ଆନ୍ଧ୍ର-ପ୍ରଦେଶର ଗ୍ରାନାଇଟ ଖଣିରେ ବିସ୍ଫୋରୋଣ : ୧୨ ଶ୍ରମିକ ମୃତ, ୮ ଗୁରୁତର । ଉଦ୍ଧାର କାର୍ଯ୍ୟ ଜାରି
କନକ ବ୍ୟୁରୋ : ଗ୍ରାନାଇଡ କାରଖାନାରେ ବିସ୍ଫୋରୋଣ ହୋଇ ୧୨ ଶ୍ରମିକଙ୍କ ମୃତ୍ୟୁ ହୋଇଥିବା ସୂଚନା ମିଳିଛି । ତେବେ ଆନ୍ଧ୍ର ପ୍ରଦେଶ କୁର୍ନୋଲ ଜିଲ୍ଲାର ହାଥି ବେଲଗାଲ ଗ୍ରାମ ନିକଟରେ ଥିବା ଏକ ଗ୍ରାନାଇଟ୍ ଖଣିରେ ବିସ୍ଫୋରୋଣ ଯୋଗୁଁ ୧୨ ଜଣ ଘଟଣା ସ୍ଥଳରେ ପ୍ରାଣ ହରାଇଛନ୍ତି। ବିସ୍ଫୋରୋଣରେ ୮ ଜଣ ଗୁରୁତର ଆହତ ହୋଇଥିବା ବେଳେ ସେମାନଙ୍କ ମଧ୍ୟରୁ ୫ ଜଣଙ୍କ ଅବସ୍ଥା ସଙ୍କଟାପନ୍ନ ରହିଛି । ସମସ୍ତ ଗୁରୁତରଙ୍କୁ ସ୍ଥାନୀୟ ମେଡିକାଲରେ ଭର୍ତ୍ତି କରାଯାଇଛି । ଖଣି ଅଂଚଳରେ ଥିବା ଏକ ଅସ୍ଥାୟୀ କ୍ୟାମ୍ପରେ ମହଜୁଦ୍ ଥିବା ଜିଲେଟିନ୍ ଅଚାନକ ବିସ୍ଫୋରଣ ଘଟିବାରୁ ୨୦ ଜଣ ଶ୍ରମିକ ଏହାର ଶିକାର ହୋଇଥିଲେ। ତେବେ ସମସ୍ତ ଶ୍ରମିକମାନେ ଓଡ଼ିଶା, ବିହାର ଓ ଛତିଶଗଡ଼ର ବୋଲି ଜଣାପଡ଼ିଛି। ବିସ୍ଫୋରୋଣ ପରେ ଏକ ଡିଜେଲ ବୋଝେଇ ଟ୍ରକ୍ ମଧ୍ୟ ଜଳି ଯାଇଥିବା ନିକଟସ୍ଥ ଗ୍ରାମବାସୀ ପ୍ରକାଶ କରିଛନ୍ତି। ମୃତକମାନଙ୍କ ଶରୀର ସମ୍ପୂର୍ଣ୍ଣ ଭାବରେ ଜଳି ଯାଇଥିବାରୁ ସେମାନଙ୍କୁ ଚିହ୍ନଟ କରିବା ସମ୍ଭବ ହୋଇନାହିଁ । ତେବେ ଘଟଣା ସମ୍ପର୍କରେ ଘବର ପାଇଲା ପରେ ପୋଲିସ, ଏନଡିଆରଏଫ ଟିମ୍ ଘଟଣାସ୍ଥଳରେ ପହଞ୍ଚି ଉଦ୍ଧାରକାର୍ଯ୍ୟ ଜାରି ରଖିଛନ୍ତି।
Kanak News is now on WhatsApp
Join and get latest news updates delivered to you via WhatsApp
ତେବେ ପୋଲିସ ପ୍ରାଥମିକ ତଦନ୍ତରୁ କହିଛି ଯେ. ସମସ୍ତ ଶ୍ରମିକମାନେ ଖଣିରେ କାମ ସାରି ନିଜନିଜ ରହୁଥିବା ସ୍ଥାନକୁ ଫେରିଥିଲେ । ପରେ ସେମାନେ ରୋଷେଇ କାର୍ଯ୍ୟ ଆରମ୍ଭ କରିଥିଲେ । ସେହି ରୋଷେଇ ସମୟରେ ହିଁ ଏପରି ଭୟାନକ ବିସ୍ଫୋରୋଣ ହୋଇଥିଲା ଯେଉଁ ଥିରେ ୧୨ ଜଣ ଶ୍ରମିକଙ୍କ ଜୀବନ ଦୀପ ଲିଭିଯାଇଛି । ସମସ୍ତ ଶ୍ରମିକଙ୍କ ଶବର ବ୍ୟବଚ୍ଛେଦ ନିକଟସ୍ଥ ମେଡିକାଲରେ କରାଯାଉଛି ଏହାପରେ ସେମାନଙ୍କ ପରିବାରକୁ ମୁତ ଦେହ ହସ୍ତାନ୍ତର କରାଯିବ ବୋଲି ପୋଲିସ ସୂଚନା ଦେଇଛି ।