ଆଇଫୋନ ଏକ୍ସର ଜବରଦସ୍ତ କ୍ରେଜ ! ଆଇଫୋନ କିଣିବା ପାଇଁ ବ୍ୟାଣ୍ଡ ବାଜା ସହ ଘୋଡାରେ ବସି ଯୁବକ ଗଲେ ଷ୍ଟୋର
ଆଇଫୋନକୁ ନେଇ ଯୁବକଙ୍କ ଭିତରେ ଜବରଦସ୍ତ କ୍ରେଜ । ଆଇଫୋନ ପାଇଁ କିଡନୀ ବିକିଥିବାର ଘଟଣା ପୂର୍ବରୁ ସାମ୍ନାକୁ ଆସିଛି । ଯାହା ଆଇଫୋନର ଲୋକପ୍ରିୟତାକୁ ଦର୍ଶାଉଥିଲା । ଆଇଫୋନର ଦଶ ବର୍ଷ ପୂର୍ତ୍ତି ଉପଲକ୍ଷେ କମ୍ପାନୀ ଆଇଫୋନ ଏକ୍ସର ଏକ ନୂଆ ମଡେଲ ବଜାରକୁ ଛାଡିଛି । ଏହି ଫୋନର ଏବେ ପ୍ରବଳ ଡିମାଣ୍ଡ ରହିଛି । ତେବେ ଭାରତରେ ଏହି ଫୋନ ଲଞ୍ଚ ହେବା ଦିନ ଏକ ମଜାଦାର ଘଟଣା ସାମ୍ନାକୁ ଆସିଛି ।
Kanak News is now on WhatsApp
Join and get latest news updates delivered to you via WhatsApp
ଆଇଫୋନ ଏକ୍ସ କିଣିବା ପାଇଁ ଆପଲ ଷ୍ଟୋର ଆଗରେ ଯୁବକଙ୍କ ଲମ୍ବା ଲାଇନ ଦେଖିବାକୁ ମିଳିଥିବା ବେଳେ ମୁମ୍ବାଇରେ କିନ୍ତୁ ଭିନ୍ନ ଚିତ୍ର ଦେଖିବାକୁ ମିଳିଛି । ଲଞ୍ଚ ଡେ’ରେ ଆଇଫୋନ କିଣିବାକୁ ମୁମ୍ବାଇର ପାଲିଭାଲ ଘୋଡାରେ ବସି ଷ୍ଟୋରକୁ ଯିବା ଏବେ ଚର୍ଚ୍ଚାର ବିଷୟ ପାଲଟିଛି । ଆଗେର ଘୋଡାରେ ବସିଥାନ୍ତି ପାଲିଭଳ ପଛରେ ବାଜୁଥାଏ ବ୍ୟାଣ୍ଡ ବାଜା । ଲାଗୁଥିଲା ସତେ ଯେପରି କୌଣସି ବାହାଘରର ଶୋଭାଯାତ୍ରାରେ ଯାଉଛନ୍ତି ପାଲିଭଲ । ଆଇଫୋନକୁ ପାଲିଭାଲ କେତେ ଭଲ ପାଇଥାନ୍ତି ତାହା ଏକ ପ୍ଲା କାର୍ଡ ମାଧ୍ୟମରେ ଜଣାଇଥିଲେ । ଘୋଡାରେ ବସି ଆଇ ଲଭ ଆଇଫୋନ ଏକ୍ସ ଲେଖାଥିବା ଏକ ପ୍ଲା କାର୍ଡ ଧରିଥିଲେ ପାଲିଭାଲ । ଯାହା ଆଇଫୋନ ପ୍ରତି ତାଙ୍କ ଦୁର୍ବଳତାକୁ ଦର୍ଶାଉଥିଲା ।
ଘୋଡ଼ା ଉପରେ ବସିଥିବା ଅବସ୍ଥାରେ ହିଁ ଦୋକାନୀ ତାଙ୍କୁ ଆଇଫୋନ୍ ଦେଇଥିଲେ । । ନୂଆ ଆସିଥିବା ଏହି ଆଇଫୋନ୍ ଏକ୍ସର ଦାମ ୮୯ହଜାର ଟଙ୍କାରୁ ଆରମ୍ଭ ହେଉଛି ।ସ୍ମାର୍ଟଫୋନର ଭବିଷ୍ୟତ କୁହାଯାଉଥିବା ଆଇଫୋନ ଏଳ୍ସରେ ଜବରଦସ୍ତ ଫିଚର ରହିଛି । ଓଶଲଇଡି ଡିସପ୍ଲେ ସାଙ୍ଗକୁ ଫେସ ଆଇଡି ରହିଛି ଏହି ଆଇଫୋନ ଏଳ୍ସରେ । ଏହି ଫୋନ କିଣିବାକୁ ଏବେ ଯୁବଗୋଷ୍ଠୀଙ୍କ ମଧ୍ୟରେ ପ୍ରତିଯୋଗିତା ଦେଖାଦେଇଛି ।