ସର୍କସ କରୁଛନ୍ତି କଙ୍ଗନା ! ବଲିଉଡ଼ କୁଇନଙ୍କୁ ସୋନା ମହାପାତ୍ରଙ୍କ କଟାକ୍ଷ
କିଛିଦିନ ତଳେ ବଲିଉଡ଼ କୁଇନ୍ କଙ୍ଗନା ରାନାଓ୍ଵତ୍ ଅଭିନେତା ହ୍ରିତିକ୍ ରୋଶନ୍ ଏବଂ ଆଦିତ୍ୟ ପାଞ୍ଚୋଲୀଙ୍କ ସହ ତାଙ୍କର ଥିବା ସଂପର୍କକୁ ନେଇ ଅଜବ ଖୁଲାସା କରିଥିଲେ । ଯାହାକୁ ନେଇ ଏବେ କଙ୍ଗନାଙ୍କୁ କଟାକ୍ଷ କରିଛନ୍ତି ବଲିଉଡ ଗାୟିକା ସୋନା ମହାପାତ୍ର । ନିକଟରେ ଗଣମାଧ୍ୟମରେ ସୋନା ମହାପାତ୍ର ନିଜର ପ୍ରତିକ୍ରିୟା ରଖିଛନ୍ତି । ସେ କହିଛନ୍ତି ଯେ, କଙ୍ଗନା ଯାହା କରୁଛନ୍ତି ତାହା କେବଳ ତାଙ୍କର ଆଗାମୀ ସିନେମା ‘ସିମରନ୍’ର ପ୍ରମୋସନ୍ ପାଇଁ ହିଁ କରୁଛନ୍ତି। ଏଥିସହିତ କଙ୍ଗନା ସର୍କସ କରୁଛନ୍ତି ବୋଲି ସୋନା ନିଜର ପ୍ରତିକ୍ରିୟାରେ କହିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ଖାଲି ସେତିକି ନୁହେଁ ସୋନା ମହାପାତ୍ର, କଙ୍ଗନାଙ୍କ ଉର୍ଦ୍ଦେଶ୍ୟରେ ଏକ ଲମ୍ବା ଲାଇନର ଲେଖା ମଧ୍ୟ ନିଜ ଫେସବୁକ୍ ପେଜରେ ପୋଷ୍ଟ କରିଛନ୍ତି । ଏଥିରେ ସୋନା ଲେଖିଛନ୍ତି ଯେ, ‘ଆପଣଙ୍କର ମୁଁ ଜଣେ ବଡ ଫ୍ୟାନ । ପୂର୍ବରୁ ବି ମୁଁ ଆପଣଙ୍କର ବିଭିନ୍ନ ପ୍ରସଙ୍ଗରେ ଆପଣଙ୍କୁ ସମର୍ଥନ କରିଛି, ହେଲେ ବର୍ତ୍ତମାନ ଆପଣ ନିଜର ବ୍ୟକ୍ତିଗତ ସମସ୍ୟା ତଥା କଥା ଏବଂ ଆପଣଙ୍କ ଲଭ ଲାଇଫ୍ ସଂପର୍କରେ ବିଭିନ୍ନ ଗଣମାଧ୍ୟମରେ ଚର୍ଚ୍ଚା କରୁଛନ୍ତି ତାହା ଠିକ୍ ହେଉନାହିଁ’ । ସୋନା ଏଭଳି ଲେଖିବା ସହ କଙ୍ଗନାଙ୍କୁ ସକରାତ୍ମକ ଚିନ୍ତାଧାରା ଆଣିବାକୁ ପରାମର୍ଶ ଦେଇଛନ୍ତି ।
ଏଠାରେ ଆମେ କହି ରଖୁଛୁ କି, ନିକଟରେ ଏକ ଟିଭି ସାକ୍ଷାତକାରରେ ବଲିଉଡ ଅଭିନେତ୍ରୀ କଙ୍ଗନା ରଣାୱତ ନିଜର ଓ ହ୍ରିତିକ୍ ରୋଶନଙ୍କ ମଧ୍ୟରେ ଥିବା ସଂପର୍କ ବିଷୟରେ କହିଥିଲେ କି, ହ୍ରିତିକଙ୍କ ସହ ତାଙ୍କର ସଂପର୍କ ଥିଲା ଏବଂ ଯେଉଁଥିପାଇଁ ସେ ହ୍ରିତିକଙ୍କ ସହ ବିବାହ କରିବାକୁ ଚାହୁଁଥିଲେ । ହ୍ରିତିକ୍ ମଧ୍ୟ ନିଜର ପତ୍ନୀ ସୁଜୈନ ଖାନଙ୍କ ସହ ଛାତ୍ରପତ୍ର ପରେ ବିବାହ ପାଇଁ କଥା ଦେଇଥିଲେ । କିନ୍ତୁ ଛାଡପତ୍ର ପରେ ହ୍ରିତିକ୍ ରୋଶନ ତାଙ୍କୁ ଚିହ୍ନି ନାହାଁନ୍ତି ବୋଲି କଙ୍ଗନା କହିଥିଲେ ଏବଂ ସୁଜୈନ ଖାନ ମଧ୍ୟ ଏହାର ଯାହାର କଡା ଜବାବ ଦେଇଥିଲେ ।
ଟୁଇଟ ଜରିଆରେ ସୁଜୈନ ସ୍ୱାମୀଙ୍କ ସପୋର୍ଟ ନେଇ କହିଥିଲେ କି, ହ୍ରିତିକଙ୍କ ଉପରେ ତାଙ୍କର ପୂରା ବିଶ୍ୱାସ ରହିଛି ଏବଂ ଆଗକୁ ମଧ୍ୟ ରହିବ । ଏଥିସହିତ ନିଜର ଏବଂ ହ୍ରିତିକଙ୍କ ଏକ ଫଟୋ ମଧ୍ୟ ସେୟାର କରି ସୁଜୈନ ଲେଖିଥିଲେ କି, କୌଣସି ପ୍ରକାରର ଅଭିଯୋଗ କିମ୍ବା ଷଡ଼ଯନ୍ତ୍ରର ଏତେ ଶକ୍ତି ନାହିଁ କି ସେ ଜଣେ ଭଲ ଆତ୍ମା ଉପରେ ବିଜୟ ଲାଭ କରିପାରିବ ।
ସୌଜନ୍ୟ: ଏନଡିଟିଭି ନ୍ୟୁଜ୍