ସରକାରୀ ଚାକିରୀ ପଛରେ ଧାଇଁ ଧାଇଁ ନୟାନ୍ତ ହେଲେ ଯୁବକ, ଶେଷରେ ନରେନ୍ଦ୍ର ମୋଦିଙ୍କ ଜାଲ ଦସ୍ତଖତ କରି ଗଲେ ଜେଲ
କର୍ଣ୍ଣାଟକର ବେଲଗବିରେ ଜଣେ ଯୁବକ ସରକାରୀ ଚାକିରି ପାଇଁ କରିଥିବା କାମ ପାଇଁ ତାଙ୍କୁ ଜେଲ ଦଣ୍ଡ ମିଳିଛି । ଦେଶରେ ନିଯୁକ୍ତିର ଅଭାବ ଦେଖାଯାଉଥିବା ବେଳେ ଜାଲିଆତି କରି ଚାକିରି ପାଇବା ପାଇଁ କିଛି ପୂର୍ବରୁ ଅନେକ ଯୁବକ ଚେଷ୍ଟା କରିଥିବାର ଖବର ଆପଣ ପାଇଥିବେ । କିନ୍ତୁ ଚାକିରି ପାଇଁ ଦେଶର ପ୍ରଧାନମନ୍ତ୍ରୀ ମୋଦିଙ୍କ ଦସ୍ତଖତ ଜାଲିଆତି କରିବା ଘଟଣା ଏହା ପ୍ରଥମ ।
Kanak News is now on WhatsApp
Join and get latest news updates delivered to you via WhatsApp
ସୂଚନା ମୁତାବକ, କର୍ଣ୍ଣାଟକର ବେଲଗବୀରେ ରହୁଥିବା ସଞ୍ଜୟ କୁମାର ସରକାରୀ ଚାକିରି ପାଇଁ ବାରମ୍ବାର ଆବେଦନ କରି ଥକି ଯାଇଥିଲେ । ବିଏସସି ପଢ଼ା ସାରି ଏକ ବେସରକାରୀ ସଂସ୍ଥାରେ କାମ କରୁଥିବା ସଞ୍ଜୟ କିଛି ବର୍ଷ ହେଲା ସରକାରୀ ଚାକିରି ପାଇଁ ଚେଷ୍ଟା କରି ଆସୁଥିଲେ । କିନ୍ତୁ ସଫଳ ନହେବାରୁ ସେ ଯେଉଁ ବାଟ ଆପଣାଇଥିଲେ, ତାହା ତାଙ୍କୁ ଅସୁବିଧାରେ ପକାଇଥିଲା । ଟାଇପିଷ୍ଟ ଚାକିରି ପାଇଁ ସେ ଏକ ଚିଠି ଲେଖିବା ସହ ସେଥିରେ ମୋଦିଙ୍କ ଜାଲ ଦସ୍ତଖତ କରାଇଥିଲେ । ଚିଠିରେ ସଞ୍ଜୟଙ୍କ ଶିକ୍ଷାଗତ ଯୋଗ୍ୟତା ସହ ତାଙ୍କର ଟାଇପିଙ୍ଗ ସ୍କିଲ୍ ବିଷୟରେ ଲେଖାଯାଇଥିବାବେଳେ ଶେଷରେ ସଞ୍ଜୟଙ୍କୁ ଚାକିରି ଦିଆଯାଉ ବୋଲି ଲେଖା ଯାଇଥିଲା । ଏହା ସହ ମୋଦିଙ୍କ ଦସ୍ତଖତ ମଧ୍ୟ କରାଯାଇଥିଲା ।
ଏପରି କରି ସଞ୍ଜୟ ଚାକିରି ପାଇଯିବେ ବୋଲି ଭାବିଥିବା ବେଳେ ଅଧିକାରୀମାନେ ତାଙ୍କ ଭୁଲକୁ ଧରି ନେଇଥିଲେ । ପରେ ପୁଲିସକୁ ସୂଚନା ଦିଆଯିବା ପରେ ପୁଲିସ ସଞ୍ଜୟଙ୍କୁ ଗିରଫ କରି ଜେଲରେ ଭର୍ତ୍ତି କରିଥିବା ଜଣାପଡ଼ିଛି ।