ବନ୍ଧୁମାନଙ୍କ ଆଗରେ ଡ୍ୟାନ୍ସ କରିବାକୁ ମନା କରିବାରୁ ସ୍ତ୍ରୀକୁ ଉଲଗ୍ନ କରିବା ସହ ଲଣ୍ଡା କରି ପିଟିଲା ସ୍ୱାମୀ ! ସୋସିଆଲ୍ ମିଡିଆରେ ଦୁଃଖ ବଖାଣିଲେ ପୀଡିତା ।
ପ୍ରତିଦିନ ଖବରକାଗଜରେ ନାରୀଙ୍କୁ ପ୍ରତାଡିତ କରୁଥିବା ସ୍ୱାମୀଙ୍କ କଥା ତ ଆପଣ ପଢୁଥିବେ । ଏଭଳି ଆଉ ଏକ ଘଟଣା ଘଟିଛି ପାକିସ୍ତାନରେ । ବନ୍ଧୁମାନଙ୍କ ଆଗରେ ପତ୍ନୀ ଡ୍ୟାନ୍ସ ନ କରିବାରୁ ପତ୍ନୀଙ୍କୁ ଉଲଗ୍ନ କରି ନିର୍ଦ୍ଧୁମ୍ ପିଟିବା ଏବଂ ଲଣ୍ଡା କରିବା ଘଟଣା ଘଟିଛି ପାକିସ୍ତାନରେ । ଘଟଣାଟି ସେତେବେଳେ ସାମ୍ନାକୁ ଆସିଥିଲା ଯେତେବେଳେ ସୋସିଆଲ୍ ମିଡିଆରେ ଆସମା ଆଜିଜ୍ ନାମକ ଜଣେ ମହିଳା ନିଜ କ୍ଷତବିକ୍ଷତ ଚେହେରା ଏବଂ ଲଣ୍ଡାମୁଣ୍ଡଥିବା ଫଟୋକୁ ସୋସିଆଲ୍ ମିଡିଆରେ ସେୟାର୍ କରିଥିଲେ । ମହିଳା ଜଣକ ଅଭିଯୋଗ ଲଗାଇଥିଲେ ତାଙ୍କ ସ୍ୱାମୀ ଏବଂ ତାଙ୍କ ବନ୍ଧୁମାନେ ତାଙ୍କୁ ନିବସ୍ତ୍ର କରିଦେଇ ତାଙ୍କୁ ଲଣ୍ଡା କରିଦେଲେ । ଏତିକି ନୁହଁ ମହିଳାଙ୍କୁ ଲୁହା ପାଇପ୍ ରେ ମଧ୍ୟ ପିଟିବା ଆରମ୍ଭ କରିଦେଲେ ।
Kanak News is now on WhatsApp
Join and get latest news updates delivered to you via WhatsApp
ସେ ଭିଡିଓରେ କହିଥିଲେ,ଯେ ମୋ ସ୍ୱାମୀ ତାଙ୍କ ଅଫିସ୍ କର୍ମଚାରୀଙ୍କ ଆଗରେ ମୋତେ ନିବସ୍ତ୍ର କରିଥିଲେ ଏବଂ ଲଣ୍ଡା କରି ପିଟିବାକୁ ଲାଗିଥିଲେ । ମୋ ଦେହ ରକ୍ତାକ୍ତ ଅବସ୍ଥାରେ ଥିବାବେଳେ କର୍ମଚାରୀ ମାନେ ମୋତେ ଧରିଥିଲେ ଏବଂ ନିବସ୍ତ୍ର ଅବସ୍ଥାରେ ଫାଶୀ ଦେବାକୁ ମଧ୍ୟ କହୁଥିଲେ ।
ଆସମା ଭିଡିଓରେ କହିଥିଲେ ଯେ ୪ ବର୍ଷ ପୂର୍ବେ ତାଙ୍କ ବିବାହ ହୋଇଥିଲା । ସ୍ୱାମୀ ଫେଜଲ୍ ୱସିମ୍ ଖାନ୍ ପ୍ରଥମେ ତ ବହୁତ ଥିଲେ କିନ୍ତୁ ଏହି ୬ ମାସ ଭିତରେ ତାଙ୍କ ଭିତରେ ମୁଁ ପରିବର୍ତ୍ତନ ଲକ୍ଷ୍ୟ କରିଥିଲି । ତେବେ ସ୍ୱାମୀ ଏବଂ ତାଙ୍କ ବନ୍ଧୁମାନଙ୍କୁ ପୋଲିସ୍ ଗିରଫ କରିଛି