ରତ୍ନ ଭଣ୍ଡାର ଚାବି ହଜିବା ଘଟଣାର ଦ୍ୱିତୀୟ ପର୍ଯ୍ୟାୟ ତଦନ୍ତ କରିବା ଲାଗି ପୁରୀ ଗସ୍ତରେ ଜଷ୍ଟିସ ରଘୁବୀର ଦାସ !
କନକ ବ୍ୟୁରୋ : ପୁରୀ ଶ୍ରୀମନ୍ଦିରରେ କୁ ନେଇ ଅନେକ ପ୍ରଶ୍ନବାଚୀ ସୃଷ୍ଟି ହୋଇଛି । କିଛି ଦିନ ପୂର୍ବରୁ ମନ୍ଦିରର ରତ୍ନ ଭଣ୍ଡାରକୁ ନେଇ ଅନେକ କଥା ଶୁଣିବାକୁ ମିଳିଛି । ତେବେ ଚାବି ନଥିବା ଜଣାପଡିବା କଥା ଜଣାପଡିବା ପରେ ପ୍ରଶାସକ ସେବାୟତ ଓ ସରକାର ସମସ୍ତେ ବିବାଦ ମଧ୍ୟକୁ ଟାଣିହୋଇ ଆସିଥିଲେ । ଠାକୁରଙ୍କର ଚାବି କେଉଁ ପରିସ୍ଥିତିରେ ହଜିଲା ତାହାର ତଦନ୍ତ ହେବ ବୋଲି କୁହାଗଲା । ଏହା ଲାଗି ସରକାର ମଧ୍ୟ କମିଶନ ଗଠନ କଲେ । ତେବେ ରଥଯାତ୍ରାକୁ ଦୃଷ୍ଟିରେ ରଖି ତଦନ୍ତ ପ୍ରକ୍ରିୟାକୁ ସାମାନ୍ୟ ବିଳମ୍ବ କରାଗଲା । ତେବେ ସେ ଯାହା ହେଉ ପୁଣିଥରେ କମଶନ ତତ୍ପର ହୋଇଥିବା ଦେଖାଯାଇଛି । ସୂଚନା ଅନୁସାରେ ତଦନ୍ତ ପାଇଁ ଗଠନ କରିଥିବା ଜଷ୍ଟିସ୍ ରଘୁବୀର ଦାସ କମିସନ୍ ସୋମବାର ପୁରୀ ଆସୁଛନ୍ତି।
Kanak News is now on WhatsApp
Join and get latest news updates delivered to you via WhatsApp
ରତ୍ନଭଣ୍ଡାର ଚାବି ହଜିବା ପ୍ରସଙ୍ଗରେ କମିଶନଙ୍କ ଦ୍ୱିତୀୟ ଶୁଣାଣି ହେବ। ଏହି ଅବସରରେ ପୂର୍ବରୁ ଆହ୍ଵାନ କରାଯାଇଥିବା ସତ୍ୟପାଠ ଓ ଅନ୍ୟାନ୍ୟ ପ୍ରସଙ୍ଗରେ ଆଲୋଚନା କରାଯିବ। ଏହି ଅବସରରେ ଶ୍ରୀମନ୍ଦିର ମୁଖ୍ୟ ପ୍ରଶାସକ, ଜିଲ୍ଲାପାଳ ଓ ଅନ୍ୟ ଅଧିକାରୀଙ୍କ ସହ କମିସନ୍ ଆଲୋଚନା କରିବାର କାର୍ଯ୍ୟକ୍ରମ ରହିଛି। ଏହା ପୂର୍ବରୁ କମିସନ୍ ଚାବି ହଜିବା ପ୍ରସଙ୍ଗରେ ସେବାୟତ ଓ ଅନ୍ୟମାନଙ୍କଠାରୁ ସତ୍ୟପାଠ ଆହ୍ଵାନ କରିଥିଲେ। ଏ ସଂପର୍କରେ କିଛି ସତ୍ୟପାଠ କମିଶନଙ୍କ ହସ୍ତଗତ ହୋଇଛି। ଏହି ସତ୍ୟପାଠ ଓ ଅନ୍ୟାନ୍ୟ ତଥ୍ୟପ୍ରମାଣକୁ ନେଇ ଆସନ୍ତାକାଲି କମିଶନଙ୍କ ଦ୍ୱିତୀୟ ଶୁଣାଣି ପୁରୀଠାରେ ଅନୁଷ୍ଠିତ ହେବ। ଯାହା ଉପରେ ସମସ୍ତଙ୍କର ନଜର ରହିଛି। ତେବେ ଏହି ଚାବି ହଜିବା ଘଟଣାରେ କେବଳ ଓଡିଶାରେ ନୁହେଁ ବରଂ ସାରା ବିଶ୍ୱରେ ଚର୍ଚ୍ଚା ଲାଗି ରହିଛି । ତେବେ ଶ୍ରୀମନ୍ଦିର ସହ ହିନ୍ଦୁ ଧର୍ମର ଭାବାବେଗ ଜଡିତ ଥିବାରୁ ସାରା ଦେଶର ଲୋକ କମିଶନଙ୍କ ତଦନ୍ତ ଉପରେ ନଜର ରହିଛି ।