ସାଧାରଣତଃ ସ୍ମାର୍ଟଫୋନଗୁଡିକର ସବୁଠାରୁ ବଡ ସମସ୍ୟା ହେଉଛି ବ୍ୟାଟେରୀଜନିତ ସମସ୍ୟା । ଅଧିକାଂଶ ସମୟରେ ଏପରି ହୋଇଥାଏ କି ବିଭିନ୍ନ କଂପାନୀର ବେଷ୍ଟରୁ ବେଷ୍ଟ ମୋବାଇଲ ଫୋନ କେବଳ ତାର ବ୍ୟାଟେରୀ ପାଇଁ ହିଁ ଫ୍ଲପ୍ ହୋଇଯାଇଥାଏ । ଅର୍ଥାତ୍ ଫୋନର ବ୍ୟାଟେରୀ ଖୁବ୍ ଶୀଘ୍ର ଶେଷ ହୋଇଯିବା ଭଳି ନଜୀର ରହିଛି । ତେଣୁ ଏହାକୁ ଦୃଷ୍ଟିରେ ରଖି ଆଜି ଆମେ ଆପଣଙ୍କୁ କିଛି ଏଭଳି ପରାମର୍ଶ ଦେବାକୁ ଯାଉଛୁ, ଯାହା ଆପଣଙ୍କ କାମରେ ନିଶ୍ଚୟ ରୂପେ ଆସିବ । ତେବେ ଚାସନ୍ତୁ ଜାଣିବା ଏସଂପର୍କରେ . . . ।
Kanak News is now on WhatsApp
Join and get latest news updates delivered to you via WhatsApp
ବ୍ୟାଟେରୀ ଫୁଲ ଚାର୍ଜ ହେବା ପରେ ପ୍ଲଗରୁ ବାହାର କରିବାକୁ ଭୁଲନ୍ତୁ ନାହିଁ
ବ୍ୟାଟେରୀ ଫୁଲ ଚାର୍ଜ ହୋଇଯିବା ପରେ ବି କିଛି ଲୋକ ପ୍ଲଗରୁ ମୋବାଇଲକୁ ବାହାର କରିନଥାନ୍ତି । ଯାହାକି ଆଦୌ ଠିକ୍ ନୁହେଁ, କାରଣ ଏହାଦ୍ୱାରା ଫୋନର ବ୍ୟାଟେରୀ ଲଗାତର ଭାବେ ଖରାପ ହୋଇଥାଏ । ତେଣୁ ଫୋନର ବ୍ୟାଟେରୀ ଚାର୍ଜ ହେବା ପରେ ବି ଯଦି ଆପଣ ଫୋନକୁ ଚାର୍ଜରୁ ବାହାର ନକରନ୍ତି ତେବେ ଏହାର ପ୍ରଭାବ ସିଧା ଫୋନର ବ୍ୟାଟେରୀ ଉପରେ ହିଁ ପଡିଥାଏ ।
ଫୋନର ବ୍ୟାଟେରୀକୁ ୧୦୦ ପ୍ରତିଶତ ଚାର୍ଜ କରନ୍ତୁ ନାହିଁ
ଫୋନର ବ୍ୟାଟେରୀକୁ ସୁରକ୍ଷିତ ଭାବେ ରଖିବା ନିହାତି ଆବଶ୍ୟକ । ତେଣୁ ଫୋନର ବ୍ୟାଟେରୀକୁ ୧୦୦ ପ୍ରତିଶତ ଚାର୍ଜ ହେବା ପୂର୍ବରୁ ମୋବାଇଲଟିକୁ ପ୍ଲଗରୁ ଅଲଗା କରିଦିଅନ୍ତୁ । କାରଣ, ଲିଥିୟମ ଆୟନ ବ୍ୟାଟେରୀ ସଂପୂର୍ଣ୍ଣ ଭାବେ ଚାର୍ଜ ହେବା ଦ୍ୱାରା ଭଲ ତରିକାରେ କାମ କରିଥାଏ । ଏହା ଉପରେ ଅଧିକ ପ୍ରେସର ପଡିବନଥାଏ ।
ଆବଶ୍ୟକତା ଅନୁସାରେ ଚାର୍ଜ କରନ୍ତୁ
ଯେତେବେଳେ ଦରକାର ପଡିଛୁ ସେତେବେଳେ ହିଁ ଚାର୍ଜ କରନ୍ତୁ । ତେଣୁ ମୋବାଇଲର ବ୍ୟାଟେରୀ ଯେତେବେଳେ ୧୦ ପ୍ରତିଶତ ଯାଏଁ ଖସି ଆସିବ, ସେତେବେଳେ ହିଁ ଯାଇ ମୋବାଇଲଟିକୁ ଚାର୍ଜରେ ବସାନ୍ତୁ । ମାତ୍ର ବ୍ୟାଟେରୀ ଡେଡ୍ ହେବା ଯାଏଁ ଆଦୌ ଅପେକ୍ଷା କରନ୍ତୁ ନାହିଁ ।
ଜିପିଏସ ଆଧାରିତ ଆପଗୁଡିକୁ ବନ୍ଦ କରି ରଖନ୍ତୁ
ଜିପିଏସ ଆଧାରିତ ଆପଗୁଡିକୁ ବନ୍ଦ କରି ରଖନ୍ତୁ । ଯେତେବେଳେ ଆବଶ୍ୟକତା ପଡୁଛି ସେତେବେଳେ ହିଁ ଏଭଳି ଫିଚର୍ସଗୁଡିକୁ ବ୍ୟବହାର କରନ୍ତୁ । କାରଣ, ଏଭଳି ଫିଚର୍ସ ବ୍ୟାଟେରୀ ବହୁତ ଅଧିକ ବ୍ୟବହାର କରିଥାନ୍ତି ।
ଗରମ ସ୍ଥାନରେ ଆଦୌ ଚାର୍ଜରେ ବସାନ୍ତୁ ନାହିଁ
ସ୍ମାର୍ଟଫୋନକୁ ଗରମ ସ୍ଥାନରେ ଆଦୌ ରଖନ୍ତୁ ନାହିଁ । ଅଧିକାଂଶ ସମୟରେ ଆପଣ ନୋଟିସ କରିଥିବେ କି ଚାର୍ଜ ହେବା ପରେ ଆପଣଙ୍କର ବ୍ୟାଟେରୀ ଗରମ ହୋଇଯାଇଥାଏ । ଏଭଳି ପରିସ୍ଥିତିରେ ଫୋନକୁ ଗରମ ସ୍ଥାନରେ କିମ୍ବା କୌଣସି ଡିଭାଇସ ଉପରେ ରଖି ଚାର୍ଜ କରନ୍ତୁ ନାହିଁ ।