୩ ବର୍ଷର ନିରୀହ ଶିଶୁ ହେଲା ଯୌନ ଶୋଷଣର ଶିକାର ! ସ୍କୁଲର ଜଣେ କର୍ମଚାରୀ କରିଥିବା ଅଭିଯୋଗ
ମାତ୍ର ୩ ବର୍ଷର ନିରୀହ ଶିଶୁ ସହିତ ଯୌନ ଶୋଷଣ କରାଯାଇଥିବା ଅଭିଯୋଗ ଆସିଛି । ଆଉ ଏଭଳି କାଣ୍ଡ ଘଟାଇଥିବା ଅଭିଯୁକ୍ତ ଜଣକ ଶିଶୁଟି ପଢୁଥିବା ସ୍କୁଲର ଜଣେ କର୍ମଚାରୀ । ଏଭଳି ଏକ ଲଜ୍ଜା ଜନକ ଘଟଣା ସାମ୍ନାକୁ ଆସିଛି ବେଙ୍ଗାଲୁରରେ ।
Kanak News is now on WhatsApp
Join and get latest news updates delivered to you via WhatsApp
ପୋଲିସର କଥା ଅନୁସାରେ, ଗତ ଶୁକ୍ରବାର ଦିନ ଏହି ଘଟଣାଟି ସାମ୍ନାକୁ ଆସିଥିଲା ଯେତେବେଳେ କୁନିଝଅଟି ନିଜ ବାପା ମାଆଙ୍କୁ ଏସଂପର୍କରେ ଜଣାଇଥିଲା । କୁନିଝିଅଟି କହିଥିଲା କି ସ୍କୁଲରେ କାମ କରୁଥିବା ଜଣେ ଯୁବକ ତାକୁ କିଛି ଖରାପ ତରିକାରେ ସ୍ପର୍ଶ କରିବା ସହ ଖରାପ ବ୍ୟବହାର ମଧ୍ୟ କରୁଛି । ଝିଅଟିର ଏପରି କଥା ଶୁଣିବା ପରେ ଶିଶୁଟିର ବାପା-ମାଆ ସ୍କୁଲରେ ପହଂଚିଥିଲେ । ତେବେ ଘଟଣା ସଂପର୍କରେ ସୂଚନା ମିଳିବା ପରେ ଅନ୍ୟ ପିଲାମାନଙ୍କ ଅଭିଭାବକମାନେ ମଧ୍ୟ ସ୍କୁଲରେ ପହଂଚିଥିଲେ । ତେବେ ଯୌନ ଶୋଷଣ ଆଶଙ୍କାରେ ଡାକ୍ତରଙ୍କ ଯାଂଚ କରାଇବାପରେ ଶିଶୁଟିର ବାପା-ମାଆ ଥାନାରେ ଯାଇ ଅଭିଯୋଗ କରିଥିଲେ ।
ତେବେ, ପୀଡିତାର ପରିବାର ଲୋକଙ୍କ ଅଭିଯୋଗ ପରେ ପୋଲିସ ସ୍କୁଲର କତ୍ତୃପକ୍ଷଙ୍କୁ ଥାନାକୁ ଡାକି ପଚରାଉଚରା କରିଥିଲା । ଯଦିଓ ମୁଖ୍ୟ ଅଭିଯୁକ୍ତ ଜଣକ ଏବେ ଫେରାର ଅଛି । ତେବେ ପୋଲିସ ପକ୍ଷରୁ ତଦନ୍ତ ପ୍ରକ୍ରିୟା ଜାରି ରହିଛି । ଏଠାରେ ଆମେ କହି ରଖୁଛୁ କି ଅଭିଯୁକ୍ତ ଜଣକ ସେହି ସ୍କୁଲର ଜଣେ କର୍ମଚାରୀ ।