ନୀଳଗିରିରେ ପୋଲିସ ବାବୁଙ୍କ ଦାଦାଗିରି : ଟଙ୍କା ନ ପାଇବାରୁ ଶବ ବ୍ୟବଚ୍ଛେଦକୁ ନା’ ଘଟଣା ସମ୍ପର୍କରେ ଉପଜିଲ୍ଲାପାଳଙ୍କୁ ଭେଟିଲେ ପରିବାର ଲୋକ
କନକ ବ୍ୟୁରୋ : ପୋଲିସ ବିଭାଗର ଅଧିକାରୀଙ୍କୁ ନେଇ ଉଠିଛି ପ୍ରଶ୍ନ । ଲଗାତାର ୩ ଦିନ ହେଲାଣି ରାଜ୍ୟର କେଉଁଠାରୁ ନା କେଉଁଠାରୁ ପୋଲିସ ବାବୁଙ୍କ ନାମରେ ଗୋଟିଏ ପରେ ଗୋଟିଏ ଅଭିଯୋଗ ହୋଇଆସୁଛି । ମିଳିଥିବା ସୂଚନା ଅନୁସାରେ ବାଲେଶ୍ୱର ଜିଲ୍ଲା ନୀଳଗିରି ନରଣପୁର ଗ୍ରାମର ଶରତ ନାମକ ଜଣେ ବ୍ୟକ୍ତି ନିଜ ବିଲକୁ କୈାଣସି କାମରେ ଯାଇଥିଲେ । ତେବେ ସେଠାରେ ସେ ପଡିଯାଇଥିଲେ । ଘଟଣା ସମ୍ପର୍କରେ ଖବରପାଇ ପରିବାର ଲୋକମାନେ ଶରତ ପଡିରହିଥିବା ବିଲ ପାଖକୁ ଯାଇଥିଲେ । ପରେ ସ୍ଥାନୀୟ ମେଡିକାଲରେ ତାଙ୍କୁ ଭର୍ତ୍ତି କରାଯାଇଥିଲେ ମଧ୍ୟ ଡାକ୍ତର ତାଙ୍କୁ ମୃତ୍ୟୁ ଘୋଷଣା କରିଥିଲେ । ସରକାରୀ ନିୟମ ଅନୁସାରେ ଶରତଙ୍କ ଶବ ବ୍ୟବଚ୍ଛେଦ କରିବା ପାଇଁ ଡାକ୍ତର କହିଥିଲେ । ଡାକ୍ତରଙ୍କ ପରାମର୍ଶ କ୍ରମେ ପରିବାର ଲୋକ ଶବ ବ୍ୟବଚ୍ଛେଦ କରାଇବା ପାଇଁ ନେଇଥିଲେ ମଧ୍ୟ ତାହା ହୋଇ ପାରିନାହିଁ ।
Kanak News is now on WhatsApp
Join and get latest news updates delivered to you via WhatsApp
ତେବେ ବ୍ୟବଚ୍ଛେଦ କରିବା ପାଇଁ ସ୍ଥାନୀୟ ପୋଲିସ ଏଏସଆଇ ଶରତ କୁମାର ଧଳ ପରିବାର ଲୋକଙ୍କୁ ଟଙ୍କା ମାଗିଥିଲେ । ଶରତଙ୍କ ପରିବାରର ଆର୍ଥିକ ଅବସ୍ଥା ଭଲ ନଥିବା କାରଣରୁ ସେମାନେ ଟଙ୍କା ଦେଇପାରିନଥିଲେ । ତେଣୁ ଦୀର୍ଘ ୧୦ ଘଣ୍ଟା ଧରି ଶରତଙ୍କ ମୃତ ଦେହ ପଡିରହିଛି । ପରିବାର ଲୋକ ଉପାୟ ଶୂନ୍ୟ ହୋଇ ସେଠାକାର ଉପଜିଲ୍ଲାପାଳଙ୍କୁ ଭେଟିବା ସହ ଘଟଣା ସମ୍ପର୍କରେ ଜଣାଇଥିଲେ । ଏହାପରେ ଘଟଣାସ୍ଥଳରେ ଉପଜିଲ୍ଲାପାଳ ପହଞ୍ଚି ମେଡିକାଲର ଉଚ୍ଚପଦସ୍ଥ ଅଧିକାରୀଙ୍କ ସହ ଆଲୋଚନା କରିଥିବା ସୂଚନା ମିଳିଛି । ସଠିକ ସମୟରେ ଶବର ସଂସ୍କାର ହୋଇ ପାରିନଥିବାରୁ ପୁଣିଥରେ ଶବକୁ ଅସମ୍ମାନ ହୋଇଛି ବୋଲି ସାଧାରଣରେ ମତ ପ୍ରକାଶ ପାଇଛି । ତେବେ ବାରମ୍ବାର ଏପରି ଭାବରେ ପୋଲିସ ବାବୁମାନେ ବିପଦରେ ପଡିଥିବା ଲୋକମାନଙ୍କୁ ଟଙ୍କା ମାଗୁଛନ୍ତି । ଗତ ଗୁରୁବାର ଦିନ କେନ୍ଦ୍ରାପଡା ଜିଲ୍ଲା ମହାକାଳପଡା ସାମୁଦ୍ରିକ ଥାନାର ଏସଆଇ ଜଣେ ବ୍ୟକ୍ତିଙ୍କଠାରୁ ହଜାର ଟଙ୍କା ଲାଞ୍ଚ ନେଉଥିବାର ଭିଡିଓ ସୋସିଆଲ ମିଡିଆରେ ଭାଇରାଲ ହୋଇଥିଲା ।