ମାଙ୍କଡ ଉପଦ୍ରବରୁ ରକ୍ଷା ପାଇବା ପାଇଁ କୃଷକଙ୍କ ନୂଆ ଉପାୟ : ଭାଙ୍ଗ ଖୁଆଇ ମାଙ୍କଡଙ୍କୁ ଘଉଡାଉଛନ୍ତି ଚାଷୀ
ଦେଶର ଅଧିକାଂଶ ଜିଲ୍ଲାରେ ମାଙ୍କଡ ଆତଙ୍କ ଦ୍ୱାରା କୃଷକମାନେ ଚାଷ କରିବା ଛାଡିଦେଇଛନ୍ତି । ଏମିତିରେ ସୀତାପୁରର ଏକ କୃଷକ ମାଙ୍କଡଙ୍କ ଉପଦ୍ରବରୁ ମୁକ୍ତି ପାଇବା ପାଇଁ ଭାଙ୍ଗ ଖୁଆଇ ଘଉଡାଇବାର ଉପାୟ କରିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ସୀତାପୁର ଜିଲ୍ଲା ମୁଖ୍ୟାଳୟ ଠାରୁ ୫୫ କିମି ଦୂର ବେହଟା ବିକାଶ ଖଣ୍ଡର ଭବାନୀପୁର ଗାଁରେ କୃଷକ ରାମଗୋପାଳ ଶର୍ମା ମାଙ୍କଡଙ୍କ ଠାରୁ ଫସଲ ବଂଚାଇବା ପାଇଁ ସୁରକ୍ଷିତ ଉପାୟ ଆବିଷ୍କାର କରିଛନ୍ତି । ତାଙ୍କ କହିବାନୁସାରେ, ତାଙ୍କ ଗାଁରେ ଅଧିକ ମାତ୍ରାରେ କଦଳୀ ଓ ଆଖୁ ଚାଷ ହୁଏ । ଅନେକ ବର୍ଷରୁ ମାଙ୍କଡ ତାଙ୍କର ଫସଲକୁ କ୍ଷତି ପହଂଚାଉଥିଲେ, ସେଥିପାଇଁ ସେମାନେ ବହୁତ ହଇରାଣ ହେଉଥିଲେ ।
ଗାଁରେ ଭାଙ୍ଗ ଗଛ ହୁଏ । ଗଛର ପତ୍ରକୁ ଛିଣ୍ଡାଇ ଗୁଣ୍ଡ କରି ବେସନ ଯୁକ୍ତ ପକୁଡି ବା ଜଲେବୀ କିମ୍ବା ମିଠା ଇତ୍ୟାଦି ପ୍ରସ୍ତୁତ କରନ୍ତି ଓ ଚାଷ ଜମି ପାଖରେ ଝୁଲାଇ ଦିିଅନ୍ତି । ମାଙ୍କଡ ପଲ ଜମିକୁ ଆସି ଏହି ଭାଙ୍ଗଯୁକ୍ତ ଖାଦ୍ୟପଦାର୍ଥ ଖାଇଥାନ୍ତି । ଯେତେବେଳେ ମାଙ୍କଡପଲ ଭାଙ୍ଗଯୁକ୍ତ ଖାଦ୍ୟପଦାର୍ଥ ଖାଉଥାନ୍ତି, ସେତେବେଳେ ସେ ୨ରୁ ୪ଫୁଟ ଆଖୁର ପାଖାପାଖି ୧୦ ଖଣ୍ଡ କରି ମାଙ୍କଡପଲ ପାଖରେ ରଖି ଦିଅନ୍ତି । ମାଙ୍କଡପଲ ଏହି ଭାଙ୍ଗଯୁକ୍ତ ଖାଦ୍ୟପଦାର୍ଥ ଖାଇ ନିଶା ହୋଇଯାଏ ଓ ନିଶାରେ ସେମାନେ ପରସ୍ପର ଉପରେ ପ୍ରହାର କରିବା ଆରମ୍ଭ କରିଦିଅନ୍ତି ।
ଏହାର ଫଳସ୍ୱରୂପ ମାଙ୍କଡଙ୍କୁ ଲାଗେ କି, ଚାଷ ଜମିରେ କିଛି ଅଜବ ଜିନିଷ ଅଛି, ଯାହା କାରଣରୁ ସେମାନେ ଜମି ପାଖକୁ ଆସିବାକୁ ଡରନ୍ତି ଓ ସର୍ବଦା ଏହି ଜମିରୁ ଦୂରତା ବଜାୟ ରଖନ୍ତି । ଏହି ବିଧିର ପ୍ରୟୋଗ ଦ୍ୱାରା ମାଙ୍କଡ ସେମାନଙ୍କ ଜମି ଆଖପାଖକୁ ଆସିବାକୁ ଡରନ୍ତି ।