କନକ ବ୍ୟୁରୋ : ପରିବର୍ତନ ନହେଲେ ତିଷ୍ଟି ପାରିବନି କଂଗ୍ରେସ । ପଂଚାୟତ ନିର୍ବାଚନ ବିପର୍ଯ୍ୟୟ ପରେ ପୁଣି ଶୁଭିଛି ନେତୃତ୍ୱ ପରିବର୍ତନର ସ୍ୱର । ହାଇକମାଣ୍ଡଙ୍କୁ ବିଧାୟକ ଦଳ ପରାଜୟର ରିପୋର୍ଟ ଦେବା ପୂର୍ବରୁ ଖୋଲାଖୋଲି ମଙ୍ଗୁଆଳଙ୍କ ବିରୋଧରେ ଆସିଛି ମନ୍ତବ୍ୟ ।
Kanak News is now on WhatsApp
Join and get latest news updates delivered to you via WhatsApp
ବିଧାୟକଙ୍କ ଏହି ସବୁ ବୟାନରୁ ସ୍ପଷ୍ଟ ଅନୁମାନ କରି ହେଉଛି କଂଗ୍ରେସ ରାଜନୀତିରେ ପୁଣି ସେଇ ପୁରୁଣା ବିବାଦର ସୂତ୍ରପାତ ହେବାର ସଂଭାବନା ରହିଛି । ଦଳକୁ ବଂଚାଇବାକୁ ହେଲେ ସଭାପତି ପରିବର୍ତନ ଜରୁରୀ ବୋଲି କହିଛନ୍ତି ଆଉ କିଛି ବିଧାୟକ ।
ବିଧାୟକଙ୍କ ଏହି ସବୁ ବୟାନ ଭିତରେ କିନ୍ତୁ ପିସିସି ସଭାପତି ପ୍ରସାଦଙ୍କ ସପକ୍ଷରେ ବାହାରିଛନ୍ତି କୋଷାଧ୍ୟକ୍ଷ ମହମ୍ମଦ ମୋକିମ୍ । ଦଳୀୟ ପରାଜୟ ପାଇଁ ଗୋଷ୍ଠୀ କନ୍ଦଳକୁ ଦାୟୀ କରିବା ସହ ଜଣେ ଲୋକଙ୍କୁ ଦାୟି କରାଯାଇ ପାରିବ ନାହିଁ ବୋଲି ଯୁକ୍ତି ବାଢ଼ିଛନ୍ତି ।
ନେତାଙ୍କ ଏହି ଅରୋପ ପ୍ରତ୍ୟାରୋପ ଭିତରେ ଦଳୀୟ ରାଜନୀତିରେ ପୁଣି ଏକ ନୂଆ ସମୀକରଣର ସୁତ୍ରପାତ ସଂଭାବନା ସୃଷ୍ଟି ହୋଇଛି । ଦଳୀୟ ମଙ୍ଗୁଆଳ ପରିବର୍ତନ ହେବ ନା ନାହିଁ ତାହା ଆଗକୁ ନିଶ୍ଚିତ ଜଣାପଡ଼ିବ । କିନ୍ତୁ ଦଳ ନିର୍ବାଚନ ପୂର୍ବରୁ ଯେଉଁ ସମସ୍ୟା ଦେଇ ଗତି କରୁଥିଲା ପୁଣି ସେଇ ସମସ୍ୟା ।
ଏହା ସହ ଦେଖନ୍ତୁ ଏହି ଭିଡିଓ –