କଳଙ୍କ ପରେ ଆଉ ଏକ ଫିଲ୍ମ ଆଣୁଛନ୍ତି କରନ ଜୋହର ! ସୋସିଆଲ ମିଡିଆରେ ସେୟାର କଲେ ଫିଲ୍ମର ନାମ ।
ବଲିଉଡର ସବୁଠାରୁ ଜଣାଶୁଣା ନିର୍ଦ୍ଦେଶକ କରନ ଜୋହାର ଦର୍ଶକମାନଙ୍କୁ ଭେଟି ଦେଉଛନ୍ତି ଆଉ ଏକ ପିରିଅଡ ଡ୍ରାମା ଫିଲ୍ମ । ଯାହାର ନାଁ ରହିଛି ତଖତ୍ । ସେ ନିଜେ ଏହି ଫିଲ୍ମ ବିଷୟରେ ସୋସିଆଲ ମିଡିଆରେ ଟ୍ୱିଟ କରି କହିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ସୋସିଆଲ ମିଡିଆରେ କରନ ଫିଲ୍ମରେ ଆକ୍ଟିଙ୍ଗ କରୁଥିବା ପ୍ରମୁଖ କଳାକାରମାନଙ୍କ ନାଁ କହିବା ସହିତ ଫିଲ୍ମ ବିଷୟରେ ମଧ୍ୟ କହିଛନ୍ତି । କରନ ଜୋହରଙ୍କ ଏହି ଫିଲ୍ମର କାହାଣୀ ମୋଗଲ ଶାସନ ସମୟରେ ହୋଇଥିବା ପ୍ରେମ କାହାଣୀ ଉପରେ ନିର୍ମିତ ହେଉଛି । ନିର୍ଦ୍ଦେଶନା ଦାୟିତ୍ୱରେ ଖୋଦ୍ କରନ ଥିବାବେଳେ ଫିଲ୍ମ ତଖ୍ତ ଆସନ୍ତା ୨୦୨୦ ମସିହାରେ ରିଲିଜ ହେବ ।
ତଖତ୍ ଫିଲ୍ମରେ ରଣବୀର ସିଂ, କରୀନା କପୁର ଖାନ, ଆଲିଆ ଭଟ୍ଟ, ଅନିଲ କପୁର, ବିକ୍କୀ କୌଶଲ ଏବଂ ଭୂମି ପେଡନେକରଙ୍କୁ ମୂଖ୍ୟ ଭୂମିକାରେ ଦେଖିବାକୁ ମିଳିବ । ଏହା ଏକ ମଲ୍ଟିଷ୍ଟାର ଫିଲ୍ମ ଭାବେ ପରଦା ଉପରକୁ ଆସିବ । ଏହି ଫିଲ୍ମ ଧର୍ମା ପ୍ରଡକ୍ସନ ବ୍ୟାନରରେ ତିଆରି ହେଉଛି । କରନ ଜୋହରଙ୍କ ଏହି ଫିଲ୍ମ ଡ୍ରାମା ଉପରେ ଆଧାରିତ ।