୧୧୧ ବର୍ଷ ବୟସରେ ସିଦ୍ଧଗଙ୍ଗା ମଠର ମହନ୍ତ ଶିବକୁମାର ସ୍ୱାମୀଙ୍କ ନିଧନ ! କର୍ଣ୍ଣାଟକରେ ୩ ଦିନିଆ ରାଜକୀୟ ଶୋକ, ଆସନ୍ତାକଲି ସରକାରୀ ଛୁଟି
କନକ ବ୍ୟୁରୋ : କର୍ଣ୍ଣାଟକର ତୁମକୁରୁ ସ୍ଥିତ ସିଦ୍ଧଗଙ୍ଗା ମଠର ମହନ୍ତ ତଥା ମୁଖ୍ୟ ଡ଼ଃ ଶିବକୁମାର ସ୍ୱାମୀଙ୍କର ୧୧୧ ବର୍ଷ ବୟସରେ ନିଧନ ହୋଇଛି । ଦୀର୍ଘ ସମୟ ଧରି ସେ ରୋଗଗ୍ରସ୍ତ ଥିଲେ ଏବଂ ଆଶ୍ରମରେ ହିଁ ତାଙ୍କର ଚିକିତ୍ସା ଚାଲୁଥିଲା । ଡ଼ଃ ଶିବକୁମାରଙ୍କ ନିଧନରେ ମୁଖ୍ୟମନ୍ତ୍ରୀ ଏଚଡ଼ି କୁମାରସ୍ୱାମୀ ରାଜ୍ୟରେ ୩ ଦିନ ପର୍ଯ୍ୟନ୍ତ ରାଜକୀୟ ଶୋକ ପାଳନ କରିବା ପାଇଁ ଘୋଷଣା କରିଛନ୍ତି । ଏହାବ୍ୟତୀତ ଆସନ୍ତାକାଲି ରାଜ୍ୟରେ ସରକାରୀ ଛୁଟି ଘୋଷଣା କରାଯାଇଛି । ପ୍ରଧାନମନ୍ତ୍ରୀ ନରେନ୍ଦ୍ର ମୋଦି, କଂଗ୍ରେସ ଅଧ୍ୟକ୍ଷ ରାହୁଲ ଗାନ୍ଧୀ ଟ୍ୱିଟ୍ କରି ଶିବକୁମାର ସ୍ୱାମୀଙ୍କୁ ଶ୍ରଦ୍ଧାଞ୍ଜଳି ଦେଇଛନ୍ତି । ଶିବକୁମାର ସ୍ୱାମୀଙ୍କ ଶେଷ ଦର୍ଶନ ପାଇଁ ମଠରେ ଲୋକଙ୍କ ଭିଡ଼ ଜମିଛି ।
Kanak News is now on WhatsApp
Join and get latest news updates delivered to you via WhatsApp
HH Dr. Sree Sree Sree Sivakumara Swamigalu remained at the forefront of ensuring better healthcare and education facilities for the marginalised.
He represents the best of our traditions of compassionate service, spirituality and protecting the rights of the underprivileged. pic.twitter.com/Tp6o5ULU2d
— Narendra Modi (@narendramodi) January 21, 2019
ସୂଚନା ଅନୁସାରେ ତୁମକୁରୁ ଆସୁଥିବା ଶ୍ରଦ୍ଧାଳୁଙ୍କ ପାଇଁ ରାଜ୍ୟ ସରକାରଙ୍କ ତରଫରୁ ସ୍ୱତନ୍ତ୍ର ବସ୍ ଚଳାଚଳ କରାଯିବ । ଏହି ବସ୍ ରାଜ୍ୟର ଭିନ୍ନ ଭିନ୍ନ ସହରରୁ ଚଳାଚଳ କରିବ, ଯଦ୍ୱାରା ଶ୍ରଦ୍ଧାଳୁ ସ୍ୱାମୀ ଶିବକୁମାରଙ୍କ ଅନ୍ତିମ ଦର୍ଶନ କରିପାରିବେ । କର୍ଣ୍ଣାଟକର ପୂର୍ବ ମୁଖମନ୍ତ୍ରୀ ବିଏସ୍ ୟେଦୁରପ୍ପା ଟ୍ୱିଟ୍ କରି କହିଛନ୍ତି, ଦେଶ ଏବ ମହାନ ବ୍ୟକ୍ତିିତ୍ୱକୁ ହରାଇଛି ।
ನಡೆದಾಡುವ ದೇವರು ಶ್ರೀ ಶಿವಕುಮಾರ ಶ್ರೀಗಳು ದೈವಾಧೀನರಾಗಿದ್ದು ಅಪಾರ ನೋವು ತರಿಸಿದೆ. ಇವರ ಅಗಲಿಕೆಯಿಂದ ದೇಶವೇ ಬಡವಾಗಿದೆ. ಯಾವುದೇ ಸಂದರ್ಭದಲ್ಲೂ ಸಲಹೆ, ಸೂಚನೆ ನೀಡುತ್ತಿದ್ದ ಇವರು ದೂರವಾಗಿದ್ದು ವೈಯಕ್ತಿಕವಾಗಿ ತುಂಬಾ ನಷ್ಟವನ್ನುಂಟು ಮಾಡಿದೆ. ಶ್ರೀಗಳ ಅಗಲಿಕೆಯ ನೋವು ಭರಿಸುವ ಶಕ್ತಿಯನ್ನು ಅವರ ಲಕ್ಷಾಂತರ ಭಕ್ತರಿಗೆ ದೇವರು ಕರುಣಿಸಲಿ. pic.twitter.com/cYzjT6H3hh
— B.S. Yeddyurappa (@BSYBJP) January 21, 2019
ସୂଚନାଯୋଗ୍ୟ ଡ଼ଃ ଶିବକୁମାର ସ୍ୱାମୀଙ୍କର କର୍ଣ୍ଣାଟକର ୩୦ ଜିଲ୍ଲାରେ ମଠ ରହିଛି । ମଠରେ ନିଜର ପ୍ରଭୁତ୍ୱ ଥିବାଯୋଗୁଁ ସମସ୍ତ ରାଜନୈତିକ ଦଳ ମଧ୍ୟ ତାଙ୍କୁ ମାନୁଥିଲେ । ରାଜ୍ୟରେ ସବୁଠାରୁ ପ୍ରଭୁତ୍ୱ ବିସ୍ତାର କରୁଥିବା ଲିଙ୍ଗାୟତ ସମୁଦାୟ ସଂଖ୍ୟା ୧୮ ପ୍ରତିଶତ ଅଟେ । ଆଉ ସେ ଲିଙ୍ଗାୟତ ସମୁଦାୟର ଧର୍ମଗୁରୁ ଥିଲେ । କର୍ଣ୍ଣାଟକ ଠାରୁ ଆରମ୍ଭ କରି କେନ୍ଦ୍ର ରାଜନୀତିରେ ତାଙ୍କର ଦବଦବା ରହିଥିଲା ।