । ଏହି ପେଜରେ କେହି ଜଣେ ଲେଖିଛି କି ‘କରି ଟୁଇଷ୍ଟ’ରେ ଗ୍ରାହକଙ୍କୁ ମଣିଷ ମାଂସ ପରସା ଯାଉଛି । ତେବେ ଏହି ପୋଷ୍ଟ ପରେ ଲୋକେ ଉକ୍ତ ରେଷ୍ଟୁରାଂଟଟିକୁ ବନ୍ଦ କରିବାକୁ ଧମକ ଦେଇଛନ୍ତି ।
ଖାଲି ସେତିକି ନୁହେଁ ଏହାକୁ କେନ୍ଦ୍ରକରି ରେଷ୍ଟୁରାଂଟର ମାଲିକାଣୀ ଶିନ୍ନା ବେଗମଙ୍କୁ ମଧ୍ୟ ସ୍ଥାନୀୟ ଲୋକେ ହୋଟେଲ ବନ୍ଦ କରିବାକୁ ଧମକ ଦେଇଛନ୍ତି । ଯେଉଁଥିପାଇଁ ସେ ପୁଲିସର ସହାୟତା ନେଇଛନ୍ତି । ତେବେ ଶିନ୍ନା ଏହି ଅଭିଯୋଗକୁ ଖଣ୍ଡନ କରି କହିଛନ୍ତି କି, ‘ଏହି ଅଭିଯୋଗ ସଂପୂର୍ଣ୍ଣ ମିଥ୍ୟା ଅଟେ । ମୋତେ ଏବଂ ମୋର ରେଷ୍ଟୁରାଂଟକୁ ବଦନାମ କରିବାକୁ କେହି ଏପରି ହୀନ ପନ୍ଥା ଆପଣେଇଛି’ ।