ମୌସୁମୀରେ ପିନ୍ଧୁଥିବା ମୋଜାରୁ ଦୁର୍ଗନ୍ଧ ବାହାରୁଛି କି ? ଆପଣାନ୍ତୁ ଏହି ଉପଚାର ସମସ୍ୟା ହେବ ଦୂର ।

58

ମୌସୁମୀର ପ୍ରଭାବରୁ ବର୍ଷା ଆରମ୍ଭ ହୋଇଯାଇଛି । ବର୍ଷା ଆସିବା କ୍ଷଣି ଗୋଟିଏ ସମସ୍ୟାର ଚିନ୍ତା ଲାଗିରହିଥାଏ । ସମସ୍ୟାଟି ହେଲା ଚାରିପଟେ ପାଣି ଥିବାରୁ ଗୋଡ ସବୁବେଳେ ଓଦା ରହିବା ସହ ପିନ୍ଧୁଥିବା ଜୋତା ଏବଂ ମୋଜା ମଧ୍ୟ ଓଦା ହୋଇଥାଏ । ମୋଜା ଓଦା ହେଲେ ମଧ୍ୟ ଶୀଘ୍ର ଶୁଖି ନଥାଏ । ଯାହାଦ୍ୱାରା ପରମୁହୂର୍ତ୍ତରେ ମୋଜାରୁ ଦୁର୍ଗନ୍ଧ ବାହାରିବା ଆରମ୍ଭ ହୋଇଯାଏ । ଅଫିସ୍ ଏବଂ ଅନ୍ୟ କୌଣସି ଜନସମାଗମ ସ୍ଥାନରେ ଲୋକଙ୍କ ସହ ବସବାସ କରିବା ସମୟରେ ଅସ୍ୱଚ୍ଛ ଅନୁଭବ ହୁଏ । ଯଦି ଆପଣ ଏଭଳି ସମସ୍ୟାର ସମ୍ମୁଖୀନ ହେଉଛନ୍ତି , ତେବେ ବିଲକୁଲ୍ ଚିନ୍ତା ନକରି ଆସନ୍ତୁ ଜାଣିବା ଏହାର ଘରୋଇ ଉପାୟ ।

ସଫା ମୋଜା – ପାଦରୁ ଦୁର୍ଗନ୍ଧ ଦୂର କରିବା ପାଇଁ ପ୍ରତିଦିନ ସଫା ମୋଜା ପିନ୍ଧନ୍ତୁ । ଏହାଛଡା ଭଲ କ୍ୱାଲିଟିର ମୋଜା ମଧ୍ୟ ବ୍ୟବହାର କରିପାରିବେ । ବର୍ଷା କମି ଖରା ହେଲେ ପ୍ରଥମେ ଜୋତାକୁ ଖରାରେ ରଖନ୍ତୁ । ଏହାଦ୍ୱାରା ଜୀବାଣୁ ମରିଯାଇଥାନ୍ତି ଏବଂ ଦୁର୍ଗନ୍ଧ ଦୂର ହୋଇଯିବ ।

ବେକିଙ୍ଗ୍ ସୋଡା–ଆପଣମାନେ ପିନ୍ଧୁଥିବା ଜୋତା ଭିତରେ କିଛି ବେକିଙ୍ଗ୍ ସୋଡା ପକାଇ ଦିଅନ୍ତୁ । ଏଭଳି କରିବା ଦ୍ୱାରା ଜୋତାରୁ ହେଉଥିବା ଦୁର୍ଗନ୍ଧ ଦୂର ହେଇଥାଏ ।

ଫିଟିକିରି – ଫିଟିକିରିରେ ଆଣ୍ଟିସେପ୍ଟିକ ଗୁଣ ରହିଥାଏ । ଏହାଦ୍ୱାରା ବ୍ୟାକ୍ଟେରିଆ ଭଲ ଭାବରେ ମରିଯାଇଥାନ୍ତି । ଗୋଟେ ମଗ୍ ପାଣିରେ ଗୋଟେ ଚାମଚ୍ ଫିଟିକିରି ପକାଇ ସେହି ପାଣିରେ ପାଦ ଧୁଅନ୍ତୁ । ଏହାଦ୍ୱାରା ଦୁର୍ଗନ୍ଧ ଦୁର ହୋଇଥାଏ ।

ଲୁଣ – ଅଧ ବାଲଟି ଗରମ ପାଣିରେ ୨ ଚାମଚ୍ ଲୁଣ ପକାନ୍ତୁ ଏବଂ ସେହି ପାଣିରେ ପାଦକୁ ୨୦ ମିନିଟ୍ ପର୍ୟ୍ୟନ୍ତ ବୁଡେଇ ରଖନ୍ତୁ । ତାପରେ ପାଦକୁ ସଫାକରି ଭଲଭାବରେ ପୋଛି ଦିଅନ୍ତୁ । ଏଭଳି କରିବା ଦ୍ୱାରା ପାଦରୁ ଦୁର୍ଗନ୍ଧ ସମସ୍ୟା ଦୂର ହୋଇଯିବ ।