ସାମାଜିକ ନ୍ୟାୟ କ୍ଷେତ୍ରରେ ପ୍ରିୟଙ୍କାଙ୍କ ପ୍ରଶଂସନୀୟ ଅବଦାନ ! ‘ମଦର ଟେରେସା’ ସମ୍ମାନରେ ହେଲେ ସମ୍ମାନିତ ।
ଦେଶ ପାଇଁ ଗୌରବ ଆଣିଲେ ପୁଣି ଜଣେ ଭାରତୀୟ ମହିଳା । ବିଶ୍ୱସୁନ୍ଦରୀ ଟାଇଟଲ ହାସଲକରି ବଲିଉଡରେ ପାଦ ଥାପିଥିବା ଜଣେ ଅଭିନେତ୍ରୀ । ସେ ଆଉ କେହି ନୁହେଁ, ଜଣେ ବଲିଉଡର ଜଣେ ଆଗଧାଡିର ଅଭିନେତ୍ରୀ ପ୍ରିୟଙ୍କା ଚୋପ୍ରା । ବର୍ତ୍ତମାନ ପ୍ରିୟଙ୍କା ନାରୀମାନଙ୍କ ପାଇଁ ଏକ ଉଦାହରଣ ସାଜିଛନ୍ତି । ହିନ୍ଦୀ ସିନେମା ଏବଂ ହଲିଉଡ ଜଗତରେ ଲୋକପ୍ରିୟତା ଅର୍ଜନ କରିଚାଲିଛନ୍ତି, ଅଭିନେତ୍ରୀ ପ୍ରିୟଙ୍କା ଚୋପ୍ରା । ନିକଟରେ ସେ ମର୍ଯ୍ୟାଦାଜନକ ‘ମଦର ଟେରେସା’ ସମ୍ମାନରେ ସମ୍ମାନିତ ହୋଇଛନ୍ତି, ପ୍ରିୟଙ୍କା ।
Kanak News is now on WhatsApp
Join and get latest news updates delivered to you via WhatsApp
ସାମାଜିକ ନ୍ୟାୟ କ୍ଷେତ୍ରରେ ଅବଦାନ ପାଇଁ ତାଙ୍କୁ ଚଳିତ ବର୍ଷ ମଦର ଟେରେସା ମେମୋରିଆଲ ପୁରସ୍କାର ପ୍ରଦାନ କରାଯାଇଛି । ବିଶ୍ୱସୁନ୍ଦରୀ ପ୍ରିୟଙ୍କା ଏବେ ୟ୍ରୁନିସେଫର ଗୁଡୱିଲ ଆମ୍ବାସାଡାର (ସଦିଚ୍ଛା ରାଷ୍ଟ୍ରଦୂତ) ଅଛନ୍ତି । ଦେଶର ବିଭିନ୍ନ ଭାଗରେ ସଙ୍କଟରେ ଥିବା ଶରଣାର୍ଥୀଙ୍କ ମାନବାଧିକାର ପାଇଁ ସେ ସ୍ୱର ଉଠାଇଛନ୍ତି । ନିକଟରେ ସେ ସିରିଆ ଗସ୍ତ କରି ସେଠାରେ ଶରଣର୍ଥୀ ଶିଶୁଙ୍କ ସହ କିଛି ସମୟ ବିତାଇଥିଲେ ।
ସମାଜ କଲ୍ୟାଣ ପାଇଁ ତାଙ୍କର ଏଭଳି ଅନେକ ଅବଦାନ ଲାଗି ପ୍ରିୟଙ୍କା ଏହି ସମ୍ମାନର ଅଧିକାରୀ ହୋଇଛନ୍ତି । ୩୫ ବର୍ଷୀୟା ଅଭିନେତ୍ରୀ ପ୍ରିୟଙ୍କାଙ୍କ ପକ୍ଷରୁ ମା’ମଧୁ ଚୋପ୍ରା ଏହି ପୁରସ୍କାର ଗ୍ରହଣ କରିଛନ୍ତି । ଏହି ଅବସରରେ ମଧୁ କହିଛନ୍ତି, ଜଣେ ଦୟାଳୁ ଏବଂ କର୍ମନିଷ୍ଠ ଝିଅ ପାଇଁ ସେ ଗର୍ବ ଅନୁଭବ କରୁଛନ୍ତି । ‘ଯେତେ ଅଧିକ ଦେଇ ଚାଲିବ, ସେତେ ଅଧିକ ପାଇବ’ ଏହି କଥାର ଉଦାହରଣ ସାଜିଛନ୍ତି ତାଙ୍କ ଝିଅ ପ୍ରିୟଙ୍କା । ପିଲାବେଳୁ ମଦର ଟେରେସାଙ୍କ ଆଦର୍ଶରେ ଅନୁପ୍ରାଣିତ ଥିଲେ । ବରେଲିସ୍ଥିତ ପ୍ରେମ ନିବାସକୁ ଯେ ଯଥାସାଧ୍ୟ ସହଯୋଗ କରନ୍ତି ।
ତେଣୁ ପ୍ରିୟଙ୍କା ଏହି ପୁରସ୍କାର ପାଇବାକୁ ହକଦାର ବୋଲି ମା’ ମଧୁ କହିଛନ୍ତି । ପୁରସ୍କାର ଗ୍ରହଣ ଲାଗି ହାର୍ମୋନି ଫାଉଣ୍ଡେଶନ ପକ୍ଷରୁ ପ୍ରିୟଙ୍କାଙ୍କୁ ଆମନ୍ତ୍ରଣ କରାଯାଇଥିଲା । କିନ୍ତୁ ଅଭିନେତ୍ରୀ ଜଣକ ଏବେ ଆମେରିକାରେ ଥିବାରୁ ପୁରସ୍କାର ଉତ୍ସବକୁ ମା’ ଯାଇଥିଲେ । ପୂର୍ବରୁ କିରଣ ବେଦୀ, ଆନ୍ନା ହାଜାରେ, ଓସ୍କାର ଫର୍ନାଣ୍ଡିଜ, ସୁଧା ମୂର୍ତ୍ତି, ମଲାଲା ୟୁସୁଫଜାଇ, ସୁସ୍ମିତା ସେନ ଏବଂ ବିଲକିସ ବାନୋ ଏଧି ପ୍ରମୁଖ ‘ମଦର ଟେରେସା ମେମୋରିଆଲ’ ପୁରସ୍କାର ଲାଭ କରିଥିଲେ ।