‘Google’ରେ ଭାରତୀୟଙ୍କ ଦବଦବା । ଏଣିକି ‘Google’ର ୭ ଲକ୍ଷ କୋଟି ଟଙ୍କାର ବିଜ୍ଞାପନ ବ୍ୟବସାୟ ସମ୍ଭାଳିବେ ଭାରତର ପ୍ରଭାକର ରାଘବନ
ଇଣ୍ଟରନେଟ ସର୍ଚ୍ଚ ଇଞ୍ଜିନ ଗୁଗୁଲ କମ୍ପାନିରେ ଭାରତୀୟଙ୍କ ଦବଦବା । ସୁନ୍ଦର ପିଚାଇଙ୍କୁ ଗୁଗୁଲର ସିଇଓ ଥିବା ବେଳେ ଏବେ ଆଉଜଣେ ଭାରତୀୟଙ୍କୁ ଗୁରୁଦାୟିତ୍ୱ ଦେଇଛି ଗୁଗୁଲ । ଏଣିକି ଗୁଗୁଲର ୧୦୦ ଆରବ ଡଲାର ଟଙ୍କାର ବିଜ୍ଞାପନ ବ୍ୟବସାୟ ସମ୍ଭାଳିବେ ଭାରତର ପ୍ରଭାକର ରାଘବନ । ପ୍ରଭାକରଙ୍କୁ ଗୁଗୁଲ ବିଜ୍ଞାପନ ବ୍ୟବସାୟର ମୁଖ୍ୟ ଭାବେ ନିଯୁକ୍ତି ଦିଆଯାଇଛି ।
Kanak News is now on WhatsApp
Join and get latest news updates delivered to you via WhatsApp
ଗୁଗୁଲ ସିଇଓ ସୁନ୍ଦର ପିଚାଇ କହିଛନ୍ତି, ମୁଁ ପ୍ରଭାକର ରାଘବନଙ୍କ ସହ ଦୀର୍ଘଦିନ ଧରି କାମ କରିଛି ଏବଂ ଏହାସହ ତାଙ୍କ କାମ କରିବାର ଶୈଳୀକୁ ମଧ୍ୟ ବେଶ ଭଲଭାବରେ ବୁଝିଛି । ତେଣୁ ଗୁଗୁଲର ବିଜ୍ଞାପନ ବ୍ୟବସାୟର ନେତୃତ୍ୱ ନେବା ପାଇଁ ପ୍ରଭାକର ହିଁ ସଠିକ୍ ବ୍ୟକ୍ତି । କାରଣ ପ୍ରଭାକରଙ୍କ ପାଖରେ ମ୍ୟାନେଜମେଣ୍ଟର ଭରପୂର ଅଭିଜ୍ଞତା ରହିଛି ଏବଂ ଅତ୍ୟାଧୁନିକ ଜ୍ଞାନକୌଶଳ ଉପରେ ମଧ୍ୟ ତାଙ୍କର ଭଲ ଅନୁଭବ ରହିଛି ବୋଲି ସୁନ୍ଦର ପିଚାଇ କହିଛନ୍ତି ।
ରାଘବନ ପୂର୍ବରୁ ଗୁଗୁଲର ବିଜନେସ-ଆପ୍ଲିକେସନ ୟୁନିଟର ମୁଖ୍ୟ ଥିଲେ । ୨୦୧୧ ମସିହାରେ ସେ ଗୁଗୁଲରେ ନିଯୁକ୍ତି ପାଇଥିଲେ । ଏହା ପୂର୍ବରୁ ସେ ଗୁଗୁଲର କ୍ଲାଉଡ ଆପର ଗ୍ରୋଥ ଉପରେ କାମ କରୁଥିଲେ । ଯେଉଁଥିରେ ଡ୍ରାଇଭ, ଡ୍ରକ୍ସ, Hangouts ସହ ଜୀ ସୁଟ୍ ଭଳି ସେବା ସାମିଲ ରହିଥିଲା । ଏବେ କ୍ଲାଉଡ ଆପର ସେବା ୪୦ ଲକ୍ଷ ଲୋକ କରୁଛନ୍ତି ।
ଭାରତର ଚେନ୍ନାଇରେ ଜନ୍ମିତ ପ୍ରଭାକର ରାଘବନ ଆଇଆଇଟି ମାଡ଼୍ରାସରୁ ଗ୍ରାଜୁଏସନ ଡିଗ୍ରୀ ହାସଲ କରିଥିଲେ । ପରେ କାଲିଫଣ୍ଣିଆ ବିଶ୍ୱବିଦ୍ୟାଳୟରୁ ପିଏଚଡି ଡିଗ୍ରୀ ହାସଲ କରିଥିଲେ । ଗୁଗୁଲରେ ଚାକିରି କରିବା ପୂର୍ବରୁ ରାଘବନ ୟାହୁ ଲ୍ୟାବରେ ସାମିଲ ହୋଇଥିଲେ । ଯେଉଁଠାରେ ସେ ଆଇବିଏମ ରିସର୍ଚ୍ଚ ୱିଙ୍ଗ୍ ସହ କାମ କରୁଥିଲେ । ରାଘବନଙ୍କ ପୂର୍ବରୁ ଗୁଗୁଲର ବିଜ୍ଞାପନ ମୁଖ୍ୟ ଭାବେ ଶ୍ରୀଧର ରାମାସ୍ୱାମୀ କାମ କରୁଥିଲେ । ରାମାସ୍ୱାମୀ ୨୦୦୩ରେ ଗୁଗୁଲରେ କାମ ଆରମ୍ଭ କରିଥିଲେ । ଗୁଗୁଲର ବିଜ୍ଞାପନ ରାଜସ୍ୱ ବଢାଇବାରେ ତାଙ୍କର ପ୍ରମୁଖ ଭୂମିକା ରହିଥିଲା ।