ପଞ୍ଚାୟତିରାଜ ବିଭାଗରେ ନିଯୁକ୍ତି ସୁଯୋଗ ! ୯୦୮ଟି କନିଷ୍ଠ ଯନ୍ତ୍ରୀ ପଦବୀ ଖାଲି
କନକ ବ୍ୟୁରୋ : ପଞ୍ଚାୟତିରାଜ ବିଭାଗରେ କିଛି ପଦବି ସୃଷ୍ଟି କରିବା ପାଇଁ ନିଷ୍ପତି ନେଇଛନ୍ତି ରାଜ୍ୟ ସରକାର । କାରଣ ବିଭିନ୍ନ ବିକାଶମୂଳକ ଯୋଜନା ପାଇଁ ଅଧିକ ଯନ୍ତ୍ରୀ ଦରକାର ପଡ଼ୁଥିଲେ । ତେବେ ପଦବୀ ପୂରଣ ହେବାପରେ ଉନ୍ନୟନ୍ନମୂଳକ କାର୍ଯ୍ୟ ଗୁଡ଼ିକ ସଠିକ ସମମୟରେ ହୋଇପାରିବ ।
Kanak News is now on WhatsApp
Join and get latest news updates delivered to you via WhatsApp
ସୂଚନାଯୋଗ୍ୟ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ପଞ୍ଚାୟତିରାଜ ବିଭାଗରେ ୯୦୮ଟି କନିଷ୍ଠ ଯନ୍ତ୍ରୀ ପଦବି ସୃଷ୍ଟି ପାଇଁ ନିଷ୍ପତ୍ତି ନେଇଛନ୍ତି । ‘ଆମ ଗାଁ ଆମ ବିକାଶ’ କାର୍ୟ୍ୟକ୍ରମ ଓ ଅନ୍ୟାନ୍ୟ ବ୍ଲକସ୍ତରୀୟ ଯୋଜନାର କାର୍ଯ୍ୟକାରୀତା ପାଇଁ ଅଧିକ ସଂଖ୍ୟକ କନିଷ୍ଠ ଯନ୍ତ୍ରୀ ଆବଶ୍ୟକ ହେଉଛନ୍ତି । ଏହାକୁ ଦୃଷ୍ଟିରେ ରଖି ଅଧିକ ସଂଖ୍ୟକ ପଦବି ସୃଷ୍ଟି ପାଇଁ ନିଷ୍ପତ୍ତି ନିଆଯାଇଛି । ଏହି ୯୦୮ଟି ପଦବିକୁ ମିଶାଇ ପଞ୍ଚାୟତିରାଜ ବିଭାଗରେ ମୋଟ କନିଷ୍ଠ ଯନ୍ତ୍ରୀଙ୍କ ସଂଖ୍ୟା ୧୭୬୧ରେ ପହଞ୍ଚିଛି ।