ଝିଅମାନେ ସାଜିଲେ ପ୍ରେରଣା : ୪୦ ବର୍ଷ ପରେ ରାଜସ୍ତାନର ବିଜେପି ବିଧାୟକ ପୁଣି ଥରେ ଆରମ୍ଭ କଲେ ପାଠପଢ଼ା
୪୦ ବର୍ଷ ପରେ ପୁଣି ଥରେ ପାଠପଢ଼ା ଆରମ୍ଭ କଲେ ରାଜସ୍ତାନର ଜଣେ ବିଜେପି ବିଧାୟକ । ସେ ଅନୁଭବ କଲେ ଛାତ୍ରଛାତ୍ରୀଙ୍କ ଶିକ୍ଷାକୁ ମହତ୍ୱ ଦେଇ ଭାଷଣ ଦେବା ଯେତିକି ଗୁରୁତ୍ୱପୂର୍ଣ୍ଣ ନିଜେ ଶିକ୍ଷିତି ହେବା ମଧ୍ୟ ସେତିକି ଗୁରୁତ୍ୱପୂର୍ଣ୍ଣ । ତେଣୁ ଶିକ୍ଷାର ଗୁରୁତ୍ୱକୁ ଅନୁଭବ କରି ସେ ପୁଣି ଥରେ ପାଠପଢ଼ା ଆରମ୍ଭ କରିଛନ୍ତି । କାରଣ ତାଙ୍କୁ ଅଧାରୁ ପାଠ ଛାଡ଼ିବା ପାଇଁ ପଡ଼ିଥିଲା, ଯଦ୍ୱାରା ସେ ପାଠପଢ଼ା ଶେଷ କରିପାରୁନଥିଲେ ।
Kanak News is now on WhatsApp
Join and get latest news updates delivered to you via WhatsApp
ରାଜସ୍ତାନe ଭାରତୀୟ ଜନତା ପାର୍ଟି(ବିଜେପି)ର ଜଣେ ବିଧାୟକ ୪୦ ବର୍ଷ ପରେ ପୁଣି ପାଠ ପଢ଼ିବାକୁ ସ୍କୁଲ୍କୁ ଯାଇଥିବା ଘଟଣା ଏବେ ଚାରିଆଡ଼େ ଚାଞ୍ଚଲ୍ୟ ସୃଷ୍ଟି କରିଛି । ଉଦୟପୁରର ଗ୍ରାମାଞ୍ଚଳ ବିଧାୟକ ଫୁଲ୍ ସିଂହ ମିନା(୫୫)ଙ୍କ ବାପା ଭାରତୀୟ ସେନାରେ ଥିଲେ । ସେ ସହିଦ ହୋଇଯିବା ପରେ ଫୁଲ୍ ସିଂହ ମିନା ସପ୍ତମ ଶ୍ରେଣୀରୁ ନିଜ ପାଠ ପଢ଼ା ଛାଡ଼ି ପରିବାର ପୋଷିବା ପାଇଁ ଯାଇ କ୍ଷେତରେ କାମ କରିଥିଲେ। ବଡ଼ ହେବା ପରେ ରାଜନୀତିରେ ପ୍ରବେଶ କଲେ । ମାତ୍ର ଅଧୁରା ପାଠପଢ଼ାକୁ ଆଉ ପୂରା କରିବାର ସମୟ ପାଇଲେ ନାହିଁ ।
ଫୁଲ୍ ସିଂହ କହନ୍ତି, ‘ମୋ ଝିଅମାନେ ସବୁବେଳେ ମୋତେ ପାଠ ପୁଣି ଥରେ ପାଠ ପଢ଼ିବାକୁ କହନ୍ତି। ମାତ୍ର ମୋର ବୟସ ହେତୁ ମୁଁ ସେଥିରେ ମନ ଦିଏ ନାହିଁ । ସେମାନେ କହନ୍ତି କି ମୁଁ ବହୁ ବଡ଼ ବଡ଼ ନେତା ଓ ଅଧିକାରୀଙ୍କ ସହ ମିଳାମିଶା କରୁଛି । ତେଣୁ ମୋର ଶିକ୍ଷାଗତ ଯୋଗ୍ୟତା ସେମାନଙ୍କ ସମକକ୍ଷ ହେବା ଜରୁରୀ। ମୋତେ ବି ଧୀରେ ଧୀରେ ମୋ ୫ ଝିଅଙ୍କ କଥା ଠିକ୍ ଲାଗିଲା । ମୁଁ ପରବର୍ତ୍ତୀ ସମୟରେ ଗୋଟାଏ ପରେ ଗୋଟାଏ ଶ୍ରେଣୀ ପଢ଼ିଚାଲିଲି ।’
ଫୁଲ୍ ସିଂହ ମିନା ଏବର୍ଷ ଯୁକ୍ତ ତିନି ପ୍ରଥମ ବର୍ଷ ପରୀକ୍ଷା ଦେଉଛନ୍ତି । ଆଉ ୨ ବର୍ଷ ପରେ ସେ ଜଣେ ଗ୍ରାଜୁଏଟ୍ ବନିଯିବେ । ନିଜ ବାପାଙ୍କ ସଂପର୍କରେ ତାଙ୍କ ମଧ୍ୟମ ଝିଅ କହନ୍ତି, ‘ମୋ ବାପା ପାଠ ପଢ଼ାକୁ ନେଇ ଖୁବ୍ ସଚେତନ । ଯେଉଁଭଳି ଭାବେ ସେ ଦଶମ ଓ ଦ୍ୱାଦଶ ପରୀକ୍ଷାରେ ଉତ୍ତୀର୍ଣ୍ଣ ହୋଇଛନ୍ତି ତାଙ୍କ ପାଇଁ ଆମେ ବେଶ୍ ଗର୍ବିତ ।’