ଜିଓ ୪ଜି ଫିଚର ଫୋନ୍ ହେବ କେବଳ ସିଙ୍ଗିଲ୍ ସିମ୍ ବିଶିଷ୍ଟ ! ଚାଲିବ ନାହିଁ ହ୍ୱାଟସଆପ୍
ରିଲାଏନ୍ସର ଯଦି କୋଣସି ବି ପ୍ରଡକ୍ଟ ବଜାରକୁ ଆସିଯାଏ ତେବେ ତାକୁ ନେଇ ଲୋକେ ଆଗାମୀ ଦୁଇ ମାସ ପର୍ଯ୍ୟନ୍ତ ଦ୍ୱନ୍ଦ୍ୱରେ ରହିବା ସୁନିଶ୍ଚିତ ଅଟେ । ଆମେ ଏପରି କହିବାର ତାତ୍ପର୍ଯ୍ୟ ହେଲା ନିକଟରେ ରିଲାଏନ୍ସ ଜିଓ ୪ଜି ଫିଚର୍ ଫୋନ ଲଂଚ କରିଛି । ଯାହାକୁ ନେଇ ଏବେ ବଜାରରେ ସୃଷ୍ଟି ହୋଇଛି ଅନେକ ଦ୍ୱନ୍ଦ୍ୱ ।
Kanak News is now on WhatsApp
Join and get latest news updates delivered to you via WhatsApp
ଖାଲି ସେତିକି ନୁହେଁ ଫୋନର ଫିଚରକୁ ନେଇ ମଧ୍ୟ ପ୍ରତିଦିନ କିଛି ନା କିଛି ତଥ୍ୟ ସାମ୍ନାକୁ ଆସିବାରେ ଲାଗିଛି । ଫୋନ୍ ଲଂଚ ହେବା ପୂର୍ବରୁ ଖବର ଆସିଥିଲା କି ଫୋନ୍ ଦୁଇଟି ଭିନ୍ନ ଭିନ୍ନ ରୂପରେ ବଜାରକୁ ଆସିବ । ଗୋଟିକରେ କ୍ୱାଲକମ ସ୍ନାପଡ୍ରାଗନର ୨୦୫ ପ୍ରୋସେସର ଏବଂ ଅନ୍ୟଟିରେ ସ୍ପ୍ରିଡଟ୍ରମର ପ୍ରୋସେସର ରହିବ । ସେହିପରି ବର୍ତ୍ତମାନ ଆସିଥିବା ଖବରଟି, ଫୋନର ସବୁଠାରୁ ବିଶେଷ ଫିଚର ସଂପର୍କରେ । ଯାହାକୁ ଜାଣିବା ପାଇଁ ସଭିଁଙ୍କ ମଧ୍ୟରେ ଉକ୍ରଣ୍ଠା ଭରି ରହିଛି ।
ବଡ ଖବର ହେଲା, ଜିଓର ଏହି ୪ଜି ଫୋନରେ, ଡୁଆଲ୍ ସିମ୍ ସପୋର୍ଟ କରିବ ନାହିଁ । ଅର୍ଥାତ୍ ଫୋନରେ କେବଳ ଗୋଟିଏ ହିଁ ସିମ୍ କାର୍ଡ ବ୍ୟବହାର କରାଯାଇପାରି. ଆଉ ସେ ପୁଣି ଜିଓର । ଫୋନ୍ ସହିତ ହିଁ ଜିଓ ସିମ୍ ସଂଯୋଗ ହୋଇ ମିଳିବ । ଯାହାର ସୂଚନା ଖୋଦ୍ କଂପାନୀର ଜଣେ ଅଧିକାରୀ ଦେଇଛନ୍ତି ।
ଯଦିଓ ସେ ପୁଣି ମଧ୍ୟ କହିଛନ୍ତି, ଫୋନର ଡୁଆଲ୍ ସିମ୍ ସପୋର୍ଟ ଭର୍ସନ ଆଗାମୀ ଦିନରେ ବଜାରକୁ ଆସିପାରେ । ତେବେ ଏଠାରେ ଆମେ କହି ରଖୁଛୁ କି, ଜିଓ ଫୋନର ବିଟା ଭର୍ସନର ଟ୍ରାୟଲ୍ ୧୫ ଅଗଷ୍ଟରୁ କରାଯିବ, ସେହିପରି ୨୪ ଅଗଷ୍ଟରୁ ଫୋନର ପ୍ରି-ବୁକିଂ ଆରମ୍ଭ ହେବ । ୧,୫୦୦ ଟଙ୍କାରେ ଫୋନ୍ର ବୁକିଂ ଆରମ୍ଭ କରାଯିବ । ଏହାପରେ ପ୍ରଥମେ ଆସ, ପ୍ରଥମେ ପାଅ ଆଧାରରେ ଫୋନ୍ ମିଳିବ ।
ଜିଓ ଫୋନରେ, ୨.୪ ଇଂଚର ଡିସପ୍ଲେ ରହିଛି । ଫୋନରେ ଡୁଆଲ୍ କ୍ୟାମେରା ବି ରହିଛି । ଏହାବ୍ୟତୀତ୍ ଫୋନରେ ଜିଓ ସିନେମା, ଜିଓ ଆପ୍ ଏବଂ ଫେସବୁକ ଭଳି ଆପ୍ ଇନଷ୍ଟଲ ହୋଇଛି । ଯଦିଓ ଫୋନରେ ହ୍ୱାଟସଆପ ଚାଲିବ ନାହିଁ ତେବେ ଫୋନରେ ଭଏସ୍ ଆକ୍ଟିଭେଟେଡ୍ କମାଣ୍ଡ, ପାନିକ୍ ବଟନ, ମାଇକ୍ରୋ ଏସଡି କାର୍ଡ ସ୍ଲର୍ଟ, ଟର୍ଚ୍ଚ ଲାଇଟ୍, ଏଫଏମ୍ ରେଡିଓ ଏବଂ ୨୨ଟି ଭାଷାର ସପୋର୍ଟ ଦିଆଯାଇଛି । ଏହି ଫୋନ ସହିତ ୧୫୩ ଟଙ୍କିଆ ଅଫର ବି ଦିଆଯାଇଛି । ଯାହା ଗ୍ରାହକଙ୍କୁ ଗୋଟିଏ ମାସ ଯାଏଁ ଅସୀମିତ ଡାଟା, କଲିଂ ଏବଂ ମେସେଜ ଆଦି ମାଗଣା ବ୍ୟବସ୍ଥା ରହିଛି ।
ସୌଜନ୍ୟ: ଅମର ଉଜାଲା