ପ୍ରଶଂସକଙ୍କ ସମର୍ଥନ ପାଇଁ ଆବେଦନ କଲେ ଅଭିନେତ୍ରୀ ମହାଶ୍ୱେତା : କହିଲେ, ରାଜ୍ୟ ଚଳଚିତ୍ର ଉତ୍ସବରେ ଦିଆଯାଇଥିବା ପୁରସ୍କାରର ପୁନର୍ବିଚାର ଜରୁରୀ
ରାଜ୍ୟ ଚଳଚ୍ଚିତ୍ର ପୁରସ୍କାର ଘୋଷଣା ସହ ବଢିଚାଲିଛି ବିବାଦ । ପୁରସ୍କାର ଚୟନ ନେଇ ସିଧାସଳଖ ପ୍ରଶ୍ନ ଉଠାଇଛନ୍ତି ବିଶିଷ୍ଟ ଅଭିନେତ୍ରୀ ମହାଶ୍ୱେତା ରାୟ । ଜୁରୀ କମିଟିର ବିଚାରରେ ଅସନ୍ତୁଷ୍ଟ, ମହାଶ୍ୱେତା କହିଛନ୍ତି, ‘ଚିନି’ ଫିଲ୍ମରେ ତାଙ୍କ ଜୀବନର ସବୁଠୁ ସ୍ମରଣୀୟ ଅଭିନୟ ରହିଥିଲା । ସେଥିପାଇଁ ତାଙ୍କୁ ପୁରସ୍କାର ନଦିଆଯାଇ, କାହିଁକି, ‘ଦେଲେ ଧରା କଥା ସରେ’ ଫିଲ୍ମ ପାଇଁ ଦିଆଗଲା?
Kanak News is now on WhatsApp
Join and get latest news updates delivered to you via WhatsApp
ଜୁରୀ କମିଟିର ଚୟନ ଉପରେ ପ୍ରଶ୍ନ ଉଠାଇବା ସହ ଫେସବୁକରେ ପ୍ରଶଂସକଙ୍କ ସମର୍ଥନ ମାଗିଛନ୍ତି ଏହି ବର୍ଷିୟାନ୍ ଅଭିନେତ୍ରୀ । କହିଛନ୍ତି, ୪୦ ବର୍ଷର କ୍ୟାରିଅରରେ ସେ, ତାଙ୍କ ପରିବାର ଏବଂ ସମ୍ପର୍କୀୟ , ଏହି ପୁରସ୍କାର ନେଇ ଗଭୀର ଭାବେ ନିରୁତ୍ସାହିତ ।
ଜୁରୀ କମିଟିର ଅଧ୍ୟକ୍ଷ ହେଉଛନ୍ତି ଅବସରପ୍ରାପ୍ତ ପୁଲିସ ଡିଜି ବିପିନ ବିହାରୀ ମିଶ୍ର । ଜୁରୀ ସଦସ୍ୟ ରହିଛନ୍ତି ଦଳଗୋବିନ୍ଦ ରଥ, ସୂର୍ଯ୍ୟ ଦେଓ, ଶୈଳେଶ୍ୱର ନନ୍ଦ, ସୁବାସ ଦାସ, ଶୀର୍ଷାନନ୍ଦ ଦାସ କାନୁନଗୋ ଏବଂ ଗୀତା ପଟ୍ଟନାୟକ । ତେବେ ମହାଶ୍ୱେତାଙ୍କ ଅଭିଯୋଗ, ସିଧାସଳଖ ରାଜ୍ୟ ଚଳଚ୍ଚିତ୍ର ଜୁରୀ କମିଟି ଉପରେ ପ୍ରଶ୍ନ ଠିଆ କରିଛି । ଏସବୁ ଭିତରେ ଦାବି ହେଉଛି, ଫିଲ୍ମ ସହ ସଂପୃକ୍ତ ବ୍ୟକ୍ତିଙ୍କୁ କେବଳ ଜୁରୀ କମିଟିରେ ସ୍ଥାନ ଦିଆଯାଉ ।