ଜାନୁଆରୀ ୨୬ : ଗତବର୍ଷ ତ୍ରିରଙ୍ଗା ଯାତ୍ରା ସମୟରେ ଦୁଇଗୋଷ୍ଠୀଙ୍କ ମଧ୍ୟରେ ହୋଇଥିଲା ହିଂସା ! ଚଳିତବର୍ଷ ପ୍ରଶାସନ ରାଲି ପାଇଁ ଦେଲେନି ଅନୁମତି ।
ଉତ୍ତରପ୍ରଦେଶର କାସଗଞ୍ଜରେ ଗତବର୍ଷ ସାଧାରଣତନ୍ତ୍ର ଦିବସ ଅବସରରେ ତ୍ରିରଙ୍ଗା ଯାତ୍ରା ସମୟରେ ଦଙ୍ଗା ଭଳି ପରିସ୍ଥିତି ଉପୁଜିଥିଲା । ଚଳିତବର୍ଷ ପ୍ରଶାସନ ହିଂସାରୁ ବଞ୍ôଚବା ପାଇଁ ତ୍ରିରଙ୍ଗା ଯାତ୍ରାର ଅନୁମତି ଦେବା ପାଇଁ ବାରଣ କରିଛନ୍ତି । ତ୍ରିରଙ୍ଗା ଯାତ୍ରାର ଅନୁମତି ନ ମିଳିବା କାରଣରୁ ଅନେକ ସଂଗଠନ ଏଥିପାଇଁ ଉଦାସ ଅଛନ୍ତି । ତାଙ୍କ କହିବା ଅନୁସାରେ ପ୍ରଶାସନ ତାଙ୍କୁ ତ୍ରିରଙ୍ଗା ଯାତ୍ରା ବାହାର କରିବା ପାଇଁ ଅନୁମତି ଦେଇନଥିଲେ ହେଁ ସେମାନେ ତ୍ରିରଙ୍ଗା ଯାତ୍ରା ବାହାର କରିବେ ।
Kanak News is now on WhatsApp
Join and get latest news updates delivered to you via WhatsApp
କାସଗଞ୍ଜ ଡିଏମ୍ ଆରପି ସିଂହଙ୍କ କହିବାନୁସାରେ ଆଇନ୍ ବ୍ୟବସ୍ଥାକୁ ବଜାୟ ରଖିବା ପାଇଁ ପ୍ରଶାସନ କୌଣସି ବି ସଂଗଠନକୁ ୨୬ ଜାନୁଆରୀରେ ତ୍ରିରଙ୍ଗା ଯାତ୍ରା ବାହାର କରିବାକୁ ଅନୁମତି ଦେଇନାହାନ୍ତି । ସେ କହିଛନ୍ତି ଯେ ତ୍ରିରଙ୍ଗା ଯାତ୍ରା ବାହାର କରିବାର କୌଣସି ପରମ୍ପରା ନାହିଁ । ଏହା କିଛି ଲୋକ ନିକଟରେ ବାହାର କରିଥିଲେ । ସଂକଳ୍ପ ଫାଉଣ୍ଡେସନ୍ ତରଫରୁ ଗତବର୍ଷ ବାଇକ୍ ରାଲି ବାହାର କରାଯାଇଥିଲା । ଯାହାପରେ ହଙ୍ଗାମା ଆରମ୍ଭ ହୋଇଥିଲା । ସେମାନଙ୍କୁ ବି ଏଥର ତ୍ରିରଙ୍ଗା ଯାତ୍ରା ପାଇଁ ଅନୁମତି ମିଳିନାହିଁ ।
କାସଗଞ୍ଜ ହିଂସାର ଅଭିଯୁକ୍ତ ବିଶାଳ ଠାକୁର ଏବଂ ହିଂସାରେ ଜୀବନ ହାରିଥିବା ଚନ୍ଦନ ଗୁପ୍ତା ଦୁଇଜଣ ସଂକଳ୍ପ ଫାଉଣ୍ଡେସନ୍ ର ସଦସ୍ୟ ଅଟନ୍ତି । ୨୬ ଜାନୁଆରୀ ୨୦୧୮ ତାରିଖରେ ଏହି ଫାଉଣ୍ଡେସନ୍ ର ତ୍ରିରଙ୍ଗା ଯାତ୍ରା ସମୟରେ ଦୁଇପକ୍ଷ ମଧ୍ୟରେ ସଂଘର୍ଷ ହୋଇଯାଇଥିଲା । ବିବାଦ ସମୟରେ ତ୍ରିରଙ୍ଗା ଯାତ୍ରାରେ ସାମିଲ ଚନ୍ଦନ ଗୁପ୍ତାକୁ ଗୁଳି ବାଜିବା ଯୋଗୁଁ ସେ ମୃତ୍ୟୁବରଣ କରିଥିଲେ । ଏହା ପରଠାରୁ ହିଂସା ଅଧିକ ବଢିଯାଇଥିଲା ।