ମନ୍ଦିରକୁ ଦାନ ଦେଇ ଜେଲ ଦଣ୍ଡରୁ ମୁକ୍ତ ! ଦେଖନ୍ତୁ କୋର୍ଟର ଏକ ଅଦ୍ଭୁତ ରାୟକୁ ନେଇ ଚର୍ଚ୍ଚା
ଅହମଦାବାଦ : ଆପଣ ଦୋଷୀକୁ କୋର୍ଟ ରାଜକ୍ଷମା ଦେବା ବା ଜେଲ ଦଣ୍ଡରୁ କୋହଳ କରିବାର ଖବର ଶୁଣିଥିବେ । ହେଲେ କୈାଣସି ମନ୍ଦିରକୁ ଦାନ ଦେଇ ଜେଲ ଦଣ୍ଡରୁ ମୁକ୍ତ ହେବାର କେବେ ଶୁଣିନଥିବେ ? ଏମିତି ଏକ ଆଶ୍ଚର୍ଯ୍ୟକର ଘଟଣା ଘଟିଛି ଗୁଜୁରାଟରେ । ଏହାକୁ ନେଇ ଖୁବ୍ ଚର୍ଚ୍ଚା ଏବେ । ଜଣେ ବ୍ୟବସାୟୀଙ୍କୁ ମନ୍ଦିରକୁ ଦାନ ଦେବାର ସର୍ତ୍ତରେ ଜେଲେ ଦଣ୍ଡରୁ ମୁକ୍ତ କରିଛି ହାଇକୋର୍ଟ ।
Kanak News is now on WhatsApp
Join and get latest news updates delivered to you via WhatsApp
ବଲସାଦରେ ରହୁଥିବା ମନୁଭାଇ ଅମ୍ବାଲିଆ ନାମକ ଜଣେ ବ୍ୟବସାୟୀଙ୍କୁ ୩ମାସର ଜେଲ ୧୫ଶହ ଟଙ୍କା ଜୋରିମାନା ଦଣ୍ଡ ମିଳିଥିଲା । ଜଣେ ମହିଳାଙ୍କର ରହସ୍ୟମୟ ଭାବେ ମୃତ୍ୟୁ ପରେ ମନୁଭାଇ ତାଙ୍କ ପରିବାର ବିରୁଦ୍ଧରେ ଆତ୍ମହତ୍ୟାର ପାଇଁ ଦାୟୀ କରି ଏଫଆଇଆର ଦେଇଥିଲେ । ୧୯୯୩ରେ ବଲସାଡ ସେସନ କୋର୍ଟରେ ମାମଲା ଶୁଣାଣି ହୋଇଥିଲା । ୨୦୦୧ମସିହାରେ କୋର୍ଟ ତାର ରାୟ ଘୋଷଣା କରିଥିଲେ । ମୃତ ମହିଳାଙ୍କ ପରିବାର ବିରୋଧରେ ମିଥ୍ୟା ପ୍ରମାଣ ଦେଇଥିବା ଆରୋପରେ ମନଭାଇଙ୍କୁ ଜେଲ ଦଣ୍ଡାଦେଶ ଦେଇଥିଲେ । ରାଗରେ ଏମିତି ମିଛ ଏତଲା ଦେଇଥିଲେ ବୋଲି ମନୁଭାଇ ମାନିନେଇଥିଲେ ।
ପରେ ମନୁଭାଇ ସେସନ କୋର୍ଟର ଏହି ଜେଲ ଦଣ୍ଡାଦେଶ ରାୟ ବିରୋଧରେ ହାଇକୋର୍ଟରେ ମାମଲା ରଖିଥିଲେ । ୭ ଡିସେମ୍ବରରେ ହାଇକୋର୍ଟ ଏକ ଆଶ୍ଚର୍ଯ୍ୟକର ରାୟ ଦେଇଥିଲେ । କୋର୍ଟ ଘୋଷଣା କରିଥିଲେ ରାଜକ୍ଷମା ବଦଳରେ ମନୁଭାଇଙ୍କୁ କୈାଣସି ଦେବୀ-ଦେବତାଙ୍କ ମନ୍ଦିରକୁ ୫୦ହଜାର ଟଙ୍କା ଦାନ ଦେବାକୁ ହେବ । ମନୁଭାଇ କୋର୍ଟର ଏ ପ୍ରସ୍ତାବରେ ତୁରନ୍ତ ରାଜି ହୋଇଯାଇଥିଲେ । ଶ୍ରୀ ଚାମୁଣ୍ଡା ମାତାଜୀ ମନ୍ଦିର ଟ୍ରଷ୍ଟକୁ ୫୦ ହଜାର ଦାନ କରିଥିଲେ ଏବଂ କୋର୍ଟକୁ ଏହି ଅର୍ଥରାଶିର ରସିଦ କୋର୍ଟରେ ଦାଖଲ କରିଥିଲେ । ଏହାପରେ ମନୁଭାଇ ଜେଲ ଦଣ୍ଡରୁ ମୁକ୍ତହୋଇଥିଲେ । ( ସୈାଜନ୍ୟ : ଟାଇମ୍ସ ଅଫ୍ ଇଣ୍ଡିଆ )