ଗୁଗୁଲ କଲା ପୁର୍ନମିଳନ : ୭ ବର୍ଷ ପରେ ଘରକୁ ଫେରିଲେ ହଜିଯାଇଥିବା ଝିଅ
ଗୁଗୁଲ କଲା ପୁର୍ନମିଳନ । ଟ୍ରେନରେ ଯାଉଥିଲେ ମାମୁଁଘର । ହେଲେ ନିଦ ଲାଗିଯାଇଥିବାରୁ ପହଚିଂଲେ ଆନ୍ଧ୍ରପ୍ରଦେଶରେ । ୫ ବର୍ଷର ଝିଅକୁ ସିଡବ୍ଲ୍ୟୁସି ଉଦ୍ଧାର କରିବା ପରେ ନେଲୋର ସରକାରୀ ଆବାସିକ ବିଦ୍ୟାଳୟରେ ପାଠପଢାଇଥିଲେ । ଏବେ ୭ ବର୍ଷ ପରେ ନିଜ ଘରକୁ ଫେରିଛନ୍ତି ପୁରୀ ନିମାପଡାର ପୂଜା ଖବାଡିଆ । ସ୍କୁଲରେ ପଢିବା ବେଳେ ଗୁଗୁଲରେ ସର୍ଚ୍ଚ କରୁକରୁ ହଠାତ ଜଗନ୍ନାଥ ମନ୍ଦିର ଦେଖି ପିଲାଦିନ ଓ ପରିବାର କଥା ମନପଡିଯାଇଥିଲା ପୂଜାର । ଆଉ ସିଡବ୍ଲ୍ୟୁସିକୁ ସବୁ କଥା ପୂଜା କହିବା ପରେ ଏବେ ସେ ଘରକୁ ଫେରିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
୨୦୧୧ରେ ନିମାପଡାର ସାମ ଖବାଡିଆଙ୍କ ସାନ ଝିଅ ପୂଜା ଟ୍ରେନରେ ଯାଉଥିବା ବେଳେ ନିଦ ଲାଗିଯାଇଥିବାରୁ ଭୁଲରେ ପହଂଚିଥିଲେ ଆନ୍ଧ୍ରପ୍ରଦେଶରେ । ପୂଜା କିଛି କହିନପାରିବାରୁ ଆନ୍ଧ୍ରପ୍ରଦେଶ ପୁଲିସ ଓ ସିଡବ୍ଲ୍ୟୁସି ତାଙ୍କୁ ଉଦ୍ଧାର କରି ସ୍କୁଲରେ ପାଠ ପଢାଇଥିଲେ । ହେଲେ ୭ ବର୍ଷ ପରେ ଗୁଗୁଲରେ ପୁରୀ ମନ୍ଦିର ଦେଖି ପୂଜାଙ୍କର ସବୁ କଥା ମନ ପଡିଯାଇଥିଲା । ନେଲୋର ସିଡବ୍ଲ୍ୟୁସି ଓ ପୁଲିସ ସବୁ କଥା ପୂଜାଙ୍କଠୁ ଶୁଣିବା ପରେ ପୁରୀ ପୁଲିସ ସହ କଥା ହୋଇଥିଲେ । ଏବଂ ଗତ ୨୮ତାରିଖରେ ପୂଜା ନିଜକୁ ଘରକୁ ଫେରିବା ପରେ ଏବେ ପରିବାରର ଖୁସି କହିଲେ ନସରେ ।
୫ ବର୍ଷ ବୟସରୁ ହଜିଯାଇଥିବା ପୂଜା ଏବେ ୧୨ ବର୍ଷରେ ପହଚିଂଛି । ୭ ବର୍ଷ ପରେ ନେଲୋର ସିଡବ୍ଲ୍ୟୁସି ଓ ପୁଲିସ ସାହାର୍ଯ୍ୟରେ ଏବେ ସେ ଘରକୁ ଫେରିଛନ୍ତି ।