ଡେଙ୍ଗା ହେବାକୁ ଚାହୁଁଛନ୍ତି କି ? ଜାଣନ୍ତୁ କିଛି ଟିପ୍ସ
ପ୍ରଥମ କଥା ଜାଣି ରଖନ୍ତୁ, ଏପରି କୌଣସି ବୟସ ନାହିଁ, ଯେଉଁ ବୟସ ପରେ ଆପଣଙ୍କ ଉଚ୍ଚତା ଆଉ ବଢିପାରିବ ନାହିଁ । ଆପଣଙ୍କ ଉଚ୍ଚତାକୁ ନେଇ ଚିନ୍ତିତ କି ? ଚିନ୍ତା କରନ୍ତୁ ନାହିଁ, ଏମିତି କିଛି ଉପାୟ ଅଛି ଯାହା ଦ୍ୱାରା ଆପଣଙ୍କ ଉଚ୍ଚତା ବଢିପାରିବ ।
Kanak News is now on WhatsApp
Join and get latest news updates delivered to you via WhatsApp
ଜାଣନ୍ତୁ ନିଜ ଘରେ ପ୍ରାକୃତିକ ଉପାୟରେ କିପରି ନିଜର ଉଚ୍ଚତା ବଢାଇବେ :
ଦିନର ସବୁଠୁ ମହତ୍ତ୍ୱପୂର୍ଣ୍ଣ ଭୋଜନ ହେଉଛି ବ୍ରେକ ଫାଷ୍ଟ । ଏହା ଅନେକ ଗୁରୁତ୍ୱ ବହନ କରେ । ତେଣୁ ନିୟମିତ ବ୍ରେକଫାଷ୍ଟ କରନ୍ତୁ । ନଚେତା ଏହା ଆପଣଙ୍କ ଉଚ୍ଚତା ଉପରେ ପ୍ରଭାବ ପକାଇପାରେ । ନିୟମିତ ଭାବେ ବ୍ରେକଫାଷ୍ଟ ନକରିଲେ ଆପଣଙ୍କ ଶରୀରର ବିକାଶ ଠିକ ଭାବେ ହୋଇନଥାଏ । ଫଳରେ ଆପଣଙ୍କ ଉଚ୍ଚତା କମ ଦେଖାଯାଇଥାଏ ।
୨.ଉଚ୍ଚତା କମାଉଥିବା ଫ୍ୟାକ୍ଟରରୁ ଦୂରେଇ ରୁହନ୍ତୁ :
ମଦ, ସିଗାରେଟ ଓ ଡ୍ରଗ୍ସ ଆପଣଙ୍କ ସ୍ୱାସ୍ଥ୍ୟ ବିକାଶରେ ସହାୟକ ହେବା ବଦଳରେ ଯୁବ ବୟସରେ ଆପଣଙ୍କ ଖାଦ୍ୟ ଉପରେ ପ୍ରଭାବ ପକାଇଥାଏ । ତା ସହ ନିୟମିତ ଅଧିକ କଫି ପିଇବା ଦ୍ୱାରା ଆପଣଙ୍କ ଉଚ୍ଚତାକୁ ପ୍ରଭାବିତ କରିଥାଏ । ଆଲକହଲ ଓ ଧୂମ୍ରପାନ ଦ୍ୱାରା ଆପଣଙ୍କ ଶରୀରରେ ବିକାଶ ଠିକ ଭାବେ ହୋଇନଥାଏ ।
୩. ଭଲ ଭାବେ ଶୁଅନ୍ତୁ :
ଶୋଇବା ସମୟରେ ଗ୍ରୋଥ ହରମୋନ ଶରୀରରୁ ବାହାରିଥାଏ । ସ୍ୱାସ୍ଥ୍ୟର ବିକାଶ ପାଇଁ ଭଲ ଭାବେ ଶୋଇବା ନିହାତି ଜରୁରୀ । ଦୈନିକ ଆଠ ଘଂଟା ଶୋଇବା ସ୍ୱାସ୍ଥ୍ୟ ପାଇଁ ଲାଭପ୍ରଦ । ସୁସ୍ଥ ନିଦ୍ରା ପାଇଁ ସବୁବେଳେ ଚେଷ୍ଟା କରନ୍ତୁ ।
୪. ସ୍ୱାସ୍ଥ୍ୟକର ଖାଦ୍ୟ :
ସ୍ୱାସ୍ଥ୍ୟକର ଖାଦ୍ୟ ଶରୀର ବୃଦ୍ଧି ପାଇଁ ନିତାନ୍ତ ଜରୁରୀ । ଆପଣଙ୍କ ଖାଦ୍ୟରେ ଉପଯୁକ୍ତ ଭିଟାମିନ, ପ୍ରୋଟିନ ରଖନ୍ତୁ ଯାହା ଆପଣଙ୍କ ବିକାଶରେ ସହାୟକ ହେବ । ଆପଣଙ୍କ ଶରୀର ଦରକାର ଅନୁଯାୟୀ ଆପଣ ନ୍ୟୁଟ୍ରିଏଂଟ ଖାଇପାରିବେ । ୫.ସଠିକ ମୁଦ୍ରା:ବସିବା ଓ ଠିଆହେବା ଆପଣଙ୍କ ଉଚ୍ଚତାକୁ ପ୍ରଭାବିତ କରିପାରେ । ସଠିକ ଭାବେ ବସିବା ଓ ଠିଆ ହେବା ଦ୍ୱାରା ଉଚ୍ଚତା ୬ଇଂଚ ପର୍ଯ୍ୟନ୍ତ ବଢିପାରେ । ସବୁବେଳେ ସିଧା ହୋଇ ବସନ୍ତୁ ଓ ଠିଆ ହୁଅନ୍ତୁ ।