ଓଡିଶା ଚାଷୀ ମାଲାମାଲ୍! ତୃତୀୟ କୃଷି କ୍ୟାବିନେଟରେ ସରକାରଙ୍କ ଚମକାଇଲା ଭଳି ଖବର
ଭୁବନେଶ୍ୱର ବ୍ୟୁରୋ, କନକ ନ୍ୟୁଜ୍ : ୧୦ ବର୍ଷରେ ଓଡ଼ିଶାର ଚାଷୀଙ୍କ ଆୟ ଦୁଇଗୁଣା ହୋଇଛି । ସାରା ଦେଶରେ ଓଡ଼ିଶା ଏକମାତ୍ର ରାଜ୍ୟ ଯେଉଁଠି ୧୦ ବର୍ଷରେ ଚାଷୀଙ୍କ ଆୟ ଦୁଇଗୁଣା ହୋଇଛି । ତୃତୀୟ କୃଷି କ୍ୟାବିନେଟ୍ ବୈଠକରେ ଏଭଳି ସୂଚନା ଦେଇଛନ୍ତି ମୁଖ୍ୟ ଶାସନ ସଚିବ । ନାସନାଲ୍ ସାମ୍ପଲ୍ ସର୍ଭେ ରିପୋର୍ଟ ଅନୁସାରେ ଓଡ଼ିଶା ଏଭଳି ଉଲ୍ଲେଖନୀୟ ସଫଳତା ହାସଲ କରିଛି ।
Kanak News is now on WhatsApp
Join and get latest news updates delivered to you via WhatsApp
ରିପୋର୍ଟ ଅନୁସାରେ, ୨୦୦୩ରେ ଓଡ଼ିଶାର ଚାଷୀଙ୍କ ମୁଣ୍ଡ ପିଛା ଆୟ ମାସକୁ ମାତ୍ର ହଜାରେ ଟଙ୍କା ଥିବା ବେଳେ ୨୦୧୩ ମସିହାରେ ଏହା ମାସକୁ ୨୦୦୦ ଟଙ୍କାରୁ ଅଧିକ ହୋଇଛି । ହରିୟାନା, ରାଜସ୍ଥାନ ଓ ମଧ୍ୟପ୍ରଦେଶ ଭଳି ରାଜ୍ୟରେ ଚାଷୀଙ୍କ ଆୟ ବଢ଼ିଥିଲେ ସୁଦ୍ଧା ଏହି ସମୟ ଭିତରେ କୌଣସି ରାଜ୍ୟରେ ଚାଷୀଙ୍କ ଆୟ ଦୁଇଗୁଣା ହୋଇନାହିଁ ବୋଲି ସେ କହିଛନ୍ତି ।
ବିଶେଷକରି ଗୃହପାଳିତ ପଶୁ ପାଳନ ଯୋଗୁଁ ଚାଷୀଙ୍କ ଆୟ ବଢ଼ିଥିବା ଜଣାପଡ଼ିଛି । କୃଷିକୁ ଲାଭଜନକ କରିବା ପାଇଁ ଅନେକଗୁଡ଼ିଏ ପଦକ୍ଷେପ ନିଆଯାଉଥିବା କଥା ମୁଖ୍ୟ ଶାସନ ସଚିବ ସୂଚନା ଦେଇଛନ୍ତି ।