ଭୋଟ୍ ସମୟରେ ଗଣ୍ଡଗୋଳ କରିବା ପଡିବ ମହଙ୍ଗା : ଅଭିଯୋଗର ୩ ମିନିଟ୍ ଭିତରେ କାର୍ଯ୍ୟାନୁଷ୍ଠାନ ନେବ ପୁଲିସ୍
ଭୋଟ୍ ସମୟରେ କୈାଣସି ପ୍ରକାରର ଅପ୍ରିୟ ସ୍ଥିତି ଏବଂ ଗଣ୍ଡଗୋଳକୁ ନିୟନ୍ତ୍ରଣ କରିବା ପାଇଁ ପୁଲିସର ୩ ମିନିଟ୍ ରେସପୋନ୍ସ ପ୍ଲାନ୍ ।
ମଧ୍ୟ ପ୍ରଦେଶ ବିଧାନସଭା ନିର୍ବାଚନରେ ଭୋଟ୍ ସମୟରେ କୈାଣସି ପ୍ରକାରର ଅପ୍ରିୟ ସ୍ଥିତି ଏବଂ ଗଣ୍ଡଗୋଳକୁ ନିୟନ୍ତ୍ରଣ କରିବା ପାଇଁ ପୁଲିସ ଏଥର ୩ ମିନିଟ୍ ରେସପୋନ୍ସ ପ୍ଲାନ୍ ପ୍ରସ୍ତୁତ କରିଛି । ଘଟଣା-ଦୁର୍ଘଟଣାର ଖବର ମିଳିବା କ୍ଷଣି ପୁଲିସ୍ ୩ ମିନିଟ୍ ଭିତରେ ଘଟଣାସ୍ଥଳରେ ପହଂଚିଯିବ ।
Kanak News is now on WhatsApp
Join and get latest news updates delivered to you via WhatsApp
ସହରାଂଚଳ ଭୋଟିଙ୍ଗ ବୁଥ୍ ରେ କୌଣସି ଉପଦ୍ରବ କିମ୍ବା ଅଘଟଣର ସୂଚନା ଉପରେ ପୁଲିସ୍ ଫୋର୍ସ କେବଳ ଅଭିଯୋଗ ମିଳିବାର ୩ ମିନିଟ୍ ଭିତରେ ଘଟଣାସ୍ଥଳରେ ପହଂଚିଯିବ । ପୁଲିସ୍ ପ୍ଲାନିଙ୍ଗରେ ରେସପୋନ୍ସ ସମୟର ବିଶେଷ ଧ୍ୟାନ ରଖାଯାଇଛି । ପରିସ୍ଥିତିକୁ ତତ୍କାଳୀନ କାବୁ କରିବା ପାଇଁ ସ୍ଥାନୀୟ ପୁଲିସକର୍ମୀ ଓ ମୋବାଇଲ ବାହାନ ଭୋଟ୍ କେନ୍ଦ୍ର ପାଖରେ ମୁତୟନ ରହିବେ ।
ମଧ୍ୟପ୍ରଦେଶ ଏଥର ବିଧାନସଭା ନିର୍ବାଚନ ପାଇଁ ୬୫ ହଜାରରୁ ବି ଅଧିକ ପୋଲିଙ୍ଗ ବୁଥ୍ ନିର୍ମାଣ କରିଛି । ସହାରାଂଚଳ ଅପେକ୍ଷା ଗ୍ରାମାଂଚଳରେ ଅଧିକ ଭୋଟ୍ କେନ୍ଦ୍ର ଅଛି । ଏମଧ୍ୟରୁ ୧୦ହଜାରରୁ ଅଧିକ ଭୋଟ୍ କେନ୍ଦ୍ର ସମ୍ବେଦନଶୀଳ । ବର୍ଷ ୨୦୧୩ ନିର୍ବାଚନ ତୁଳନାରେ ଏଥର ଭୋଟିଙ୍ଗ ବୁଥ୍ ର ସୁରକ୍ଷାର ଅଧିକ ବ୍ୟବସ୍ଥା କରାଯାଇଛି । ଶାନ୍ତିପୂର୍ଣ୍ଣ ମତଦାନ ପାଇଁ ଥାନା ଠାରୁ ଆରମ୍ଭ କରି ସିଏସପି ଓ କ୍ୟୁଆରଟି ମୋବାଇଲ ଭ୍ୟାନ ମୁତୟନ ରହିବେ । ଏଫଆରବି ସହିତ ୱେପନ୍ସ ମୋବାଇଲ ବି ଗତିଶୀଳ ରହିବ ।