ଚଳନ୍ତା ଟ୍ରେନରେ ଶିଶୁକୁ ଜନ୍ମ ଦେଲେ ମହିଳା, ଚିକିତ୍ସା ଅଭାବରୁ ଶିଶୁ ମୃତ
ଚିକିତ୍ସା ସୁବିଧା ନମିଳିବା କାରଣରୁ ବୁଧବାର ଦିନ ଚଳନ୍ତା ଟ୍ରେନରେ ଜନ୍ମ ହୋଇଥିବା ଶିଶୁର ମୃତ୍ୟୁ ହୋଇଯାଇଛି । ଝାରଖଣ୍ଡର ଲୋହରଦଗା ଜିଲ୍ଲାର ନିବାସୀ ଇନ୍ଦ୍ରାଣୀ ଦେବୀଙ୍କୁ ଟ୍ରେନରେ ଯାତ୍ରା ସମୟରେ ପ୍ରସବ ଯନ୍ତ୍ରଣା ହୋଇଥିଲା । ସେ ନିଜ ସ୍ୱାମୀଙ୍କ ସହ ଅଲାପୁଝା-ଧାନବାଦ ଏକ୍ସପ୍ରେସରେ ରାଂଚି ଯାଉଥିଲେ । ରାସ୍ତାରେ ହିଁ ସେ ଟ୍ରେନରେ ଏକ ଶିଶୁକୁ ଜନ୍ମ ଦେଲେ ।
Kanak News is now on WhatsApp
Join and get latest news updates delivered to you via WhatsApp
ସୂଚନାଯୋଗ୍ୟ, ସେମାନେ ରେଳବାଇ ଠାରୁ ଚିକିତ୍ସା ପାଇଁ ସହାୟତା ମାଗିଥିଲେ । କିନ୍ତୁ କୌଣସି ସହାୟତା ମିଳିଲାନି । ରାଂଚି ଷ୍ଟେସନରୁ ଓହ୍ଲାଇବା ପରେ ସେ ସେମାନେ ହସପିଟାଲରେ ପହଂଚିଥିଲେ । ସେ ଏକ ଝୋଟ ବସ୍ତାରେ ଶିଶୁକୁ ଘୋଡେଇ ହସପିଟାଲ ନେଇଥିଲେ । ସେଠାରେ ମଧ୍ୟ ଡାକ୍ତର ଶିଶୁର ଚିକିତ୍ସାରେ ବିଳମ୍ବ କରିଥିଲେ । ଯେତେବେଳେ ତାର ଚିକିତ୍ସା ହୁଅନ୍ତା, ଶିଶୁଟିର ମୃତ୍ୟୁ ହୋଇସାରିଥିଲା । ଦମ୍ପତି ନକ୍ସଲ ପ୍ରଭାବିତ ଲୋହରଦଗା ଜିଲ୍ଲାରୁ ଆସନ୍ତି । ସେ ରେଳବାଇ ଦ୍ୱାରା ପ୍ରଦାନ କରାଯାଉଥିବା ସାମାଜିକ ଚିକିତ୍ସା ସୁବିଧା ବିଷୟରେ ଅଜ୍ଞାତ ଥିଲେ ।