ବୃଦ୍ଧି ପାଇଲା ସେନାର ଶକ୍ତି ! ଭାରତୀୟ ସେନାରେ ସାମିଲ ହେଲା ଶକ୍ତିଶାଳୀ ତୋପ ଏମ୍-୭୭୭ ।
କନକ ବ୍ୟୁରୋ : ବୃଦ୍ଧି ପାଇଲା ସେନାର ଶକ୍ତି । ଭାରତୀୟ ସେନାରେ ସାମିଲ ହୋଇଛି ଶକ୍ତିଶାଳୀ ତୋପ ଏମ-୭୭୭ । ୨ପ୍ରକାରର ତୋପ ହୋୱିଜର ୩ଟି ଓ କେ-୯ ବଜ୍ରର ୩ଟି ଲେଖାଏଁ ତୋପ ସେନାରେ ସାମିଲ ହୋଇଛି । ପ୍ରତିରକ୍ଷା ମନ୍ତ୍ରୀ ନିର୍ମଳା ସୀତାରମଣ ଓ ସ୍ଥଳ ସେନା ମୁଖ୍ୟ ବିପିନ ରାୱତଙ୍କ ଉପସ୍ଥିତିରେ ଏମ୍-୭୭୭କୁ ଭାରତୀୟ ସେନାରେ ସାମିଲ କରାଯାଇଛି । ୩୧ବର୍ଷର ବ୍ୟବଧାନ ପରେ ଭାରତକୁ ମିଳିଛି ଏହି ଶକ୍ତିଶାଳୀ ତୋପ ।
Kanak News is now on WhatsApp
Join and get latest news updates delivered to you via WhatsApp
ବୋଫର୍ସ ପରେ ଏହି ଦୁଇ ତୋପ ପାଇଁ ୧୯୮୬ରେ ଚୁକ୍ତି କରାଯାଇଥିବା ବେଳେ କୌଣସି କାରଣରୁ ଏହି ଡିଲ୍ ଅଟକି ରହିଥିଲା । ଏହି ତୋପ ଗୁଡିକରେ ଅପଟିକାଲ ଫାୟାର କଂଟ୍ରୋଲ ରହିଛି । ୨ ହଜାର ୯ ଶହ କୋଟି ବଜେଟରେ ଏହାର ନିର୍ମାଣ ହୋଇଛି । କିଛି ଦିନ ପୂର୍ବରୁ ସାଉଥ କୋରିଆରୁ ଭାରତରେ ପହଁଚିଥିଲା ଏହି ଦୁଇଟି ଶକ୍ତିଶାଳୀ ତୋପ । ପୋଖରାଣରେ ପରୀକ୍ଷଣ ପରେ ଆଜି ଏହା ଭାରତୀୟ ସେନାରେ ସାମିଲ ହୋଇଛି । ମହାରାଷ୍ଟ୍ର ନାସିକରେ ଏନେଇ ପ୍ରତିରକ୍ଷା ମନ୍ତ୍ରାଳୟ ପକ୍ଷରୁ ବିଶେଷ କାର୍ଯ୍ୟକ୍ରମର ଆୟୋଜନ କରାଯାଇଛି ।