କନକ ବ୍ୟୁରୋ : ପୁଣି ଜମ୍ମୁକାଶ୍ମୀର ପ୍ରସଙ୍ଗରେ ଆମେରିକା ରାଷ୍ଟ୍ରପତିଙ୍କ ସହ କଥା ହେଲେ ପାକିସ୍ତାନ ପ୍ରଧାନମନ୍ତ୍ରୀ ଇମ୍ରାନ ଖାନ୍ । ଟେଲିଫୋନ ଯୋଗେ କଥା ବାର୍ତାବେଳେ ଜମ୍ମୁ ଓ କଶ୍ମୀର ସମସ୍ୟାରେ ମଧ୍ୟସ୍ଥିତା କରିବାକୁ ଟ୍ରମ୍ପ ଦେଉଥିବା ପ୍ରସ୍ତାବକୁ ଖାନ୍ ପ୍ରଶଂସା କରିଛନ୍ତି । ଏହା ସହିତ ଜମ୍ମୁ ଓ କଶ୍ମୀରର ସାମ୍ପ୍ରତିକ ସ୍ଥିତି ନେଇ ଟ୍ରମ୍ପଙ୍କୁ ଇମ୍ରାନ ଅବଗତ କରିଥିବା ଜଣାପଡିଛି । ଇମ୍ରାନ କହିଛନ୍ତି ଜମ୍ମୁକାଶ୍ମୀରର କୋଟି କୋଟି ଲୋକ ଅବଦମିତ ହୋଇ ରହିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ଧାରା ୩୭୦ ଉଛେଦ ହେବା ପରଠାରୁ ପାକିସ୍ତାନ ବିଭିନ୍ନ ଆନ୍ତର୍ଜାତିକ ପ୍ଲାଟଫର୍ମରେ ଭାରତକୁ ବଦନାମ କରିବାକୁ ଉଦ୍ୟମ କରିଆସୁଛି । ଏଥିରେ ମଧ୍ୟସ୍ଥତା କରିବାକୁ ବାରମ୍ବାର ଟ୍ରମ୍ପ ପ୍ରଶାସନକୁ କହିଥିଲେ ବି ଭାରତ କହିଛି ଏହା ଭାରତର ଆଭ୍ୟନ୍ତରୀଣ ମାମଲା । ଏଥିପାଇଁ ଦ୍ୱିପାକ୍ଷିକ ଆଲୋଚନା କରାଯାଇ ପାରେ , କିନ୍ତୁ ତୃତୀୟ ପକ୍ଷ ହସ୍ତକ୍ଷେପ ଗ୍ରହଣୀୟ ନୁହେଁ ।