ଟଙ୍କା ନଥିଲା ପାଖରେ,ବାପାଙ୍କ ପାଇଜାମା ପିନ୍ଧି କ୍ରିକେଟ୍ ମୈଦାନକୁ ଓହ୍ଲାଇପଡିଥିଲେ ଏହି ଖେଳାଳୀ । ସାକ୍ଷାତକାରରେ ସାମ୍ବାଦିକଙ୍କୁ କହିଲେ ଚାକିରି ଅଛି ଯଦି କୁହନ୍ତୁ
ମଙ୍ଗଳବାର ଦିନ ରଣଜୀ ଟ୍ରଫି କ୍ୱାର୍ଟରଫାଇନାଲରେ ଜଣେ ଏଭଳି ଖେଳାଳୀ କର୍ଣ୍ଣାଟକ ବିପକ୍ଷରେ ରାଜସ୍ଥାନ ତରଫରୁ ବୋଲିଂ ଆଟାକର ନେତୃତ୍ୱ କରୁଛନ୍ତି , ଯିଏ କି ବହୁତ ଠୋକ୍କର ଖାଇ ଆଜି ଏହି ଶୀର୍ଷରେ ପହଂଚିଛନ୍ତି । ଗରିବୀର ଏଭଳି ସୀମାରେଖା ତଳେ ସେ ଥିଲେ ଯେ, ପ୍ରଥମ ପ୍ରାକ୍ଟିସ ମ୍ୟାଚରେ ଖେଳିବା ପାଇଁ ତାଙ୍କ ନିକଟରେ ପୋଷାକ କିଣିବାକୁ ବି ଟଙ୍କାଟିଏ ନଥିଲା । କିନ୍ତୁ ତାଙ୍କର ଥିବା ପ୍ରତିଭା ଏବଂ କିଛି କରିଦେଖାଇବାର ଦୃଢ ଇଚ୍ଛାଶକ୍ତିର କୌଣସି କମି ନଥିଲା । ବାପାଙ୍କର ପାଇଜାମା ପିନ୍ଧି ସେ କ୍ରିକେଟ୍ ମୈଦାନକୁ ଓହ୍ଲାଇଥିଲେ ।
Kanak News is now on WhatsApp
Join and get latest news updates delivered to you via WhatsApp
ତେବେ ତାଙ୍କୁ ଦେଖି ସେଠାରେ ଉପସ୍ଥିତ ଥିବା ସମସ୍ତ ଖେଳାଳି ଖୁବ୍ ହସିଥିଲେ, କିନ୍ତୁ କ୍ରିକେଟ୍ ପଡିଆରେ ତାଙ୍କର ଦମଦାର ପ୍ରଦର୍ଶନକୁ ଦେଖି ସମସ୍ତଙ୍କ ମୁହଁ ବନ୍ଦ ହୋଇଯାଇଥିଲା । ଏଥିରେ ସେ ସିଲେକ୍ଟ ହେଲେ ଆଉ ସେବେଠାରୁ ତାଙ୍କର କ୍ରିକେଟର ଯାତ୍ରା ଜାରି ରହିଛି । କିନ୍ତୁ ତାଙ୍କର ଏହାପୂର୍ବର ଜୀବନ ଅତ୍ୟନ୍ତ ଦୁର୍ବିସହ ଥିଲା । ଟଙ୍କା ରୋଜଗାର କରିବା ପାଇଁ ପ୍ରତିଦିନ ତାଙ୍କୁ ଗ୍ୟାରେଜରେ କାମ କରିବାକୁ ପଡୁଥିଲା, ଘର ଘର ବୁଲି ପେପର ବିକୁଥିଲେ , ଏପରିକି ବସ୍ ଭଡା ଦେବାକୁ ତାଙ୍କ ପାଖରେ ସେତିକି ସାମର୍ଥ ନଥିଲା ତେଣୁ ସେ ବସ୍ ଛାତରେ ବସି ମ୍ୟାଚ ଖେଳିବାକୁ ଯାଉଥିଲେ ।
କିନ୍ତୁ ତାଙ୍କର ଜୋସ୍ , ପ୍ରତିଭା ଏବଂ ଜୁନୁନ ଗରିବୀକୁ ମାତ ଦେଇଥିଲା । ଆଉ ଏହି କ୍ରିକେଟର ହେଉଛନ୍ତି ରାଜସ୍ଥାନ ରଣଜୀ ଟିମର ବାମହାତୀ ଦ୍ରୁତ ବୋଲର ତନବୀର ଉଲ ହକ୍ (୨୭) । ତନବୀର ରଣଜୀ ଟ୍ରଫି ଟୁର୍ଣ୍ଣାମେଂଟରେ ଏଯାବତ୍ ୪୭ଟି ଓି୍ୱକେଟ୍ ନିଜ ନାଁରେ ଅକ୍ତିଆର କରିସାରିଛନ୍ତି । ବୋଲିଂ ଆଟାକରେ ସେ ଆଜିର ଦିନରେ ଟିମର ଜଣେ ଅଗ୍ରଣୀ ବୋଲର ଅଟନ୍ତି ।