ଘରକୁ ଫେରିଲେ ଯୋଡ଼ାମୁଣ୍ଡ ଶିଶୁ ଜୋଡ଼ାନ ଓ ଆନିଆସ ମ୍ୟାକଡୋନାଲ୍ଡ ! ଉଭୟ ପାଇଲେ ନୂଆ ଜୀବନ
ଯୋଡ଼ାମୁଣ୍ଡ ଶିଶୁ ଆନିଆସ ଓ ଜୋଡ଼ାନ ମ୍ୟାକଡ଼ୋନାଲ୍ଡ । ଜନ୍ମ ସମୟରେ ଉଭୟ ଶିଶୁଙ୍କ ମୁଣ୍ଡ ଯୋଡ଼ି ହୋଇଥିଲା । ଏପରି ଘଟଣା ୨.୫ କୋଟି ଜନ୍ମରେ ଗୋଟିଏ ଦେଖାଯାଏ ବୋଲି ଡାକ୍ତର କହିଛନ୍ତି । ଖୁବ କମ ହିଁ ଏପରି ଘଟଣା ଦେଖିବା ପାଇଁ ମିଳେ । ତେବେ ନ୍ୟୁୟର୍କରେ ଏକ ଚିକିତ୍ସାଳୟରେ ୨୭ ଘଂଟାର ମାରାଥନ ଅସ୍ତ୍ରୋପଚାର ପରେ ଉଭୟେ ଅଲଗା ହୋଇଥିଲେ । ଜୋଡ଼ାନ ଓ ଆନିଆସ ମ୍ୟାକଡୋନାଲ୍ଡ ପାଇଲେ ନୂଆ ଜୀବନ । ଗତ ଶୁକ୍ରବାର ସେମାନେ ଘରକୁ ଫେରିଛନ୍ତି । ଏବେ ଏକାଠି ଯୋଡ଼ି ହୋଇ ନୁହେଁ ଅଲଗା ଅଲଗା ହୋଇ ଏବଂ ଏକ ନୂଆ ଜୀବନର ଆଶା ନେଇ । ୯ ମାସ ଚିକିତ୍ସା ପରେ ଘରକୁ ଫେରିଲେ ଆନିଆସ ଓ ଜୋଡ଼ାନ । ଏହି ୯ ମାସ ଉଭୟଙ୍କ ପାଇଁ ବହୁତ କଷ୍ଟକର ସମୟ ଥିଲା । ଜୋଡାନ ଓ ଆନିଆସ ଘରକୁ ଫେରିବା , ପୁଣି ଅଲଗା ଅଲଗା ହୋଇ, ତାଙ୍କ ମାବାପା ନିକୋଲ ଓ କ୍ରିଷ୍ଟିଆନ ମ୍ୟାକଡୋନାଲ୍ଡଙ୍କ ପାଇଁ ବହୁତ ଖୁସି ଆଣି ଦେଇଛି । ଉଭୟଙ୍କ ବାପା ମା’ଙ୍କୁ ଏହି ମୁହୂର୍ତ୍ତକୁ ଅନେକ ଅପେକ୍ଷା କରି ରହିଥିଲେ । ଜୋଡାନ ଓ ଆନିଆସଙ୍କ ମା ନିକୋଲ କହିଛନ୍ତି, ମୋତେ ଏବେ ବି ବିଶ୍ୱାସ ହେଉନି, କିନ୍ତୁ ମୁଁ ବହୁତ ଖୁସି ।
Kanak News is now on WhatsApp
Join and get latest news updates delivered to you via WhatsApp
ଉଭୟେ ଅଲଗା ହେବା ପରେ ତାଙ୍କ ଶୈଶବକୁ ଉପଭୋଗ କରିବା ପାଇଁ ଚେଷ୍ଟା କରୁଛନ୍ତି ବୋଲି କହିଛନ୍ତି ନିକୋଲ । ଜୋଡାନ ଆସବାବପତ୍ରକୁ ଧରି ଧରି ଚାଲଇବା ଆରମ୍ଭ କରୁଛି । କିନ୍ତୁ ଆନିଆସକୁ ବହୁତ ପରିଶ୍ରମ କରିବା ପାଇଁ ପଡ଼ୁଛି । ଅସ୍ତ୍ରୋପଚାର ପୂର୍ବରୁ ଓ ପରେ ଆନିଆସକୁ ହିଁ ଅଧିକ କଷ୍ଟ ଅନୁଭବ ହେଉଛି । ସେନେ ଯେତେବେଳ ଯୋଡ଼ି ହୋଇଥିଲେ ଜୋଡ଼ାନ ହିଁ ବେଶୀ ଭଲ ଅବସ୍ଥାରେ ଥିଲା । ଆନିଆସକୁ ଜୀବିତ ରଖିବା ପାଇଁ ଜୋଡ଼ାନର ଶରୀର ଅଧିକ କାର୍ଯ୍ୟକ୍ଷମ ରହୁଥିଲା ।
ଉଭୟଙ୍କୁ ଏବେ ଏକ ପ୍ରକାର ସ୍ୱତନ୍ତ୍ର ପମ୍ପ ମାଧ୍ୟମରେ ଖାଦ୍ୟ ଦିଆଯାଉଛି । ଏବଂ ଶୋଇବା ସମୟରେ ତାଙ୍କୁ ଶ୍ୱାସ ଯନ୍ତ୍ରର ଆବଶ୍ୟକତା ପଡ଼ୁଛି । ଆନିଆସ ଅଲଗା ହେବା ପରେ ଗଡ଼଼ିବା ପାଇଁ ଚେଷ୍ଟା କରୁଛି । ବହୁତ କଷ୍ଟ ହେଉଥିଲେ ହେଁ ବସିବା ପାଇଁ ଚେଷ୍ଟା କରୁଛି ଆନିଆସ । ସେ ଏବେ ତାର ଡାହାଣ ହାତକୁ ଅଧିକ ବ୍ୟହାର କରିବା ପାଇଁ ଚେଷ୍ଟା କରୁଛି । ଆଗରୁ ଆନିଆସ ତା’ର ଡାହାରଣ ହାତକୁ ବିଲକୁଲ ବ୍ୟବହାର କରୁପାରୁନଥିଲା ।
ଆନିଆସର ଚିକିତ୍ସକକହିଛନ୍ତି, ବିଗତ ୯ମାସ ଉଭୟ ଶିଶୁଙ୍କ ବିକାଶ ଦେଖି ମୋତେ ଖୁସି ଲାଗୁଛି । ପ୍ରଥମେ ପ୍ରଥମେ ଏହି ଶିଶୁ ଦ୍ୱୟ ଅନ୍ୟ ଶିଶୁଙ୍କ ସହ କଥାବାର୍ତ୍ତା କରିବା ପାଇଁ ମଧ୍ୟ ଡୁରଥିଲେ । । କିନ୍ତୁ ଏବେ ଧୀରେ ଧୀରେ ସେଥିରେ ପରିବର୍ତ୍ତନ ଆସୁଛି । ଉଭୟଙ୍କୁ ଅଲଗା ଅଲଗା ଦେଖି ଜୋଡ଼ାନ ଓ ଆଲିଆସର ବାପା ବହୁତ ଖୁସି । ସେମାନେ ଆଉ ଏକାଠି ଲାଗି ରହିବେ ନାହିଁ ଓ ଅଲଗା ଅଲଗା ସ୍ୱାଧୀନ ରୂପେ ବୁଲିପାରିବ ବୋଲି ସେ ପ୍ରକାଶ କରିଛନ୍ତି ।
ସୂଚନାଯୋଗ୍ୟ, ଏବେ ଦିଲ୍ଲୀ ଏମ୍ସରେ ଓଡ଼ିଶାର ଯୋଡ଼ାମୁଣ୍ଡ ଶିଶୁ ଜଗା ବଳିଆଙ୍କ ଅସ୍ତ୍ରୋପଚାର ମଧ୍ୟ ଚାଲିଛି ।ଉଭୟ ଶିଶୁଙ୍କର ପ୍ରଥମ ପର୍ୟ୍ୟାୟ ଅପରେସନ ଶେଷ ହୋଇସାରିଛି । ପ୍ରଥମ ପର୍ୟ୍ୟାୟ ଅପରେସନ ପରେ ଜଗା ବଳିଆଙ୍କ ସ୍ୱାସ୍ଥ୍ୟବସ୍ଥା ସ୍ଥିର ରହିଥିବା ସୂଚନା ମିଳିଛି । ସେମାନଙ୍କ ସ୍ୱାସ୍ଥ୍ୟବସ୍ଥା ଅଛି ବୋଲି କହିଛନ୍ତି ଏମ୍ସର ବିଭାଗୀୟ ମୂଖ୍ୟ ଅଶୋକ ମହାପାତ୍ର । ତିନୋଟି ପର୍ୟ୍ୟାୟରେ ଜଗାବଳିଆଙ୍କ ଅପରେସନ ହେବ । ଅନ୍ୟ ଯାଆଁଳା ମୁଣ୍ଡ ଥିବା ଶିଶୁ ଅପେକ୍ଷା ଜଗା ବଳିଆଙ୍କ ଅଧିକ ସମସ୍ୟା ରହିଥିବା ଅଶୋକ ମହାପାତ୍ର କହିଛନ୍ତି ।
ପ୍ରଥମେ ଜଗାବଳିଆଙ୍କ ମୁଣ୍ଡ କେତେ ପରିମାଣରେ ଯୋଡ଼ି ହୋଇରହିଛି, ଏବଂ କେଉଁ କେଉଁ ଶିରାପ୍ରଶିରା ଯୋଡ଼ି ହୋଇ ରହିଛି ତାର ଅନୁଧ୍ୟାନ କରାଯାଇଥିଲା । କାରଣ ଦୁଇଟି ପିଲାର ଦୁଇଟି ମସ୍ତିଷ୍କକୁ ଅଲଗା କରିବାକୁ ହେବ । ତେବେ ଯାଇ ଦୁଇ ଜଣଙ୍କୁ ସଂପୂର୍ଣ ଭାବେ ସଫଳତାର ସହ ଅଲଗା କରିହେବ । ପ୍ରଥମ ପର୍ୟ୍ୟାୟ ଅପରେସନରେ ଏହାକୁ ଅନୁଧ୍ୟାନ କରାଯିବା ସହ ଯେଉଁ ଶିରାପ୍ରଶିରାଗୁଡ଼ିକ ଯୋଡ଼ି ହୋଇ ରହିଥିଲା କିମ୍ବା ଦୁଇଟି ସ୍ଥାନରେ ଗୋଟିଏ ଥିଲା ସେହି ସ୍ଥାନରେ କୃତ୍ରିମ ଭାବେ ତିଆରି ହୋଇଥିବା ଶିରାପ୍ରଶିରା ରୋପଣ କରାଯାଇଛି । ତେଣୁ ଦୁଇଟି ମୁଣ୍ଡକୁ ଅଲଗା କରିବାର ଏହି ମିଶନ୍ ବେଶ୍ ଆଗକୁ ବଢ଼ିଛି । ତେବେ ପ୍ରଥମ ପର୍ଯ୍ୟାୟ ଅପରେସନ ବେଳେ ଜଗା ବଳିଆଙ୍କ ମୁଣ୍ଡରେ କ୍ରୁତିମ ଭେନ୍ ଲଗାଯାଇଛି । ମଙ୍ଗଳବାର ସକାଳ ୯ଟାରୁ ଯାଆଁଳା ଶିଶୁ ଜଗା ବଳିଆଙ୍କ ଅପରେସନ ଆରମ୍ଭ କରାଯାଇଥିଲା । ପାଖାପାଖି ୨୦ ଘଂଟା ଧରି ଅପରେସନ ଚାଲିଥିଲା । ୪୦ ଜଣିଆ ଡାକ୍ତରୀ ଟିମ ଅସ୍ତ୍ରୋପଚାର କରିଥିଲେ ।