ଏମିତି ଏକ ମନ୍ଦିର, ଯେଉଁଠି ପାଣିରେ ଜଳୁଛି ଦୀପ ! ଜାଣନ୍ତୁ କେଉଁଠି ରହିଛି ଏହି ମନ୍ଦିର ଏବଂ କଣ ରହିଛି ଏହା ପଛର ରହସ୍ୟ ।
ସମାଜରେ ଚାଲିଥିବା ବିଶ୍ୱାସ, ଅନ୍ଧବିଶ୍ୱାସ ମଧ୍ୟରେ ବେଳେ ବେଳେ ଏପରି କିଛି ଚମକ୍ରାର ସମ୍ନାକୁ ଆସିଥାଏ ଯାହାକୁ ବିଜ୍ଞାନ ମଧ୍ୟ ବୁଝିପାରିନଥାଏ । ସେହିଭଳି ଏକ ଚମକ୍ରାର ଘଟଣା ସମ୍ନାକୁ ଆସିଛି ଯାହା ଶୁଣିଲେ ଆପଣ ମାନେ ମଧ୍ୟ ଆଶ୍ଚର୍ଯ୍ୟ ହୋଇଉଠିବେ । ଏହି ଘଟଣାଟି ମା’ଙ୍କ ଏକ ମନ୍ଦିର ସହ ଜଡିତ ରହିଛି । ମା’ଙ୍କ ମନ୍ଦିରରେ ବର୍ଷତମାମ ଅଖଣ୍ଡ ଦୀପ ଜଳି ଆସୁଛି । କିନ୍ତୁ ସେ ଦୀପ କୌଣସି ତେଲରେ ନୁହେଁ ପାଣିରେ ଜଳୁଛି । ବିଜ୍ଞାନ ଚମକ୍ରାରକୁ ମାନିନଥାଏ କିନ୍ତୁ ଏହି ଚମକ୍ରାରକୁ ବିଜ୍ଞାନ ମଧ୍ୟ ଭୁଲ ପ୍ରମାଣ କରିପାରି ନାହିଁ । ଗତ କିଛି ବର୍ଷ ହେବ ମଧ୍ୟପ୍ରଦେଶରେ ଏକ ମା’ଙ୍କ ମନ୍ଦିରରେ ପାଣିରେ ଜଳୁଥିବା ଦୀପ ଅନେକ ସମୟରେ ଲୋକଙ୍କ ଦୃଷ୍ଟି ଆକର୍ଷଣ କରିଛି । ଲୋକମାନେ ଏହାକୁ ଦେବୀଙ୍କ ଚମକ୍ରାର ବୋଲି ମାନନ୍ତି ।
Kanak News is now on WhatsApp
Join and get latest news updates delivered to you via WhatsApp
ମିଳିଥିବା ସୁଚନା ଅନୁଯାୟୀ, ମଧ୍ୟପ୍ରଦେଶର ରାଜଧାନୀ ଭୋପାଳ ଠାରୁ ପ୍ରାୟ ୨୦୦ କିଲୋମିଟର ଦୁର ରାଜପୁର ନାମକ ଏକ ଗାଁ ରହିଛି । ରାଜପୁରରୁ ପ୍ରାୟ ୫୦ କିଲୋମିଟର ଆଗକୁ ଗଲେ ମିଳିବ ଏକ ଛୋଟ ଗାଁ, ଯେଉଁଠାରେ ଅବସ୍ଥିତ ହିଂଗଲାଜ ମନ୍ଦିର । ଲୋକଙ୍କ କହିବା ଅନୁସାରେ ପ୍ରୟ ୩୫ ବର୍ଷ ହେବ ହିଂଗଲାଜ ମନ୍ଦିରରେ ଏହି ଦୀପ ଲଗାତାର ଜଳିଆସୁଛି ।
ଲେକମାନଙ୍କ କହିବା ଅନୁସାରେ, ପ୍ରଥମେ ଏହି ଦୀପ ତେଲରେ ଜଳୁଥିଲା । କିନ୍ତୁ କିଛି ବର୍ଷ ପରେ ମା’ଙ୍କ ଚମକ୍ରାର କାରଣରୁ ଏହି ଦୀପ ଏବେ ପାଣିରେ ଜଳୁଛି । ହିଂଗଲାଜ ମନ୍ଦିରର କଥା ଶିବ ପୁରାଣରେ ସ୍ଥାପନ ଥିବାର ଜଣାପଡିଛି । ଏହି ପୁରାଣ ଅନୁଯାୟୀ, ସତୀ ଦେହତ୍ୟାଗ କରିବା ପରେ ଯେତେବେଳେ ଭଗବାନ ଶିବ ତାଣ୍ଡବ ଆରମ୍ଭ କଲେ ସେତେବେଳେ ଭଗବାନ ବିଷ୍ଣୁ ନିଜ ସୁଦର୍ଶନ ଚକ୍ରରେ ସୀତାଙ୍କ ଶରୀରକୁ ଖଣ୍ଡ ବିଖଣ୍ଡିତ କରି ୫୧ ଭାଗରେ ପରିଣତ କରିଦେଇଥିଲେ । ତାପରେ ସୀତାଙ୍କ ଶରୀରର ଅଂଶ ଯେଉଁଠାରେ ପଡିଲା ସେଠାରେ ଗୋଟିଏ ଗୋଟିଏ ଶକ୍ତିପିଠ ସ୍ଥାପନ ହୋଇଗଲା । ସେହି ଶକ୍ତିପୀଠ ମାନଙ୍କ ମଧ୍ୟରୁ ହିଂଗଲାଜ ମନ୍ଦିର ଅନ୍ୟତମ । ଯାହା ଏବେ ମଧ୍ୟପ୍ରଦେଶର ଏକ ଗାଁରେ ଅବସ୍ଥିତ ।