ମଣ୍ଡପ ଗୋଟିଏ, କନ୍ୟା ତିନଟି ! ଲିଭଇନରେ ୧୨ ବର୍ଷ ରହିବା ପରେ ଏକାସାଙ୍ଗରେ ତିନି ଜଣଙ୍କୁ ବିବାହ କଲେ ଦିବ୍ୟାଙ୍ଗ ଯୁବକ
ଆଜିକାଲିର ଆଧୁନିକ ସମାଜରେ ଯୁବକ-ଯୁବତୀଙ୍କ ଲିଭଇନରେ ରହିବା ପାପ ବୋଲି ଧରା ଯାଉଥିବା ବେଳେ ରାଜସ୍ଥାନରେ ଏକ ଆଦିବାସୀ ସଂପ୍ରଦାୟ ରହିଛି ଯେଉଁଠି ଅନେକ ବର୍ଷ ତଳୁ ଏହି ପ୍ରଥା ଚାଲି ଆସୁଛି । ଏଠାରେ ଯୁବକ-ଯୁବତୀମାନେ ଯେତେ ଦିନ ଚାହିଁବେ ସେତେ ଦିନ ଲିଭଇନରେ ରହି ପାରିବାର ପ୍ରଥା ସମସ୍ତଙ୍କୁ ଆଶ୍ଚର୍ୟ୍ୟଚକିତ କରିଛି । ଏହି ପ୍ରଥା ବିଷୟରେ ପୂର୍ବରୁ ଏତେ ଜଣା ନଥିବା ବେଳେ ଜଣେ ଦିବ୍ୟାଙ୍ଗ ବର ଗୋଟେ ମଣ୍ଡପରେ ୩ଜଣଙ୍କୁ ବିବାହ କରିଥିବା ଘଟଣା ପରେ ଏହି ପ୍ରଥା ଏବେ ଚର୍ଚ୍ଚାକୁ ଆସିଛି ।
Kanak News is now on WhatsApp
Join and get latest news updates delivered to you via WhatsApp
ରାଜସ୍ଥାନର ଉଦୟପୁର ଜିଲ୍ଲାରେ ଥିବା ଝାଡ଼ୋଲ ଗ୍ରାମରେ ଜଣେ ଦିବ୍ୟାଙ୍ଗ ୩ଜଣ ମହିଳାଙ୍କୁ ଗୋଟେ ମଣ୍ଡପରେ ବିବାହ କରିଛନ୍ତି । ସେମାନଙ୍କ ମଧ୍ୟରୁ ଜଣଙ୍କ ସହ ୧୨ବର୍ଷ, ଜଣଙ୍କ ସହ ୮ବର୍ଷ ଏବଂ ଜଣଙ୍କ ସହ ବର୍ଷେ ଲିଭଇନରେ ରହିଥିଲେ ବୋଲି ଜଣା ପଡ଼ିଛି । ଦିବ୍ୟାଙ୍ଗଙ୍କ ନାମ ନକ୍କାଲାଲ୍ କସୌଟିଆ ବୋଲି ଜଣା ପଡ଼ିଛି ।
ସୂଚନା ମୁତାବକ, ନକ୍କାଲାଲ ଛୋଟ ବେଳୁ ପୋଲିଓ ରୋଗରେ ଆକ୍ରାନ୍ତ ହୋଇଥିଲେ । ନକ୍କାଲାଲ ଯାହା ସହ ପ୍ରଥମେ ୧୨ବର୍ଷ ଲିଭ୍ଇନ୍ରେ ରହିଥିଲେ, ସେ ନକ୍କାଲାଲଙ୍କଠାରୁ ୧୩ବର୍ଷ ବଡ଼ ବୋଲି ଜଣା ପଡ଼ିଛି । ପ୍ରଥମ ମହିଳା କତୁବାଇଙ୍କ ସହ ୧୨ବର୍ଷ ରହିବା ପରେ ନକ୍କାଲାଲଙ୍କୁ ଦ୍ୱିତୀୟ ମହିଳା ପୁନ୍କୀଙ୍କ ପ୍ରତି ଭଲ ପାଇବା ଆସି ଯାଇଥିଲା । ଯେଉଁଥି ପାଇଁ ସେ ପୁନ୍କୀଙ୍କୁ ନିଜ ଘରକୁ ନେଇ ଆସିଥିଲେ । ପୁନ୍କୀ ମଧ୍ୟ ନକ୍କାଲାଲଙ୍କ ପରି ଦିବ୍ୟାଙ୍ଗ ବୋଲି ଜଣା ପଡ଼ିଛି । ପରେ, କତୁବାଇ ଏବଂ ପୁନକୀ ସନ୍ତାନ ଜନ୍ମ ନ କରି ପାରିବାରୁ ନିଜଠାରୁ ୫ବର୍ଷ ସାନ ରେଖାଙ୍କୁ ମଧ୍ୟ ଘରକୁ ନେଇ ଆସିଥିଲେ । ୩ଜଣଙ୍କ ସହ ଗୋଟେ ଘରେ ରହୁଥିଲେ ନକ୍କାଲାଲ । ରେଖା ଗର୍ଭବତୀ ହେବା ପରେ ନକ୍କାଲାଲ ଏକାସହ ସମସ୍ତଙ୍କୁ ବିବାହ କରିବା ପାଇଁ ମନସ୍ଥ କରିଥିଲେ ।